No IES A Sangriña colaboramos co CIM da Guarda na reserva de entradas para o espectáculo de Aldaolado O BEN QUERER(SE). Nel, as poetas Lucía Aldao e María Lado mesturarán poemas, música e historias para facer visibles as desigualdades que as mulleres seguen atopando actualmente na súa vida pública e privada. Este evento, que se celebrará o próximo día 25 ás 20:00 no Centro Cultural, é unha actividade inserida na programación de conmemoración do Día Internacional contra a Violencia de Xénero. O alumnado que o desexe poderá solicitar a súa reserva comunicándoo no correo do Equipo de Dinamización da Lingua Galega: asangrinha.edlg@gmail.com
