O próximo venres día 22 de novembro, en colaboración coa ANPA, celebraremos o magosto coa xa tradicional festa que se realiza cada ano no noso instituto. Como vén sendo habitual, o equipo de automoción encargarase de asar un montón de castañas, organizaremos xogos populares para nos divertir e a festa será amenizada con música tradicional. Acabaremos de maneira moi doce con postres para a xente máis larpeira.
