A pasada semana, o alumnado de 2º curso emitimos un programa ben completiño desde Radio Saltamontes! 

Este xirou arredor do Magosto e da castaña, para aprender un pouquiño sobre esta festa tradicional que tanto nos gusta. Pero ademais, tamén aprendemos datos ben interesantes sobre a historia da castaña e algunha que outra curiosidade, repasamos o refraneiro, cantamos cantigas e até partillamos unha receita ben suculenta das filloas de castaña. Só de volver a escoitala xa se nos fai a boca auga... 

Collede lapis e papel que este programa éche do máis interesante!

Ao longo do que levamos de curso fomos decorando a nosa corticeira cos distintos traballos que realizamos nos obradoiros. Así, aproveitamos para realizar manteis para tomar o pequeno almorzo (a través de técnicas como o collage e a pintura); botes con area de cor que aportan moita alegría nestes días tan grises; paraugas de papel, que de seguro nos serán de grande utilidade durante estas semanas chuviosas, e diferentes animaliños que nos acompañan todos os días, empregando as follas que nos regala  o outono. Todo isto acompañado dunha das nosas manualidades preferidas... os mandalas!

Esperemos que vos guste o resultado final!

Ao longo do que levamos de curso fomos decorando a nosa corticeira cos distintos traballos que realizamos nos obradoiros. Así, aproveitamos para realizar manteis para tomar o pequeno almorzo (a través de técnicas como o collage e a pintura); botes con area de cor que aportan moita alegría nestes días tan grises; paraugas de papel, que de seguro nos serán de grande utilidade durante estas semanas chuviosas, e diferentes animaliños que nos acompañan todos os días, empregando as follas que nos regala  o outono. Todo isto acompañado dunha das nosas manualidades preferidas... os mandalas!

Esperemos que vos guste o resultado final!

Hoxe, luns 21 de outubro, o CEP Carlos Casares dou a benvida ao alumnado e

profesorado friulano e istrio, que nos acompañará ao longo desta semana a través

do Proxecto RUSH do Erasmus+.

Paqui, a directora do CEP, xunto co alumnado acolledor; foron os encargados

de presentar aos que serán os nosos novos compañeiros e compañeiras. Así,

descubrimos que cousas saben sobre Galicia, cales son as súas afeccións, as súas

comidas favoritas, etc. e até aprendemos un pouquiño de italiano!

Entre o alumnado friulano, incorpóranse as nosas

aulas Nina e Giorgia en 3º, Rosita en 5º e Flaminia e Luca en 6º curso. Pola súa

parte, entre o alumnado procedente de Istria contamos con Nicole, Flora,

Lana e Gabriel en 5º e Danea en 6º curso. Non nos esquecemos do profesorado

estranxeiro; Marina, Fabio e Loredana, que esperamos, desfruten moito a estadía

en Alxén.

Hoxe o alumnado do 1º ciclo tivemos unha visita moi especial: a da chef Xoana! Xoana é unha apaixonada dos fogóns e acompañaranos ao longo deste curso para aprendermos xuntos as receitas máis apetitosas da nosa gastronomía!

Con moita paciencia e cariño, fixemos un saboroso biscoito de iogur que resultou ser todo un éxito! Aprendemos algunhas técnicas culinarias así como a importancia de manter o espazo limpo e de ser ordenados e meticulosos á hora de seguir os pasos dunha receita. E os máis lambereteiros... ata repetimos!

Queremos aproveitar para agradecer á pincha Sonia toda a súa axuda así como a colaboración de Xián na elaboración desta  pequena merendola! Moitas grazas!

Deixámosvos un vídeo con fotos sobre o proceso. Esperamos non pórvos os dentes moi longos. Vémonos moi pronto nas vosas cociñas!

Hoxe, día 8 de outubro realizouse no patio da escola o acto de inauguración da biblioteca

escolar. Actuaron como pregoeiras Isabel, Gema e Maite e como tamborileiro Javier.

A partires de hoxe, a biblioteca estará aberta para intercambio de libros os recreos dos martes e dos xoves!

Que os libros vos acompañen!!

Falámosvos algunha vez de Maruxiña? É unha boneca moi bonitiña, vestida co traxe típico galego e é a nosa mascota de aula. Cada fin de semana, un de nós levou a Maruxiña para a casa e amosoulle os lugares máis bonitos da nosa parroquia. Con ela, vivimos grandes aventuras!

Visitounos un Mouro moi especial.....O Mouro Moure! Falounos da meiga de Chantada, do bosque de Antonio Fraguas...e mesmo nos trouxo un pedaciño do bosque dentro dunha maleta!

Elaboramos unha banda deseñada, na que deixamos voar a nosa imaxinación...