"VINCIOS: A NOSA PARROQUIA"

CLICA NA IMAXE PARA VER O VÍDEO DA EXPOSICIÓN NA BIBLIOTECA DOS NENOS DE 5º

Este curso, os alumnos e profesor de 6º, descubriron que en Vincios temos moitos muíños e decidiron pór en funcionamento o muíño dos Bernardos, para ver como se moía o millo e se conseguía a fariña.

Entre un grupo de pais, profes e nenos, limpamos a lovada do río, e o día 21 de xuño fomos todo o cole ao muíño e os nenos de 6º explicáronnos como funcionaba o muíño.

Para ver tódolos vídeos pincha nos adxuntos.

A avoa de Valeria contounos moitas cousas relacionados co modo de vivir non hai tantos anos. A través de Ponte nas Ondas moitas máis persoas poderán aprender das súas historias. Moitísimas grazas por contarnos un pouquiño da túa vida.

En Vincios realízase unha alfombra de flores no mes de xuño. Nós, os nenos e nenas de Educación Infantil, tamén quixemos facer unha. Mirade que bonita!

Nos meses de abril e maio acudimos á piscina da Ramaiosa en horario escolar. Fixemos moitísimos xogos dentro da auga e pasámolo de medo. Destacar o alto grao de motivación dos nenos/as de 5º e 6º, o bo comportamento e a boa progresión. Moitas grazas aos monitores pola súa paciencia e o ano que vén, volveremos.

Invitamos ao CEIP Souto Donas e compartimos unha mañá deportiva con nenos/as de 4º, 5º e 6º xogando ao hockey, bádminton, brilé, fútbol, voleibol, balonmán, baloncesto e tenis de mesa. Foi o 31 de maio.

Mirade o vídeo.

281 alumnos/as de 4º de primaria de todo o Val Miñor xuntámonos o día 25 de maio no campo de fútbol de Gondomar para realizar un circuíto de 18 xogos populares. Fantástico!!!