Actividades conxuntas

O tempo pasa tan rápido que case sen decatarnos xa rematamos outro curso máis. Este curso 2015- 2016 chega ao sen fin e con el chegan, por un lado, os momentos de despedida e parabéns para os nosos mozos e mozas de cuarto da ESO que emprenden camiños novos fora das paredes do seu colexio de sempre, e por outro, as despedidas mais curtas e ata logo-vémonos prontiño para os raparigos e raparigas que comezan as tan esperadas e merecidas vacacións despois do traballo e esforzo tan grande que fixeron neste ano.

Para por remate a este ano tan intenso de traballo, dedicación e por qué non, de ilusións cumpridas e logros acadados fixemos un montón de actividades para celebralo. Coma sempre podedes botar un ollo á nosa galería de imaxes ou premer en calquera destas imaxes para facervos unha idea e lembrar momentos de diversión compartidos con todo o noso alumnado.

Bo verán e vémonos en setembro.

A principios do mes de Maio, martes tres e mércores catro, o alumnado de quinto de primaria e primeiro de secundaria fixeron unha visita ao Courel dentro das actividades do proxecto Paisaxe e Sustentabilidade do Plan Proxecta no que están a participar neste curso. 

Coma sempre podedes botar un ollo ás imaxes que tomaron as profesoras acompañantes e que temos á vosa disposición na nosa galería de fotos e visitando a páxina de turgalicia, empresa encargada dos monitores e realización da actividade. 

Este mércores 20 de abril o alumnado de infantil e terceiro e cuarto de primaria que está a participar no programa Aliméntate Ben dos Plan Proxecta da Consellaría participou do obradoiro "Ponlle as pilas ao teu bocata" que trouxeron ao noso centro. 

Aprendemos un montón de cousas sobre o mar e as conservas, xogamos con puzzles e cámaras de vídeo de última xeración, e finalmente, o mellor de todo, fixemos uns bocatas deliciosos que sabían xenial. Botádelle un ollo ás fotos que nos fixeron as mestras.

O pasado venres 5 de febreiro tivo lugar no noso colexio o xa tradicional desfile de entroido. Desta volta a temática dos nosos disfraces xiraba en torno a un dos temas transversais que estamos a traballar neste curso, a Interculturalidade, polo que todos e todas estudamos, preparamos e acercamos ao noso alumnado cara as diferentes culturas e pobos do mundo cos que desfilamos.

Ademáis do desfile os rapaces e rapazas da ESO participaron nun concurso de disfraces que podedes ver neste enlace ou na nosa galería de vídeos.

Despois do desfile degustamos unha grande cantidade de doces de entroido, filloas e orellas que tan xenerosamente aportaron as familias dos nosos rapaces e rapazas, en colaboración coa ANPA "O Baño". Moitas grazas a todos/as.

O desfile deu moito de sí e tiramos unhas fotos para ter unha pequena lembranza deste día; podedes botarlle un ollo visitando a nosa galería de fotos ou premendo nestas imaxes.

Este venres 13 de novembro celebramos no colexio a xa tradicional festa do MAGOSTO con Xogos Tradicionais, Obradoiros, Teatro e para rematar degustamos unhas saborosas Castañas Asadas. Queremos agradecer a colaboración da ANPA O Baño e a todas as familias que nos proporcionaron as castañas para poñer fin a esta festa tan agardada polos nosos cativos e cativas.

Botádelle unha ollada ás fotos que fixemos premendo en calquera delas ou visitando a nosa galería de fotos.