Estimadas familias:

Informamos das actividades de formación en igualdade para o 2024, organizadas polo a ANPA Santa Mariña do CEIP Serra Vincios, e financiadas mediante unha subvención sobre igualdade concedida pola Secretaría Xeral de Igualdade da Xunta de Galicia. 

Esta aportación é unha pequena semente, que esperamos xermine e permita tomar consciencia da importancia da educación na igualdade de xénero, sexual e afectiva, integral e de calidade, dun xeito progresivo, adaptada as idades de desenvolvimiento e que lles permita coñecerse, aceptarse e expresarse libremente procurando vivencias felices e vínculos seguros. 

Animádevos e participade!!!

A ANPA 

Aquí podedes consultar o programa de actividades de formación en igualdade 2024 para o alumnado en horario escolar e para as familias pola tarde.

Clicade na imaxe

O primeiro ciclo de charlas para familias terá lugar os días 12 e 26 de novembro de 17:30h. a 19:30h. e leva por título: "Como lle falo diso? Remover e sementar", impartida por Noelia Moreau, do Gabinete Con Mucho Gusto. 

Animádevos e asistide á charla!!!

Clicade na imaxe

ESPAZO LECTURA, é unha entidade de Gondomar para o fomento e a animación á lectura en lingua galega que organiza actividades sen ánimo de lucro relacionadas coa promoción lectora, así como calquera outro tipo de iniciativas que teñan que ver coa promoción da lectura e do libro como referentes de benestar social e coa consideración do libro como elemento socializador, indispensable para elevar o nivel educativo, a conciencia crítica, a capacidade analítica e, en definitiva, a calidade de vida e o ocio das persoas.

Animádevos a participar e colaborar con Espazo Lectura!!!

PROGRAMACIÓN:

- Cartel trimestral de clubs de lectura que recolle as lecturas dos diferentes clubs: do Lendo Contigo para alumnado de Educación Primaria e dos clubs de adultos.

- Cartel do Contomar: contacontos que se celebra cada luns na Biblioteca Municipal de Gondomar dirixido a nenos e nenas de máis de 3 anos.

- Cartel da actividade na Casa da Lectura: que retomamos esta tempada, sesións de dinamización lectora dirixidas a nenos e nenas de 3 a 10 anos.

Estimadas familias, temos o pracer de convidarvos á PRESENTACIÓN e CONTACONTO do novo audiolibro da escritora miñora Soledad García, ZOO LIBRE, o próximo venres 4 de outubro de 2024, Día Mundial dos Animais, ás 18:30 h no Museo de Arte Contemporáneo de Vigo (MARCO).

A actividade en vivo, dirixida ao público infantil (nenas e nenos de 3 a 6 anos acompañados dun adulto) é gratuíta e limitada ao aforo da aula didáctica do MARCO, polo que é necesaria previa inscrición no seguinte formulario:

https://forms.gle/F1vpPKgbmbzrrK9f6

Achégase cartel informativo.

Estimadas familias:

Dende a escola da Agrupación Musical de Vincios imos organizar para esta fin de semana un concerto didáctico para toda a familia, que se fará o sábado 21 no Centro Cultural de Vincios ás 19:00 horas e o domingo 22 na Praza Manuel Alonso en Gondomar ás 12:00 horas.

Animádevos xa que vai a ser moi divertido e interesante!!!

Fixádevos no cartel da actividade: