Ola a tod@sss!!! Como estades???

Como van eses primeiros paseos autorizados logo de tantos días confinad@s???

Sabedes que día é mañá?? Si claro, 29 de abril!!! Pero sabedes que se celebra cada 29 de abril??

O DÍA DA DANZA!!!!

Coñecedes ao grupo Pesdelán? No noso cole temos dous traballos publicados por elas.

Unha das componentes do grupo Pesdelán é Mercedes Prieto. Unha recoñecida mestra especialista de danza. Mercedes está desenvolvendo varios proxectos onde relaciona a danza coas matemáticas, coa arte, ... Mercedes é unha veciña nosa, natural da parroquia de Leirado, que actualmente vive en Salceda de Caselas.

Este ano tiñamos programado un proxecto chamado MUSE onde a través da danza e doutras artes iamos traballar varios aspectos pedagóxicos e de socialización e ela ía ser a artista que nos ía dar os obradoiros. Por mor desta situación houbo que adialo, agardo que poidamos levalo a cabo o vindeiro curso.

Pois mañá, Mercedes e @s súas compañeir@s de Pesdelán van facer un obradoiro de danza , dende o Salón do libro en Pontevedra virtual e vós poderedes danzar no salón das vosas casas.

Que maneira tan marabillosa de celebrar o día da DANZA. Menudo PLANAZO para mañá ás 12 do mediodía!!! FESTAAAAAA!!!!!

 En nome de toda a Comunidade Educativa do CEP Carlos Casares, querémoslle dar as grazas e mandar unha aperta moi forte para Mercedes, por ter a deferencia de facernos este convite, persoal!!

Lembrade...mañá ás 12 do mediodía... TOCA DANZAR EN FAMILIA!!!!

Se vos apetece, podedes gravarvos e logo podemos facer unha montaxe.

Para participar tés qeu entrar no seguintes enlaces:

https://www.youtube.com/channel/UCKa4_z4e9ddQdC1eoprGcBA

https://www.salondolibro.gal/

Bo día de Luns clase de 1º e 2º!!

Comezamos una nova semana!

De seguro xa sabedes as boas novas: dende onte, @s cativ@s podedes saír á rúa! 

Imaxinamos o content@s que estaredes: por fin podedes  respirar un pouco de aire fresco e estirar ben as pernas!!

Iso si, antes de saír a rúa tedes que coñecer unha normas que deberedes cumprir. Por iso, imos a ensinarvos unha guía que adaptou a mestra Sabela e que ten un protagonista moi simpático: o oso lambón (premede na imaxe).

Para as mamás e os papás tamén adxuntamos unha guía que agardamos que vos sexa de utilidade (premede na imaxe).

Desfrutade moito dos vosos paseos e lembrade seguir os consellos do oso lambón!

Apertas virtuais,

Sonia e Fanny.

Bo día nenos e nenas!!! Hoxe é 23 de abril, DÍA MUNDIAL DO LIBRO E DOS DEREITOS DE AUTOR. A semana pasada propuxemos, desde a biblioteca, a actividade COMPARTIMOS O QUE ESTAMOS A LER. Consistía en facer un debuxo do libro que estabades a ler poñendo o título e o nome do autor, e depois quitarvos unha foto con dito debuxo.

Deixamos os debuxos dos libros que compartístedes. Parabéns a Axel, Sara, Paula e Sergio de 2º e a Aarón, Iria, Marta, Mateo, Iván, Mauro, Yerai e Lois de 4º. Moi ben Lois e Paula, moitas grazas por incluirvos na foto como pedía a actividade.

Tamén vos deixo unha emotiva historia relacionada cos libros:pincha na imaxe

LOS FANTÁSTICOS LIBROS VOLADORES DE MR.MORRIS LESMORE.

Benquerid@s alumnado e familias!

Desde o claustro do CEP Carlos Casares decidimos realizar un pequeno vídeo para pórlle unha nota de cor a esta cuarentena e animarvos a que botedes unhas bailas connosco. A música corre a cargo da marabillosa banda compostelá Ruxe Ruxe.

Con moito cariño e desexos de que pronto volvamos camiñar unidas e unidos.

Unha das festas más agardadas no noso colexio é o ENTROIDO. Os nosos  disfraces é un segrego que non vos podemos desvelar ata o día do desfile. Agardámosvos o 21 de febreiro polas rúas de Salvaterra. Para ir facendo boca, partillamos con vós os traballos que fixemos  para decorar as nosas corticeiras. Gústanvos?

Como todos sabedes este curso estamos traballando moito arredor do tema da cociña. Unha das actividades que estamos levando a cabo en 1º e en 2º é a do Receitario Viaxeiro, onde cada familia elabora unha ou varias receitas que pasarán a formar parte do noso libro de receitas. Coa finalidade de adquirir un vocabulario específico de cociña e de poder resolver dúbidas á hora de escribir as receitas elaboramos un Glosario Culinario que tamén viaxa a cada casa xunto co Receitario e a nosa Chef Xoana.

COMO CADA ANO ESTE CENTRO PARTICIPA NA ACTIVIDADE DE REPARTO E CONSUMO DE FROITA FRESCA. SOLICITÁRONSE DOUS PERÍODOS PERO SÓ SE NOS CONCEDEU UN.

ESTA ACTIVIDADE LEVARASE A CABO ENTRE OS DÍAS 3 E 14 DE FEBREIRO, AMBOS INCLUSIVE.

PARA LER A RESOLUCIÓN DA CONVOCATORIA, PREME SOBRE A IMAXE.

urante o 1º trimestre o alumnado de 2º estivemos  traballando duro na elaboración dun dicionario de cociña. A idea consistía en aprender o nome dalgúns alimentos e dalgúns utensilios de cociña en varios idiomas. Aproveitamos a visita dos compañeir@s istri@s,  friulan@s e dos seus mestres e mestras para preguntarlles  como se dicían esas palabras nos seus respectivos idiomas.

Ao final fixemos un dicionario con vocabulario en galego, español, italiano, friulano, chakavo e istro veneto. Sí, Sí,... en  6 idiomas!!!

A mestra Belén encargouse  de facer a montaxe. Aquí tedes o resultado final. Quedou ESPECTACULAR!!! 

Boa tarde!

Xa temos aquí o calendario 2020 que, como xa sabedes, este ano xira entorno ao proxecto do comedor. É por iso que as súas páxinas están enfeitadas cos fanásticos obxectos que formaron parte da nosa exposición, así como coas cabazas de Coco-Alxén e, como todos os anos, coas nosas familias, xuntadas neste caso arredor de mesas cheas de recordos e moito cariño. Premede sobre a imaxe para poder visualizalo:

Esperamos que vos guste tanto como a nós!

No CEP Carlos Casares estamos moi pero moi felices co resultado final da nosa exposición: o comedor. 

Grazas á implicación de todas as familias, claustro e alumnado; conseguimos converter o noso salón de actos nun fantástico comedor ao que non lle falta detalle, cunha manchea de obxectos de gran valor; e non podemos máis que agradecer a vosa cuantiosa xenerosidade e confianza ao partillar con toda a comunidade as vosas pezas, moitas veces cun gran valor sentimental.

Moitas e moitos de vós xa desfrutachedes da nosa exposición na Xornada de portas abertas, pero para os que non, gustaríanos deixarvos por aquí un pequeno vídeo que vos achegue ao noso comedor particular.