Contidos
Cuarto
Programa especial Nadal guiado polo alumnado de 4º nivel no que fan unha recompilación das tradicións máis curiosas desta época do ano. Desfrutádeo!!
BOA ESCOITA
ENTERRO DA LAMPREA
admin — Xov, 2024-03-14 12:05
Para quitarnos a decepción de non poder desfilar cos outros coles o venres, ocurriusenos, a ultimísima hora, participar no desfile do Enterro da Lamprea. Dábanos moita mágoa non poder lucir os nosos disfraces que tan bonitos nos quedaran. Así que, nin cortos nin preguiceiros, chamamos ao Concello que non nos puxo ningún inconveniente e, acto seguido, solicitamos a colaboración da ANPA para mobilizar a todas as familias. Foi unha xornada axetreada pero mereceu a pena.
Decoramos o coche do mestre Fran e alí que nos presentamos no desfile. Foi unha xornada moi divertida, a pesares dalgún contratempo mentras desfilabamos que foi exitosamente disimulado grazas á axuda dos pais do alumnado que por alí estaban. MOITAS GRAZAS A TOD@S
CHOCOLATE CON ROSCA
admin — Mér, 2024-03-13 13:41
Despois de tanto bailar é hora de papaaaaar!! A Anpa convidounos a chocolate con rosca na hora do recreo para recuperar forzas despois do ranchiño e así poder continuar coas actividades de entroido. Tocarialle o turno á lectura do testamento, queima do meco e gran fariñada, pero por mor do mal tempo houbo que cancelalas todas, unha mágoa. Polo menos desfrutamos dun rico chocolate quentiño...
O día 30 de xuño conmemorouse o Día da Paz e non Violencia. Para isto, ocorriusenos debuxar unha pomba enorme nun papel para logo enchela de plumas de cores. En cada unha destas plumas (unha para cada un de nós) escribimos palabras que estiveran relacionadas coa paz: amor, axuda, calma, paciencia... Ao final quedounos así de bonita e nós quedamos coa conclusión de que a paz ten que ser celebrada todos os días e que hai moitas formas de paz.
FESTIVAL DE NADAL
admin — Xov, 2024-03-07 18:13
Ao día seguinte de recibir a visita dos Reis Magos e do Apalpador, tocou o turno de recibir a un montón de familias que fixeron un oquiño nas súas axenda para vir ver o noso festival de nadal! Houbo de todo, teatro, música e unha actuación sorpresa, os mestres e mestras subiron ao escenario a actuar!! (A eles failles ilusión que sigamos pensando que é sorpresa).
Clicade aqui para ver fotos das actuacións.
O día 29 de novembro recibimos no centro dúas visitas. Unha delas eran os nenos e nenas do IES que, coma todos os anos, veñen ver a nosa exposición anual. Tiñamos tres obradoiros preparados: no primeiro, o noso alumnado de 6º nivel facía un pequeno percorrido por todos os recantos de "Lerias e enredos doutro tempo", no segundo e acompañados do mestre Fran, había un pequeno circuito con varios xogos tradicionais, birlos, bólas, rá, zancos... e no terceiro, situado na biblioteca, podía ver a exposición "Xoguetes esquecidos" e había preparado un obradoiro sobre a buxaina.
Pero a segunda visita foi a máis especial, e inesperada. Viu nada máis e nada menos que a TVG a facernos unha entrevista. Queredes ver ao noso alumnado de 6º desenvolvéndose coma verdadeiros expertos diante das cámaras? Sairon no programa A REVISTA do 29 de novembro, a partires do minunto 47:35 . Clicade na imaxe.
Por segundo ano consecutivo, a asociación pedagóxica Ponte...Nas Ondas, quixo premiar á nosa escola pola súa participación no certame de Recolla de Imaxes do Patrimonio. Desta volta presentámonos coas fotografías do calendario do curso pasado METEOALXÉN. Eran tantas e tan boas que, por unanimidade e fóra de toda categoría decidiron outorgarnos un premio. A entrega era en Ourense e alí foi, o alumnado de 2º, 5º e 6º por ser os que máis fotos tiñan no calendario. Este ano volveremos a presentarnos coas fotos que traian as familias, gañaremos outra vez?
Pasádevos pola nosa galería para ver a entrega de premios.
COCO-ALXÉN
admin — Dom, 2024-02-25 22:26
Unha semana máis tarde do habitual, tivo lugar o concurso de COCO-ALXÉN. Os mestres que chegaron novos ao centro exerceron de xurado e resultoulles moi pero que moi difícil escoller as cabazas gañadoras. Non podían gañar todas polo quixemos premiar a participación entregando un pequeno agasallo a todos e todas os nenos e nenas que presentaron algunha cabaza a concurso. Eran todas espectaculares pero só nove foron as afortunadas que formaron o podium de vencedores.
Capitaneados polo mestre Pablo e os seus titores, Sonia e Fran, o noso alumnado do 3º ciclo demostrou que é o que máis sabe de seguridade na rede. Presentáronse a un concurso de ciberseguridade e que non sabedes que paso? Pois que GAÑARON!! Moi emocionados foron á final que tivo lugar en Santiago de Compostela, houbo moitos nervios e momentos algo tensos, pero mereceu a pena.
PARABÉNS CAMPIÓNS!!
(clicade na imaxe)