Articles

XORNADA DE XADREZ

Mér, 2023-10-04 17:57 — cris

O martes 3 de outubro todo o alumnado de primaria desfrutou dunha xornada de iniciación ao xadrez. Explicacións, xogo, dinámicas.. unha actividade moi completa e entretida.

Agradecer ao Club Xadrez Lethes esta visita.

"Garavanciño come saniño"

Ven, 2023-05-12 15:27 — cris

O xoves 4 e 11 de maio tocoulles ás rapazas e rapaces de 1º, 2º e 3º de Primaria recibir a visita da nutricionista do Centro de Saúde para realizar a actividade "Garavanciño come saniño".

Tratouse dunha charla e obradoiro de xogos didácticos nos que traballaron a pirámide dos alimentos e a dieta equilibrada.

Toca na imaxe para acceder á galería.

Onte as rapazas e rapaces de 6º puideron disfrutar da actividade de Piragüismo Dragón no entorno do Club Náutico de Castrelo de Miño. Xornada organizada polo servizo de deportes e integrada no programa XOGADE.

Unha nova experiencia na que nos familiarizamos e iniciamos nos deportes de auga á vez que traballamos en equipo e nos divertimos.

Pinchade na imaxe para ver máis fotos.

FOOTGOLF

Mér, 2023-04-26 10:37 — cris

Onte as nenas e nenos de 5º e 6º de Primaria foron a experimentar FOOTGOLF ao campo do Pit&Putt Ourense, ubicado no Fonsillón.

Trátase dunha modalidade deportiva que mestura o golf e o fútbol. As normas e o campo son de golf pero xógase cun balón de fútbol embocándoo en ocos grandes de 53cm de diámetro. O encargado da explicación foi Roberto López Nogueiras, xogador seleccionado con España para disputar o Mundial de Orlando 2023.

Unha actividade novidosa e entretida que deu a coñecer ao noso alumnado un novo deporte.

Grazas ao Concello de Ourense por darlle a oportunidade ao noso colexio

CAMPIONATO PROVINCIAL DE CAMPO A TRAVÉS

Lun, 2023-02-13 10:24 — cris

O sábado fómonos de Campionato Provincial ao Aguillón, no concello da Rúa.

Enzo e Saúl foron os nosos participantes, que despois de pasar todas as fases previas e final comarcal, clasificáronse para competir cas mellores marcas da provincia de Ourense.

Unha xornada estupenda na que os nosos rapaces defenderon ao colexio o máximo, deixando claro que estas actividades débense seguir organizando nos vindeiros anos.

Moitas grazas campións!! A vós e ás vosas familias!!

DÍA DA PAZ 2023

Lun, 2023-01-30 18:54 — cris

Hoxe foi unha xornada chea de mensaxes de paz, pero as nosas nenas e nenos xa levan días preparando todo o necesario para esta conmemoración.

Unha morea de actividades coordinadas dende as diferentes áreas, etapas e a Biblioteca:

- Educación Infantil traballou e disfrutou co conto e canción de "A mellor sopa do mundo".

- As nenas e nenos de 1º fixeron as súas rimas con "A paz sábenos...", seguindo o conto "Ring Ring, ¿quién rima?"

http://asombradoerbedo.blogspot.com/2023/01/receitas-de-paz.html?m=1

- Contacontos de Anxo Moure para Educación Infantil, 1º,2º,3º e 4º.

- Elaboración e decoración de paraugas con cintas cheas de mensaxes de paz.

- Preparación de diferentes bailes: "Terra", "Que sorte de terte", "Madre Tierra", "Eu teño alguén"...

Final Comarcal Campo a Través

Lun, 2023-01-23 16:49 — cris

Onte desenvolveuse a Final Comarcal de Campo a Través no Complexo Deportivo de Monterrei.

Para esta cita o CEIP Vistahermosa contaba con catro clasificados, dos que, finalmente, só puideron aistir dous.

Enzo e Saúl (3º Primaria) foron os nosos representantes que participaron na categoría benxamín masculino. E non o puideron facer mellor. Nunha competición na que asisten os mellores da comarca (a maioría pertencentes a clubes que adestran esta modalidade semanalmente) os nosos campións fixeron unha estupenda carreira, entrando na meta nos postos 10 e 13 e clasificándose para o Campionato Provincial, que se desenvolverá o día 11 de febreiro na Rúa.

Noraboa rapaces!! e moitas grazas ás familias pola vosa colaboración.

Previa Campo a Través

Ven, 2022-12-16 14:36 — cris

O pasado xoves 15 de decembro algunhas rapazas e rapaces de 3º, 5º e 6º de Primaria participaron na Fase Previa Escolar de Campo a Través que se desenvolveu en Ourense no Complexo Deportivo de Monterrei.

Unha xornada na que o que primaba era a participación, esforzo e convivencia, xa que á actividade asistiron outros catorce centros educativos da cidade.

Todos e todas as nosas deportistas demostraron ser uns campións tanto dentro coma fóra do circuito.

XOGANDO CO ATLETISMO

Xov, 2022-11-24 17:33 — cris

Hoxe as nenas e nenos de 4º foron á Expourense a disfrutar da actividade XOGANDO CO ATLETISMO, organizada pola Secretaría Xeral para o Deporte coa colaboración da ADE As Burgas.

Pero non estiveron sós, tamén participaron os atletas dos colexios de A Ponte, Curros Enríquez, Divino Maestro, Guillelme Brown, Inmaculada, Irmáns Villar, Luis Vives, Manuel Sueiro, O Couto, San Pío X, Santo Ángel, Seixalbo e Virxe de Covadonga.

Unha xornada de convivencia, experimentación, esforzo e diversión, onde practicaron carreiras de relevos, lanzamentos, salto horizontal, salto lateral, carreira de obstáculos, etc