Actividades conxuntas

Exposición de Fotografía Social "Imaxes con Fondo"

Ven, 2017-01-13 10:38 — secretaria

Desde esta semana e até o 24 de xaneiro teremos instalada no corredor central do centro unha interesante EXPOSICIÓN DE FOTOGRAFÍA SOCIAL titulada IMAXES CON FONDO (Concurso de fotografía que fará ver o mundo con outros ollos) que é froito dun concurso promovido polo Fondo Galego de Cooperación e Solidariedade.

A presenza desta exposición no colexio cómpre agradecerlla ao Departamento de Servizos Sociais do Concello de Cuntis por facilitárnola.

Non esquezades que podedes visitala, en horario escolar, todas as persoas interesadas que o desexedes e para que vos fagades unha pequena idea aquí vos deixamos unhas mostras.

Festival de Decembro 2016.

Mér, 2016-12-21 13:27 — secretaria

Un ano máis chegou Decembro e con el o tan esperado Festival do noso colexio onde os nosos rapaces e rapazas nos amosan que grandes artistas temos en Cuntis. Ademáis das actuacións, das fotos do festival e co Apalpador no corredor principal, tamén podedes ver a entrega de premios que fixemos para agasallar ao alumnado que participou activamente no Mes da Ciencia e coa Aociación Avanzar.

Moitas grazas a todos e todas que fixestes posible este remate de trimestre tan bo e vémonos prontiño despois do Nadal.

FOTOS FESTIVAL VIDEOS ACTUACIÓNS FOTOS APALPADOR

BO NADAL E FELIZ ANO NOVO 2017

Festival de Decembro 2016

Ven, 2016-12-16 10:11 — secretaria

Susa Herrera visita novamente o noso centro

Lun, 2016-12-12 09:18 — secretaria

Este venres 9 de decembro volveu visitar o noso colexio a mestra Susa Herrera cargada de cancións, ritmos, bailes e moita diversión. Veunos presentar o seu novo libro "En Cabárceno se sigue cantando", continuación do anterior "En Cabárceno se oye cantar" que ademáis das letras das cancións ven acompañado dun CD e dun DVD, para escoitar e aprender as coreografías máis animadas. Desta vez o alumnado que puido desfrutar desta visita foi o de catro e cinco anos de infantil e os de primeiro, segundo e terceiro de primaria.

Moitas grazas Susa por facernos pasar un momento tan divertido e achegarnos un chisquiño máis a eses teus animais encantadores.

Premede nestas imaxes ou visitade a nosa galeria de fotos para que vexades que tanto se divertiron os/as nosos/as cativos/as.

Mes da Ciencia 2016

Sáb, 2016-12-03 15:48 — secretaria

ORIGAMI EXPERIMENTOS 4º EP VISITA METEOCUNTIS 4º EP

EXPOSICIÓN MINERAIS VISITA A METEOCUNTIS 5ºA EP ORIGAMI. II

EXPERIMENTOS 5ºB. EP EXPERIMENTOS 2ºESO VISITA A METEOCUNTIS 5ºB EP

VISITA A METEOCUNTIS 1º ESO MÁIS EXPERIMENTOS 4º EP VISITA A METEOCUNTIS 6ºA EP

ORIGAMI III EXPERIMENTOS 6ºA. EP MÁIS EXPERIMENTOS 2º ESO

VISITA A METEOCUNTIS 2º ESO EXPERIMENTOS 1º ESO FALAMOS DE COGUMELOS

ORIGAMI IV CHARLA DAS CAMELIAS EXPERIMENTOS 5ºA. EP

EXPERIMENTOS 6ºB. EP VISITA ÁS BURGAS A NOSA HORTA

GAÑADOR FOTO ESO GAÑADOR FOTO E TEXTO ESO GAÑADOR FOTO EP GAÑADOR FOTO EI

CARTEL GAÑADOR VÍDEOS EXPERIMENTOS GAÑADORES

DÍA INTERNACIONAL DAS PERSOAS CON DISCAPACIDADE NO CPI DE CUNTIS

Ven, 2016-12-02 14:50 — secretaria

Como este ano o día da discapacidade cae en Sábado nós celebrámolo onte 30 de novembro. Como sempre grazas ao impresionante labor da ASOCIACIÓN AVANZAR, que nesta ocasión conseguiu que viñese ao noso centro o equipo de baloncesto Cd Amfiv que foi tres veces subcampión de Europa en cadeira de rodas. Grazas por amosarlle ao noso alumnado como se pode estar integrado socialmente a través do deporte e sempre cun sorriso a pesar das dificultades. Moitas grazas pola lección!

Coma sempre, podedes botar un ollo ás fotos que fixemos da visita premendo nas imaxes ou na nosa galería de fotos.

Deporte Escolar: Campo a través

Xov, 2016-12-01 12:55 — Anónimo

O mércores 30 de novembro participamos na fase zonal do Campo a Través. A carreira celebrouse na Estrada nas instalacións da Praia Fluvial. O noso colexio participou con 160 nenos/as de 2º de Primaria a 3º da ESO.

Conseguimos 5 medallas nas difererentes categorías e o mais importante foi que disfrutamos moito convivindo e facendo deporte no medio natural.

Para ver as fotos premede nas imaxes.

MAGOSTO 2016

Xov, 2016-11-10 20:19 — secretaria

E por fin a choiva de outono nos deu unha pequena tregua e puidemos rematar a festa deste Magosto 2016 asando e degustando as castañas que tan amablemente nos trouxeron os/as rapaces/as das súas familias. Tampouco podemos esquecer a colaboración da ANPA "O Baño" que nos proporcionou a leña para poder asar as castañas, unha vez máis, moitas grazas a todos/as.

Non deixedes de visitar a nosa galería de fotos e botádelle un ollo ás cariñas dos nosos/as rapaces/as probando as castañas asadas.

Magosto 2016

Ven, 2016-11-04 13:52 — secretaria

Chegou o Outono acompañado da choiva e con ela o noso Magosto cargado de actividades para todas as idades e gustos.

Os máis cativos/as de Infantil fixemos xogos no ximnasio supervisados polos nosos compañeiros/as de sexto de primaria e desfrutamos cos nosos amigos Os Piñeiriños que nos levaron a outros paises e culturas a través das súas cancións. Tamén nos acompañaron nesta viaxe musical os/as nosos/as compañeiros/as da Unitaria de Arcos de Furcos que se achegaron un ano máis a compartir con nós este día de festa.

Os rapaces e rapazas de Primaria tamén fixeron xogos no pavillón pero desta volta facendo uso dos Xogos Tradicionais de madeira que nos cedeu moi amablemente o concello de O Grove. Tamén desfrutaron da organización de varios obradoiros que se puxeron en práctica grazas á creatividade e bon facer dos/as mestres/as e profesores/as do noso centro: cerámica castrexa grazas á Fundación Terra Termarum, elaboración de abalorios, xoguetes con material de refugallo, cociña, maxia, karaoke, etc.

E os máis grandes de Secundaria tamén tiveron a oportunidade de por en práctica as súas habilidades artísticas e creativas cos diferentes obradoiros que prepararon os profesores/as e a Asociación Avanzar, que xenerosamente compartiu con nós un obradoiro de coiro.

O Sabor da Aventura está no Mar. 2016

Mar, 2016-10-18 15:14 — secretaria

O luns 10 de outubro o alumnado de Infantil e terceiro e quinto de Primaria recibiron a visita da pandilla dos Arroases que trouxeron moitos xogos, historias, diversión e coñecementos sobre os alimentos que nos ofrece o noso mar. Todo o traballo deste obradoiro forma parte do programa Aliméntate Ben que forma parte do traballo de innovación educativa dos Plans Proxecta nos que estamos a participar o profesorado do centro.

Para ver as diferentes actividades que se desenvolveron cos distintos grupos de traballo podedes visitar a nosa galería de fotos ou premer en calquera destas imaxes.