Seguimos traballando, deixamos unha serie de problemas para que practiquedes. Podédelos imprimir ou copiar en folios. Facédeos pouco a pouco. Pincha na palabra problema.
Ánimo, todo vai ir ben.
Seguimos traballando, deixamos unha serie de problemas para que practiquedes. Podédelos imprimir ou copiar en folios. Facédeos pouco a pouco. Pincha na palabra problema.
Ánimo, todo vai ir ben.
Orientacións terceiro e cuarto de primaria
Estimados pais/nais:
Estas son algunhas recomendacións, para estos días nos que se suspenderon as clases.
En Lingua Castelá e Lingua Galega practicar a lectura. Poden ler o libro ou conto que colleron na biblioteca escolar. Para practicar a escritura sería axeitado escribir un diario nestes 15 días, no que conten como se sinten e o que fan, acompañado dun debuxo.
En matemáticas estudar ben a táboa de multiplicar, facer sumas, restas, multiplicacións e divisións cunha cifra ( dúas cifras para o alumnado de cuarto) e problemas nos que se apliquen esas operacións para poder resolvelos.
Un saúdo.
Hoxe, o alumnado de 3º e 4º de Educación Primaria visitamos o Museo de Belas Artes na Coruña.
Fixemos un percorrido didáctico polas salas do museo. A visita foi guiada por dous educadores do propio museo, que favoreceron o achegamento ao alumnado ás distintas formas artísticas dun modo dinámico e lúdico, fomentando a participación e estimulando a creatividade.
Poidemos comprobar que o museo presenta numerosas obras procedentes do Museo do Prado de Madrid, pintura española e europea dos séculos XVI a XX, e pintura galega do XIX e XX. Ademais de cadros, había esculturas e diferentes obxectos. Explicáronnos algunhas das pinturas que había no museo, e aprendemos moitas cousas novas, e sobre todo, que pretendían transmitir os/as artistas coas súas obras.
Despois da visita, rematamos cun taller no que nos convertemos en verdadeiros/as artistas!
Ademais de aprender, pasámolo xenial!
O alumnado de 3º e 4º de Educación Primaria visitamos a Casa Museo de Rosalía de Castro, en Padrón. Foi unha xornada moi divertida onde aprendemos cousas novas sobre a escritora e coñecemos a casa na que viviu os derradeiros anos da súa vida.
Fixemos un percorrido polos acontecementos que marcaron a vida e obra de Rosalía.
Primeiro, na planta baixa da casa, unha guía explicounos cousas relacionadas coa súa vida, a restauración da casa, o entorno que a rodeou e a relación do pobo galego coa figura da escritora.
A continuación, na primeira planta, vimos unha recreación da casa rural da época, entre labrega e fidalga. Fíxonos moita ilusión poder ver o seu cuarto ou a súa cociña.
Tamén poidemos ver vitrinas con distintas edicións das súas obras, fotografías dela e dos seus familiares, manuscritos, recortes de prensa da época, obras, e unha gran variedade de obxectos que son testemuña da importancia da súa figura.
Tamén tivemos a oprtunidade de visitar a casa por fóra. Está rodeada dun espazo verde que naqueles tempos era unha horta e hoxe é unha recreación dun xardín da época. Encantounos!
O alumnado de 4º E. Primaria asistiu hoxe, 14 de maio, a unha charla impartida pola presentadora do tempo na TVG, Ana Celia. Ela achegouse ao noso centro, para contarnos distintos aspectos relacionados co tempo atmosférico: imaxes dos satélites, estacións meteorolóxicas repartidas por Galicia, mapas de isóbaras e mapas significativos... Falounos tamén de como se organizan as persoas que traballan nun plató de televisión para poder ofrecernos a todos este espazo que ela presenta.
Xunta de Galicia - Consellería de Educación, 2013 |