Skip to Content

Novas

RECOMENDACIÓNS LECTORAS 25N.

Mar, 22/11/2022 - 23:01 — biblioteca

Dende o equipo de biblioteca propoñémosvos estas interesantes lecturas para conmemorar o 25N "DÍA INTERNACIONAL DA ELIMINACIÓN DA VIOLENCIA CONTRA A MULLER". 

CHARLA SOGAMA.

Lun, 21/11/2022 - 23:09 — fondonois

Hoxe, o alumnado de Primaria recibiu unha charla de SOGAMA na que explicaron “A REGRA DAS TRES ERRES”, é dicir, os hábitos que debemos ter en conta para reducir a produción de lixo, reutilizar o máximo posible e contribuír á reciclaxe, separando os materiais por tipo e depositándoos no colector correspondente.

XORNADAS PEQUEPEIXE.

Ven, 18/11/2022 - 20:20 — fondonois

O pasado mércores o alumnado de 3º e 4º de Primaria asistimos ás Xornadas de PEQUEPEIXE, organizadas pola Organización de Produtores Pesqueiros do Porto de Burela (OPP-7) en colaboración con Armadores de Burela S.A. (ABSA). Alí realizamos diferentes actividades entre elas: aprendimos a diferenciar as principais especies pesqueiras e como se etiquetan, coñecimos algúns termos propios da linguaxe mariñeira, realizamos varios xogos na lonxa…

Pasámolo moi ben!

(Preme na imaxe para ver as fotos)

 

O NOSO COLE

Lun, 07/11/2022 - 22:58 — biblioteca

Dende a biblioteca, deixámosvos un vídeo resumen protagonizado polo noso alumnado, no que explican algúns dos proxectos que se realizan no cole. SON UNS ARTISTAS!

SAMAÍN E MAGOSTO

Mér, 02/11/2022 - 20:03 — fondonois

O venres 28 de outubro celebramos no colexio o Samaín e o Magosto.

O alumnado e o persoal do centro viñemos caracterizados de personaxes terroríficas, propias do Samaín.

Ademais, degustamos castañas asadas e participamos en diferentes xogos (nos que se utilizaron castañas).

Foi un día moi divertido e especial. Podedes ver as fotos premendo na imaxe.

A continuación deixamos unha guía coas normas de cada xogo e un mural realizado polos nenos e nenas que quedou terroríficamente chulísimo.

EXPOSICIÓN DE CABAZAS 2022.

Ven, 28/10/2022 - 20:49 — biblioteca

Durante esta semana celebramos a exposición de cabazas do Samaín, cun gran éxito de participación coma todos os anos. No seguinte vídeo veredes o excelente resultado das creacións realizadas polos nosos alumnos e familia, cheas de creatividade, orixinalidade e humor.

Moitas grazas e parabéns a todos os participantes.

RECOMENDACIÓNS LECTORAS POLO SAMAÍN.

Dom, 23/10/2022 - 16:05 — biblioteca

 

 

PREMIO PRIMAVERA DAS LETRAS.

Dom, 23/10/2022 - 14:39 — biblioteca

O pasado luns 17 de outubro fomos co noso alumnado de 4º, 5º e 6º á Coruña, á sede da Real Academia Galega,  para recoller o premio do Concurso Contádenos o voso Día das Letras Galegas 2022, convocado pola institución a cargo do proxecto “Primavera das Letras”, onde demostraron o ben que bailan coa “DANZA DOS MACHETES”. Fixérono xenial!

Aproveitando a viaxe visitamos pola tarde o Aquarium Finisterrae, onde aprendimos moitos aspectos relacionados sobre a bioloxía mariña, a oceanografía e o mar en xeral, ata vimos como alimentaban ás focas! Foi un día inesquecible!

A continuación podedes ver as fotos premendo na imaxe.

CHARLA PLAN DIRECTOR

Mar, 18/10/2022 - 18:05 — fondonois

As nenas e nenos de 5º e 6º de Primaria recibiron hoxe, unha charla informativa-formativa sobre ciberseguridade e acoso escolar,  impartida por unha persoa experta das Forzas de Seguridade do Estado, dentro do Plan Director para a convivencia e a mellora da seguridade nos centros educativos e os seus contornos.

Subscribirse a este contido


by Dr. Radut