O 16 de decembro tivo lugar o Festón de Nadal, organizado pola Asociación de Nais e Pais. Foi todo un éxito xa que asistiron máis de 500 persoas. Houbo bebidas, petiscos, hinchables, xogos, baile, sorteo de regalos e veu o Paxe Real a recoller as cartas dos nenos e nenas que asistiron ao Festón.

Tamén se realizou unha recollida de alimentos destinada a Cáritas de Sada. Os seus responsables agradeceron este xesto solidario da comunidade educativa de Sada y sus Contornos.

A maioría dos asistentes aisnaron un escrito mostrando a súa disconformidade co proxecto da LOMCE.

"Nun reino moi afastado, onde habitaba un rei moi poderoso nun inmenso castelo. O Rei ten un tráxico accidente ao caer do seu cabalo e tras isto os reinos veciños decláranlle a guerra. A única persoa que pode defender ao pobo é a súa filla, a princesa Laura, pero o rei ten unha gran preocupación; a súa filla está en cadeira de rodas. Poderá a princesa Laura lograr a paz entre os reinos?"

O grupo de teatro "Arco da Vella" integrado por persoas de ASPACE presentáronnos esta fermosa obra.

No blogue da biblioteca podedes ver as imaxes das actividades que se realizaron no centro con motivo da celebración do Día dos dereitos da infancia e do Día contra a violencia de xénero.

http://sadaysuscontornos.blogspot.com.es/2012/11/educando-en-valores.html

O curso pasado os alumnos/ás de 3º ciclo do noso colexio participaron nun programa de UNICEF chamado "O fútbol que queremos" coa finalidade de reflexionar sobre os valores asociados ao fútbol e en especial, que os nenos/ás incorporasen no seu día a día condutas positivas de nutrición, convivencia e solidariedade. Por este motivo recibimos a visita de xogadores do Deportivo da Coruña e propuxémoslles a realización dun partido para recadar fondos encamiñados a paliar a situación de pobreza e desigualdade que moitos nenos/ás sofren no mundo.
Desde o CEIP Sada y sus Contornos comprácenos convocar a toda a comunidade educativa ao partido de fútbol solidario que terá lugar o próximosábado 24 de novembro, ás 11:00 da mañá no Campo dás Mariñas de Sada, entre os equipos de:

R.C. Deportivo da Coruña de Veteranos (Fran, Manjarín, Songo´o...) vs Veteranos Sporting de Sada

O prezo simbólico das entradas será de 1 euro e a recadación do partido será en favor de UNICEF. As entradas pódense adquirir no colexio (traer diñeiro exacto) ou o día do partido. Animamos a todos/ás a participar e mostrar a cara máis solidaria da nosa escola.
Unha aperta e grazas pola vosa colaboración,
O CEIP Sada y sus Contornos

No blogue do proxecto Voz Natura atópase a información da visita ao encoro de Cecebre realizada polos nenos e nenas do  segundo ciclo de primaria:

http://voznaturasada.blogspot.com.es/2012/11/o-encoro-de-cecebre.html

O Consello Escolar é o máximo órgano de xestión do Centro. Del forman parte representantes dos distintos sectores da comunidade educativa, participando conxuntamente na toma de decisións. Pola importancia que ten o Consello Escolar na vida do centro anímase a todos a participar neste proceso electoral.

Durante o mes de novembro do presente curso procederase á renovación de 3 representantes  dos pais, un deles por designación da ANPA, e 3 dos profesores no Consello Escolar do centro. A Xunta Electoral reunida o 6 de novembro, acordou establecer o seguinte calendario electoral:

DO 8 AO 16 DE NOVEMBRO (ámbolos dous inclusive)

-Exposición dos censos electorais de pais, profesores, persoal non docente e período de reclamacións aos mesmos. Os censos estarán expostos no taboleiro de anuncios da entrada do centro.

-Prazo de presentación de candidaturas ao Consello Escolar.Son electores e elixibles todos os membros da comunidade escolar. Para a presentación da candidatura e reclamacións ao censo farase un escrito dirixido ao director do centro. Quen o desexe ten modelos á súa disposición na conserxería ou pode descargalos da web do centro.

19 DE NOVEMBRO

-Reunión da Xunta Electoral na que se procederá a admisión das candidaturas, aprobación definitiva de censos electorais, aprobación de modelos de papeletas, sobres,...

-Publicación de candidaturas.

-Publicación definitiva do censo electoral.

-Sorteo público, ás 9,30 horas na entrada do colexio, para a designación dos integrantes mesa electoral para a votación das nais e pais

20 DE NOVEMBRO

-Claustro informativo.

27 DE NOVEMBRO

-Votación de nais e pais e votación de profesores.

4 DE DECEMBRO

 -Constitución do Consello Escolar.

Impreso para presentar unha reclamación ao censo.

Impreso para presentar candidatura.

O 24 de outubro celebramos o Día da Biblioteca. No CEIP Sada y sus Contornos os alumnos de 6º curso de primaria ofreceron unha representación ao resto dos nenos e nenas do colexio: “Corre corre, cabaciña”.Todos os nenos e nenas do colexio recibiron unha flor cunha mensaxe “A biblioteca, xardín onde florecen as palabras”.