Skip to Content

REMATAMOS O CURSO NO CLUB DE LECTURA DE BiblioGalán.

Xov, 16/05/2024 - 21:50 — admin

Chegamos á recta final deste curso e o noso club de lectura tamén terá nestas semanas as últimas actividades. Ademais dos tradicionais faladoiros sobre os libros lidos neste trimestre, teremos un debate con algúns invitados especiais e un obradoiro de elaboración de cómic coa autora María Brenn, que terá lugar o mércores 22 de maio ás 12:00 na biblioteca do centro. María é xa coñecida polos alumnos e alumnas do club de lectura, xa que limos o seu cómic Ula e Vinca este curso. Por último, nos últimos días antes das vacacións celebraremos unha merenda literaria con algunha larpeirada e... tamén algúns premios!

 

VIOLINOS POLAS LETRAS GALEGAS

Xov, 16/05/2024 - 15:54 — admin

Hoxe celebramos o Día das Letras Galegas na BiblioGalán.

Música de violinos soaron na Bibliogalán polo Día das Letras Galegas e pola coruñesa Luísa Villalta cunha lectura musicada do libro Luísa Villalta: sempre infinita de Bea Mejuto e Bea Gregores por parte do noso alumnado de cuarto e sexto de Educación Primaria e a música en directo das nosas compañeiras Valentina, Laura e Sofía que interpretaron pezas da música tradicional galega como Vivir na coruña que bonito é, A Rianxeira ou a Muiñeira de Chantada entre outras.

Toda a información no blog BIBLIOGALÁN

 

 

NOVO HORARIO DE ATENCIÓN AO PÚBLICO

Xov, 16/05/2024 - 15:50 — admin

A partir do día 21 de maio e ata o 30 de xuño,  a secretaría permanecerá aberta de 9.00 a 14.00 horas para presentación dos trámites de final de curso.

O NOSO CENTRO PARTICIPA NO 9º CONCURSO DOS MAIOS

Xov, 16/05/2024 - 15:00 — admin

O CEIP de Galán participa no 9º Concurso de Maios con motivo da programación de Primavera das Artes promovido pola Concellaría de Cultura de Arteixo.

 

DÍA NON LECTIVO

Xov, 16/05/2024 - 14:41 — admin

O  luns 20 de maio, NON É LECTIVO

PUBLICACIÓN DE LISTAXE DEFINITIVA DE ADMITIDOS E NON ADMITIDOS

Xov, 16/05/2024 - 14:38 — admin

Por un problema técnico na aplicación as listaxes definitivas non se publicarán ata o día 22 de maio que é o prazo límite indicado na aplicación.

As persoas interesadas poderán interpor recurso de alzada ante a persoa titular da xefatura territorial, no prazo dun mes contado a partir do día seguinte ao da súa publicación.

DÍA DA ENFERMIDADE CELÍACA. INFORMACIÓN COMEDOR ( JARDANAY)

Xov, 16/05/2024 - 14:25 — admin

Este xoves 16 de maio celébrase o Día da Enfermidade Celíaca e desde Jardanay axudan a dar visibilidade a esta patoloxía cambiando o menú xeral a un sen glute e ralizando actividades sobre a celiaquía co alumnado do comedor.

O menú queda da seguinte forma:

  • Primeiro prato: crema de verduras
  • Segundo prato: codillo ao forno con arroz
  • Sobremesa: froita de tempada ( pera)

15 DE MAIO, DÍA DA FAMILIA

Mér, 15/05/2024 - 17:15 — admin

O Día Internacional das Familias é unha conmemoración que se celebra anualmente o 15 de maio desde 1994, instaurada pola Asamblea Xeral de  Nacións Unidas o 20 de setembro de 1993.

O alumnado de 5ºB do noso centro realizou unha postal para entregar ás súas familias. Aquí tedes un exemplo. Feliz Día!

 

APADRIÑAMOS AO ALUMNADO DOS CENTROS ADSCRITOS

Lun, 13/05/2024 - 20:29 — admin

O luns 13 de maio asistiron, xunto as súas familias, as nenas e os nenos das Escolas de Infantil de Barrionovo e Vilarrodís e da Gardaría Vagalume.

Entre as actividades realizadas fixeron un debuxo, unha actividade musical e apadriñamento polo alumnado de primeiro do noso centro. Entregámoslles unha camiseta de agasallo e tomaron unhas galletas no comedor do colexio.

No blog de BiblioGalán podedes atopar máis información sobre o apadriñamento.

Vémonos en setembro!

Distribuir contido


by Dr. Radut