Skip to Content

Articles

Fase previa comarcal de cros

Lun, 2024-11-18 10:36 — cris

O pasado martes e mércores celebrouse a Fase Previa Comarcal de Cros no complexo deportivo de Monterrei.

Unhas xornadas estupendas nas que xa vimos participando dende hai anos, onde, ademáis de coñecer e practicar unha nova modalidade deportiva, tamén se fomenta o traballo en equipo, os valores positivos cara a competición, a xestión da frustración e a convivencia cos deportistas de moitos outros centros educativos.

A meteoroloxía acompañou e a actitude, esforzo e comportamento do noso alumnado foi espectacular.

Noraboa a todos e todas as participantes

Este sábado asistiremos á Fase Final Comarcal con 5 participantes.

TOCA AQUÍ PARA VER MÁIS IMAXES

MAGOSTO 2024

Lun, 2024-11-11 21:26 — cris

O venres celebramos o magosto no CEIP Vistahermosa.

A media mañá todo o alumnado participou nun circuito de xogos populares (pano, paracaídas, sacos, sogatira, pato-ganso, encesta castaña, comba, zancos, chave e bolos). Para elo formáronse nove equipos de diferentes cores compostos por nenos e nenas de todos os cursos. Unha experiencia moi bonita na que os maiores afrontan responsabilidades e os máis pequenos fan novas amizades.

Por suposto, ao rematar a xornada degustamos uns sabrosos bolos preñados e unhas riquísimas castañas.

Moitas grazas a todas e todos pola colaboración.

Deixamos aquí un pequeno resumo en imaxes.

Hockey no cole

Xov, 2024-09-26 13:29 — cris

O martes o alumnado de Primaria puido familiarizarse co hockey grazas a visita de varios xogadores e adestradores do Club Villar Ourense e do CSA Ourense.

Unha xornada moi amena na que experimentaron e coñeceron os materiais específicos e as normas máis básicas desta modalidade deportiva.

 

O ALUMNADO DO COLE BAILA COS DO IES O COUTO

Dom, 2024-06-09 12:58 — salial

O alumnado de primaria do CEIP VISTAHERMOSA, fai un cameo nesta gravación musical co IES O Couto.

A letra é do alumnado de 3º da ESO, a coordinación do proxecto e a montaxe do vídeo é de Olalla Núñez Deza, profesora de música do instituto. 

Resulta entrañable e motivador ver no vídeo a distintas xeracións bailando xuntxs.

Música: Cruisin' for a Bruisin' Ross Lynch, Jason Evigan, Grace Phipps

 

SAÍDA CASTRELO 5º

Mar, 2024-06-04 16:18 — cris

Hoxe o alumnado de 5º marchou de excursión de fin de curso a Castrelo de Miño.

Practicaron diferentes actividades acuáticas: Hidropedal, barco dragón, paddle surf.... comeron xuntos e desfrutaron con diferentes xogos.

Un día completo que esperamos que quede no recordo das rapazas e rapaces.

 

PIRAGÜISMO DRAGÓN

Xov, 2024-05-09 14:06 — cris

Onte as rapazas e rapaces de 6º de primaria desprazáronse ata Castrelo de Miño para desfrutar da actividade Piragüismo Dragón, ofertada pola Secretaría de Deportes, enmarcada no programa XOGADE.

Unha xornada onde descubriron unha nova modalidade deportiva e conviviron co alumnado de outros centros educativos.

TOCA NA IMAXE PARA REPRODUCIR.

Proxecto ENKI

Lun, 2024-04-29 10:48 — cris

Aquí un pequeno resumo das actividades realizadas a través do proxecto ENKI:

- Xornada de deporte e inclusión realizada o día 11 de marzo co alumnado de 5º e 6º de Primaria.

- Dinamización e realización dun mural no patio do centro co alfabeto da lingua de signos no que participou todo o alumnado (22 de abril).

Experiencias que nos fan empatizar, coñecer, convivir, integrar e incluír.

#8M-Coas botas listas para bailar

Xov, 2024-03-07 19:35 — salial

Reinvidicamos a igualdade a través da música e a danza.

These Boots Are Made for Walkin' (1967) canta Nancy Sinatra.

Esta é a estrutura da canción A A A. E estes son os sete Pasos Feministas:

  1. Eres forte e brava.
  2. Avanza cara o Leste e Pinta o mundo con pinceis de cores.
  3. Camiña cara o Oeste e pinta.
  4. Se alguén se pon ao teu lado e non te deixa avanzar, marca as distancias.
  5. Avanza cara o Norte e cara o Sur: Ti podes conquistar o mundo!
  6. Se hai muros, podes derribalos.
  7. Confía en ti mesma! 

No vídeo bailan 1º, 2º e 5º curso de primaria (dálle ao play):

Coas botas para baile

Deseño de salial

XORNADAS DE DEPORTE ADAPTADO E INCLUSIÓN

Lun, 2024-03-04 11:05 — cris

O mércores 28 de febreiro o alumnado de 5º e 6º recibiu a visita de tres membros da Fundación ENKI para levar a cabo a primeira das XORNADAS DE DEPORTE E INCLUSIÓN.

Neste caso tratouse dunha charla con deportistas con diversidade funcional para dar a coñecer o deporte adaptado e inclusivo e a súa traxectoria deportiva e persoal respondendo a todas as dúbidas e curiosidades das nenas e nenos.

O vindeiro 11 de marzo asistiremos ao encontro provincial na Expourense, onde practicarán diferentes modalidades de deporte adaptado.

TOCADE NA IMAXE PARA AMPLIAR

 

XOGANDO CO ATLETISMO 2º

Xov, 2024-02-22 13:55 — cris

Hoxe tocoulle aos nenos e nenas de 2º de Primaria disfrutar das impresionantes instalacións da Pista Cuberta de Atletismo de Ourense, situada na Expourense.

Actividade promovida polo Servizo de Deportes da Xunta de Galicia e enmarcada no Programa Xogade.

As nosas e os nosos atletas practicaron varias probas: saltos, velocidade, lanzamentos, remudas, circuito de Grand Prix... Todo elo acompañados de outros moitos colexios da cidade que tamén participaron na xornada.

TOCADE NA IMAXE PARA AMPLIAR


   



by Dr. Radut