Skip to Content

Escolares, 1º Curso, 2º Curso, 3º Curso, 4º Curso, 5º Curso, 6º Curso, Ed. física, Ed. infantil, Idioma estranxeiro, Ed. Musical

Formación no Segundo Ciclo de EP

Sáb, 10/01/2015 - 20:11 — admin

O alumando de segundo ciclo realizou no primeiro trimestre as seguintes actividades:

  • Debuxaron un plano da biblioteca para dominar o espazo da mesma e a localización das diferentes seccións.
  • Aprenderon e repasaron o significado da CDU e a información que ofrecen ao lector as signaturas dos libros.
  • Destinguiron as dúas grandes clasificacións de fondos bibliográficos da nosa biblioteca: os libros de ficción (grupo 8: narrativa, poesía e teatro) e os de non ficción (resto dos grupos: consulta, bibliografías...).
  • Arenderon a localizar os libros na biblioteca atendendo a súa temática.

Galería de imaxes

Formación no Primeiro Ciclo de EP

Sáb, 10/01/2015 - 20:10 — admin

O alumnado de primeiro ciclo traballou os seguintes temas ao longo do primeiro trimestre:

  • Visitou a biblioteca para ser informada dos servizos que esta ofrece ao alumnado.
  • Analizaron diferentes tipos de fondos documentais:contos, comics, narrativas e libros de consulta para aprender a distinguir os diferentes tipos de lectura e información que ofrecen os documentos.
  • Aprenderon a cumprimentar as fichas de lectura que deben de cubrir cada vez que len un libro. Nos libros recoñeceron os diferentes elementos que identifican un documento.
  • Debatiron sobre as accións que hai que realizar para coidar os materiais da biblioteca.

 

Formación en Educación infantil

Sáb, 10/01/2015 - 20:10 — admin

O alumnado de Educación Infantil recibiu formación no rincón de lectura informal de onde se atopan os fondos que eles poden utilizar na biblioteca.

Visitaron a biblioteca unha vez por semana, para isto  puxemos unha serie de normas:

  • Entrar en silencio
  • Coller os libros cando diga a profesora.
  • Non interrumpir aos nenos/as que estean nela.
  • Sentarse ordenadamente sen arrastrar sillas...etc

Observamos os andeis comprobando a diferencia entre os que estaban coa letra vermella e coa amarela.
Collemos algún libro en castelán e en galego.
Elixímos algún conto para contarlles na biblioteca .
Faxemos debuxos do conto.
Debuxamos a nosa biblioteca.
Cada venres imos á biblioteca para cambiar o noso libro da mochila viaxeira.

Galería de imaxes

O Super de Leo

Mér, 07/01/2015 - 16:42 — admin

O alumado de 4º curso creou un supermercado na súa aula que lles servirá para realizar diversas actividades das programadas no proxecto documental integrado "Mergúllate nun mar de números".

Unha das actividades que máis lles gustou foi a de ir de compras ao super a mercar diferentes produtos alimenticos segundo o orzamento que se lles facilitou.

 

Galería de imaxes

Festival de Nadal 2014

Dom, 21/12/2014 - 21:36 — admin

O 18 de decembro, ás 18 horas, celebramos o Festival de Nadal no Salón de actos do IES As Lagoas de Ourense ante un público entusiasta formado fundamentalmente pola nosa comunidade educativa e familiares achegados do alumnado.

Antes de nada, resaltar que é de agradecer o bo comportamento de todos os espectadores, mantido ao longo da duración de todo o espectáculo, e sobre todo pola comprensión mostrada ante aqueles pequenos erros, achacados ao directo case todos eles, que puidemos ter.

Non debemos esquecernos de dar as grazas a todos os membros do Equipo directivo, e ao persoal laboral, do IES As Lagoas pola súa colaboración connosco para poder levar a bo término este Festival.

Se premedes nas seguintes ligazóns accederedes aos vídeos das diferentes representacións que tiveron lugar no Festival: 

  1. Teatro: "A consulta da doutora Casilda". 4º curso.
  2. Baile: "Árbol de Navidad". Ed. Infantil.
  3. Canción: "Debajo de un botón" e "Los pollitos". Ed. Inf., 1º e 2º curso.
  4. Panxoliña: "Rodolfo el reno". 1º curso.
  5. Baile: "Soy una tetera...". 1º curso.
  6. Poemas: "Paxoliñas de Nadal". 3º curso.
  7. Concertos: Gabriel, Estela, Noa, Gabriel e Nuria.
  8. Baile: "O camiño de Viseu". 5º curso.
  9. Humor: "Chistes e adiviñas". 2º curso.
  10. Coreografía. "Singing in the rain". 6º curso.
  11. Canción: "Camariñas". 4º, 5º e 6º curso.

 

Galería de imaxes

Mellores lectores 1º trimestre 2014/15

Sáb, 20/12/2014 - 21:55 — admin

Como actividade final da biblioteca, neste primeiro trimestre, Leo estivo pescudando información, nos arquivos e nas fichas de lectura, sobre os nosos hábitos lectores. Como o nivel lector neste trimestre foi, en xeral,  de moita calidade, resultou moi custoso deliberar quen era merecedor dun dos máis prestixiosos recoñecementos que outorgamos desde a biblioteca.

Despois deste arduo traballo, Leo estableceu como mellores lectores de cada curso aos seguintes nenos e nenas:

  • Valentina de 1º curso.
  • Sheila de 2º curso.
  • Yago de 3º curso.
  • Diego de 4º curso.
  • Rebeca de 5º curso.
  • Rodrigo de 6º curso.

Espero verte no seguinte trimestre nesta relación!!

Galería de imaxes

Ourense sabe acoller

Xov, 18/12/2014 - 22:55 — admin

O alumnado de 5º e 6º curso volveu participar, este curso, no programa "Ourense sabe acoller" que organiza o Concello.

Na primeira semana de decembro tivemos no centro un obradoiro de formación, a cargo de membros do programa "Ourense sabe acoller", sobre a problemática migratoria do noso país. Como traballo final do obradoiro cada un de nós plasmou as súas achegas nas tres modalidades de participación convocadas: textos curtos; poemas ou traballos artísticos/plásticos.

Os traballos de dúas alumnas do noso centro resultaron premiados no concurso:

  • Nuría, primeira clasificada na modalidade de textos curtos.
  • Noa, terceira clasificada na modalidade de poemas.

O 18 de decembro, Día Mundial da Migración, participamos nas actividades que organizou o Concello nas instalacións de Abanca da Alameda. Primeiro visionamos un vídeo sobre a migración en España, despois participamos nunha mesa redonda con dous emigrantes afincados en Ourense, Tamara e Djibril, que nos relataron as súas respectivas experiencias.

Como broche final, tivo lugar a entrega de premios aos 3 mellores traballos de cada unha das tres modalidades establecidas.

Na prensa local, La Región, recolle esta nova no xornal onde aparecen as gañadoras do noso cole baixo o titular de "Experiencias de otro mundo".

Galería de imaxes

Traballos gañadores

Lecturas na biblioteca na "Hora de ler"

Mar, 16/12/2014 - 21:15 — admin

O alumnado de 4º curso de Educación Primaria, ao igual que a maioría do alumnado do centro utilizou os recantos da biblioteca de lectura informal nalgunhas das sesións destinadas á "Hora de ler" que todos os días teñen lugar de 12:00 a 12:20 horas en todos os cursos e niveis do centro.

O cómic e as revistas son os fondos da biblioteca máis utilizados neste recanto de lectura informal polo alumnado de 4º curso.

Premiados no concurso de postais do Colexio de Economistas

Mar, 16/12/2014 - 19:31 — admin

Dous alumnos de Ed. Infantil do noso centro resultaron premiados no concurso de postais que organizou o Colexio de Economistas de Ourense.

Os premiados son:

  • Eva Seoane Pulgar. 1º premio da categoría de Ed. Infantil.
  • Mario Aller Fernández. Accésit na categoría de Ed. Infantil

Todos os premiados recibirán un diploma e un regalo acorde á súa idade que será entregado no centro.

Asemade, o traballo de Eva Seoane resultou gañador do concurso a nivel de todas as categorías, motivo polo que a súa postal será a escollida para felicitar as festas de Nadal 2014 do Colexio de Economistas de Ourense.

 
Eva Seoane Pulgar

Mario Aller Fernández

Educación vial

Mar, 16/12/2014 - 10:01 — admin

O 16 de decembro, o alumnado de 5º e 6º curso, participou nas actividades de Educación Vial que exitosamente organiza o Concello de Ourense nas instalacións de Expourense desde hai varios anos.

Dous membros da Concellería de Tráfico e a coordinadora da Concellería de Educación foron os encargados de ofrecernos a formación e información oportuna para ser quen de conducir as bicicletas e os carts polo circuíto urbano instalado no pavillón de Expourense.

Unha vez que adquirimos os coñecementos oportunos, en educación vial, pasamos á esperada fase práctica, conducindo, en diferentes quendas, as bicicletas e os carts. Tres alumnos do noso centro foron escollidos, pola súa pericia enriba da bicicleta e do cart, para participar na fase final provincial de educación vial.

Para rematar, participamos nun relatorio no salón de actos sobre educación vial.

Na seguinte galería podedes observar as imaxes desta actividade:

Distribuir contido


by Dr. Radut