Complementarias e extraescolares

O pasado.... levouse a cabo a Fase intercomarcal de Campo a través no Estadio municipal de San Lázaro (Noia). Nesta ocasión, en dita fase representaron ao centro dous equipos masculinos: o Benxamín e o Alevín, así como un neno da categoría Infantil e unha nena da categoría Benxamín.

De cara á seguinte fase, a Provincial, só logrou clasificarse un neno de 3ºA de E.P.

Unha vez máis, queremos felicitar a todos eles/as por chegar a onde o chegaron  e tamén agradecerlles aos familiares e amizades a súa presenza e apoio. 

                                                      Moita sorte na Fase provincial, Juan !!! 

O pasado martes, 30 de xaneiro, celebrouse  o Día da paz no centro.

Na semana previa a tal conmemoración foron traballándose valores e outros aspectos relacionados coa paz. Así, leváronse a cabo diversas actividades en diferentes áreas para xa, no propio día, facer unha posta en común no ximnasio.

Deste xeito, na mañá do citado día, alumnado e profesorado, dirixíronse ao ximnasio e alí os/as representantes de cada unha das aulas leron a mensaxe de paz, que previamente escribiran no globo feito por eles/as. Logo, foron pegando os globos no mural elaborado para tal fin e, de seguido, cantáronse en inglés unhas cancións preparadas co profesorado desa lingua. Finalmente, leváronse a cabo varios bailes, aprendidos co profe de Música.

Con motivo da celebración do Nadal realizáronse diversas actividades no centro.

Así, a primeira que se realizou (na segunda quincena de novembro) foi un concurso interno de debuxo de postais de Nadal, no que se escollerían nove debuxos (un por nivel). Logo,  eses debuxos e os seleccionados no I.E.S Poeta Añón enviaríanos a unha imprenta, dende o Centro Social, para facer as tarxetas necesarias coas que felicitarlle as Festas ás persoas da terceira idade do noso Concello. Por suposto, os debuxos que non resultaron gañadores tamén se enviaron así como os elaborados polos/as usuarios/as do Centro Ocupacional de Valadares.

Logo, tamén se foron ambientando aulas e corredores con motivos destas datas e nas dúas derradeiras semanas do primeiro trimestre levouse a cabo outro concurso interno para elixir, nesta ocasión, os debuxos de cara aos almanaques. Despois, levaríanse eses nove debuxos seleccionados, xunto cos do I.E.S Poeta Añón a unha imprenta e alí farían os almanaques que, a posteriori, alumnado, profesorado e persoal laboral do centro levarían aos seus fogares como ven sendo habitual dende fai xa uns anos.

Xa no derradeiro día do primeiro trimestre, alumnos/as e profesores/as viron unha representación de títeres da Compañía Viravolta Títeres, titulada " A maleta de D. Atilio" para logo achegárense ao comedor e degustar o xa tradicional chocolate con biscoito e recibir a visita de Papá Noel.

O pasado venres, 10 de novembro pola tarde tivo lugar no noso centro a celebración do Magosto. Así, nos días previos, cada aula traballou diferentes aspectos desta festa popular e tamén fixeron os cucuruchos ou adornaron bricks para meter as castañas e os restos destas. 

Xa no propio día, leváronse a cabo diversos xogos populares e xogos con material alternativo. Deste xeito, unha serie de profesores/as encargábanse de explicar os xogos: trompo, corda, chanclas/esquís, paracaídas, ra, relevos de castañas en culleres nas estacións e outros/as de observar e tratar que non houbese incidentes.  

Namentras os xogos transcorrían, Álex e Aniceto, asaban as castañas ...

Logo, a iso das 16:20h empezaron a repartirse castañas  e augas ou zumes (segundo as preferencias do alumnado)  para a súa degustación até ás 16:45h aproximadamente. A continuación, empezaron a retornar ás aulas primeiro os de E. Infantil e despois os de E. Primaria para recoller as cousas e marchar para os seus fogares.

O pasado mércores, 29 de novembro, o alumnado que así o desexou (de 2º a 6º de E. Primaria)  participou na fase de toma de contacto da modalidade de Campo a través de Xogade no Estadio de San Lázaro (Noia).

Alí participaron na competición nenos e nenas de diversos centros educativos e clubs de atletismo da bisbarra das 11h ás 13h aproximadamente.

A xornada transcurriu sen incidencias de importancia e o noso alumnado regresou ao centro contento e cun total de dez metais. Sen lugar a dúbidas, os/as máis ilusionado/as eran os/as rapaces/zas do 2º nivel de E.P., por tratarse da primeira vez que podían participar en tal actividade. 

Un ano máis, contamos co apoio moral de familiares e amizades dos corredores/as e, como non, queremos manifestarlles o noso agradecemento pola súa presenza e colaboración.