Ao longo do curso, alumnas e alumnos de distintos grupos-clase de educación primaria e da ESO, estiveron traballando sobre o mar e a poesía. Investigaron e crearon, en equipos, diferentes aportacións para a exposición: carteis explicativos sobre mitos e lendas do mar, un mural sobre o cabaliño de mar, Pokédex de animais mariños, cadros de faros, gráficas, estadísticas, poemas, etc

 

Para a elaboración de ditos materiais utilizáronse estruturas cooperativas simples (lectura compartida, xogo de palabras, 1-2-4,...), derivadas (album de cromos) e complexas (quebracabezas).

 

A exposición estará situada na entrada do Concello de Baiona. O acto de inauguración terá lugar o xoves 6 de xuño ás 19:00h, na Praza do Concello. 

O convidado especial no evento será o poeta Antonio García Teijeiro, Premio Nacional de Literatura Infantil e Xuvenil, 2017 polo seu poemario en galego, Poemar o mar.