Skip to Content

O ALUMNADO DE 2º DE PRIMARIA VISITA BELLAS ARTES

Ven, 24/05/2024 - 18:35 — admin

O CEIP DE GALÁN RECIBE O PREMIO DO 9º CONCURSO DE MAIOS DO CONCELLO DE ARTEIXO

Ven, 24/05/2024 - 14:15 — admin

O CEIP de Galán foi premiado co premio de maio artístico no 9º concurso de Maios do Concello de Arteixo. Recibiu o premio a directora do centro, Mª Concepción Sánchez Vaamonde, en nome da comunidade educativa. O acto de entrega celebrouse o 24 de maio de 2024 na Praza do Balneario ás 13.00 h.

Agradecer novamente a todas as persoas da comunidade educativa que colaboraron na súa confección, na confección de "JALANA AO CARRO".

PARABÉNS!!! e grazas á Concellería de Cultura do Concello de Arteixo.

 

UN TRABALLO SOBRE O CAMBIO CLIMÁTICO

Ven, 24/05/2024 - 13:47 — admin

O alumnado de 5º B de Primaria, estivo traballando sobre o Cambio Climático e compartiron o seu traballo cunha exposición oral ao alumnado de 2º de Educación Primaria. Bo traballo!!!

AGRADECEMENTO Á ANPA E FAMILIAS

Xov, 23/05/2024 - 22:16 — admin

Co gallo da celebración da festa dos Maios e a participación do centro no Concurso dos Maios, queremos facer unha mención especial de agradecemento á ANPA e ás familias que na tarde do xoves día 23, se achegaron ao centro para axudar na confección do Maio.

Agradecer tamén ao resto de familias que se puxeron en contacto con nós e que colaboraron en días anteriores.

O venres 24 de maio estarán expostos os Maios na Avenida do Balneario en Arteixo.

Moitísimas grazas pola vosa axuda!!!

É O MOMENTO DE AVALIAR!

Xov, 23/05/2024 - 21:44 — admin
Todo proceso precisa dunha avaliación para poder establecer unha serie de melloras para vindeiros cursos. Por iso, estaríamos encantadas e encantados de coñecer a túa opinión anónima. É moi importante para todas e todos nós!

 Moitas grazas pola participación!

VISITA AO COLISEUM, SEGUNDO E SEXTO DE PRIMARIA

Xov, 23/05/2024 - 19:31 — admin

O alumnado de Segundo e Sexto de Primaria visitou o Coliseum A Coruña e disfrutou dunha exhibición realizada pola Policía Nacional para máis de tres mil escolares.

 

SORTEO DA CESTA DA SAÍDA A LEITARIEGOS 2025

Xov, 23/05/2024 - 16:20 — admin

O sorteo da cesta será o 13 de xuño nas dependencias do centro. Cesta con material escolar e un vale de cen euros do CCAA de Arteixo.

Agradecemento pola súa colaboración á : Superpapelería, Mara Papel, Ofidar Suministros S.L PCON, ABANCA e o Centro Comercial Aberto de Arteixo.

MARÍA BRENN VISITA O NOSO CLUB DE LECTURA

Mér, 22/05/2024 - 21:47 — admin

O 22 de maio o alumnado de sexto de primaria tivo a visita de María Brenn no noso club de lectura, xunto coa mestra Inma, coordinadora do club e de Diego, coordinador da BE.

Aquí deixamos unha imaxe. Máis información no noso blog BIBLIOGALÁN.

Picade AQUÍ

 

PUBLICACIÓN DE LISTAXE DEFINITIVA DE ADMITIDOS E NON ADMITIDOS

Mér, 22/05/2024 - 14:28 — admin

Están publicadas as listaxes definitivas de alumnado admitido e non admitido no taboleiro de anuncios do centro.

NOTA INFORMATIVA

Segundo o regulado no artigo 36.1 da Orde do 21 de outubro de 2022 a impugnación das listaxes definitivas do alumnado admitido e non admitido: as persoas interesadas poderán interpor recurso de alzada ante a persoa titular da xefatura territorial (actualmente denomínase Dirección Territorial), no prazo dun mes contado a partir do día seguinte ao da súa publicación.

As familias non teñen obriga de presentar a documentación a través de sede electrónica pero sí deben presentar no seu caso o recurso debidamente rexistrado por calquera dos procedementos que se contemplan no artigo 16.4 da Lei 39/15 sen que en ningún caso sexa válido o emprego do correo electrónico como medio de presentación.

AXUDAS DE LIBROS, FONDO SOLIDARIO E BONO DE MATERIAL PARA O VINDEIRO CURSO

Lun, 20/05/2024 - 16:04 — admin

https://www.edu.xunta.gal/portal/node/43218

DOG 96 do 20/05/2024

PRAZO: 21/05/2024 - 21/06/2024

ANEXO I - ANEXO II  ( ficheiros adxuntos)

 

 

Distribuir contido


by Dr. Radut