Bos días peques!!
Xa estamos a xoves e tócanos un pouquiño de artística, música e valores/relixión.
Como tarefa de plástica e seguindo coas pitas imos colorear dúas pitas seguindo a ténica de Andy Warhol, un artista ao que lle gustaban moito as cores.
Para iso imos escoller 8 cores, as que máis vos gusten, e son as que imos empregar para pintar as pitas, pero non podemos pintalas iguais. Con isto quero dicir que se á unha pita lle pintamos a cresta de cor amarela, a outra non pode ter a cresta amarela, ten que ser doutra cor. E así con cada parte da pita.
No seguinte vídeo vos explico como facelo.
Deixo un documento adxunto coa “ficha” das pitas para quen a poida imprimir. Os que non teñades esa posiblidade, podedes ir ao colexio a por unha copia (de 10 a 13 horas), xa que é importante que todos poidades pintar o mesmo deseño.
E con esta tarefa imos poñer o noso graniño de area para levar a cabo unha actividade a nivel de centro, posto que os compañeiros/as de primaria tamén van colorear un debuxo e con todos eles vaise facer algo moi bonito.
Desta forma, cando teñades coloreadas as pitas, lles sacades unha foto e ma mandades por whatsapp. A data límite é o 20 DE MAIO.
Estou desexando ver as vosas obras de arte!!!!!
De música, aquí tedes otros catro vídeos para seguir entrenando o voso oído.
En canto a valores, o corto que vos propoño hoxe está relacionado cos animais. Eles, xa sexan cans, gatos, paxaros, peixes, etc. necesitan cariño. Temos que coidalos e respetalos porque eles tamén teñen sentimentos, ademáis de que nos fan moita compañía e nos queren moito.
Xa por último, para os nenos/as que acoden a relixión, hoxe a tarefa é continuar coa actividade da semana pasada: colorear as flores para María.
Ánimo peques!! Xa queda menos!!
Un bico enorme!!
Adxunto | Tamaño |
---|---|
pitas.pdf | 213.52 KB |