CEIP de Galán

Dende o día 6 ata o 31 de maio en horario de secretaría poderedes solicitar ser usuarias e usuarios do servizo de transporte escolar para o vindeiro curso.

Atención ao público Administración de luns a venres: 09.00 a 11.30 e de 12.00 -13.00.

Esta solicitude será para o alumnado que está matriculado no centro.

O resto do alumnado de nova admisión fárao no momento de formalizar a matrícula.

Nos adxuntos podedes descargar a solicitude e ver as paradas existentes. Calquera dúbida resolverase no centro.

1. Solicitude excepcional de transporte, para aquelas familias:

- fóra da área de escolarización do centro

- con domicilio a menos de 2 Km

2. Solicitude de transporte, para todos os demais casos, usuarios lexítimos de transporte.

Importante: todas as solicitudes entregaranse de forma presencial na secretaría con rexistro de entrada. No caso de non poder facelo persoalmente poderedes autorizar a outra persoa a tramitar dita petición no horario establecido de mañá.

Documentación que se adxunta:

- Cadro de paradas

- Modelo de solicitude ordinaria

- Modelo de solicitude excepcional

- Modelo para solicitar dúas paradas diferentes por conciliación

Actividades previstas, no caso de actualizarse poñeranse nesta mesma entrada. Unhas son do Concello de Arteixo e outras programadas polo propio centro

Saídas a Biblioteca de Arteixo e a de Dora Vázquez en Oseiro: todo o alumnado do centro

6 de maio: 5º E.P, visita Granxa Escola Belelle. Autobús ALSA

8 de maio: 4º E.P, visita o Parque Zoolóxico Marcelle Natureza. Autobús ALSA

8 de maio: 5º C, visita Eroski en Arteixo. Autobús Concello

10 de maio: 2ºA e 2ºB, visitan Belas Artes na Coruña. Autobús Concello

13 de maio: acollida no centro das escolas de infantil de Vilarrodís e Barrionovo e gardaría Vagalume. Autobús Daniel de la Iglesia. (Actualizada)

14 de maio: 6º de E.P, visita con Xabier Maceiras, Froxel ( Manuel Murguía) (Aplazada)

15 de maio: 6º A e 6º B, Belas Artes na Coruña. Autobús Concello

16 de maio: celebración do Día da Letras Galegas 2024

16 de maio: 2º C e 6ºC, Belas Artes na Coruña. Autobús Concello

16 de maio: Plan Director para 5º. Charlas formativas.

(Actualizada)

21 de maio: E.Infantil, O Ventoso. Autobús ALSA ( Actualizada )

22 de maio: 3º E.P, O Ventoso. Autobús Daniel de la Iglesia. (Actualizada)

27-28-29 de maio: alumnado e profesorado do CEIP Laguna del Duero de Valladolid, visitan o noso centro

23 de maio: 4º A, visita Gadisa en Arteixo.

23 de maio: exhibición Policía ( Plan Director) no Coliseum, 2º e 6º ( Autobús Concello, actualizada)

27-28 de maio: 4º B e 4º C (Actualizada)

3 de xuño: 6º E.I, visitan os Petroglifos en Larín con Xabier Maceiras. Autobús Daniel de la Iglesia (ANPA Manuel Murguía)

4 de xuño: 5º E.I, visita Suevos, con Xabier Maceiras. Autobús Daniel de la Iglesia ( ANPA Manuel Murguía)

5 de xuño: 4º E.I, saída pola contorna

13 de xuño: sorteo cesta con material escolar, (saída 5º a Leitariegos 2025)

13 de xuño: 3º E.P, ruta polo litoral arteixán. Autobús Concello

14 de xuño: despedida do alumnado de 6º de E.P en horario lectivo.

17 de xuño:6º de E.P, visita con Xabier Maceiras, Froxel ( Manuel Murguía) ( Actualizada)

18 de xuño: despedida do alumnado de 6º E.I en horario lectivo.

20-21 de xuño: fin de curso

Agrupaciones Centros Educativos 2022-2024

O CEIP de Galán dentro da súa participación no programa do MEC, Agrupaciones Centros Educativos, iniciativa destinada a promover agrupacións de centros escolares de diferentes comunidades autónomas e que se está a desenvolver nos cursos académicos 2022-2023, 2023-2024, co nome " Activos por la Inclusión", viaxou a Córdoba do 21 ao 26 de abril de 2024 para que o alumnado de sexto de educación primaria do CEIP de Galán e do CEIP Eduardo Lucena de Córdoba participara en xornadas de convivencia e interralacionara entre si.

Na visita, o alumnado dos dous colexios participou nunha xornada de deporte inclusivo dirixido por alumnado da Universidade de Córdoba e nunha ruta de sendeirismo polos arredores de Córdoba. Ademais, durante os cinco días da viaxe, o alumnado aproveitou para coñecer os monumentos máis importantes da cidade como a Mezquita-Catedral, a Xudería, a Ponte Romana, os patios cordobeses e o Alcázarar dos Reis Cristianos, así como dun tempo de lecer nas magníficas instalacións do Albergue Xuvenil do Cerro Muriano. Máis alá da cidade de Córdoba, visitaron o Castelo de Almodóvar e o Museo do Cobre no Cerro Muriano.

Durante o traxecto de ida e volta poideron coñecer, a través de visitas guiadas, cidades como Cáceres, Mérida e Salamanca, cidades Patrimonio da Humanidade.

Unha viaxe cun compoñente cultural moi importante, pero sobre todo de enriquecemento persoal a todos os niveis, obxectivo perseguido dende todos os axentes educativos implicados neste proxecto, profesorado participante, familias e o propio alumnado. Foi unha experiencia inolvidable!

Unha mención especial, para rematar este resumo da visita,  de agradecemento a todas as familias do alumnado de sexto pola súa colaboración, pola confianza depositada e sobre todo polas súas palabras de gratitude amosadas. Un agradecemento tamén á ANPA Manuel Murguía do noso centro pola súa participación e apoio neste proxecto.

Aviso: contamos con moitas fotografías, algunhas tomadas polas propias alumnas e polos alumnos, que temos que seleccionar para publicar na Galería desta páxina. Enviarase un Abalar cando as publiquemos.