CEIP de Arzúa

Este mércores, 15 de xuño, levouse a cabo un “Obradoiro de Identificación de fauna útil” organizado pola ANPA O FORMENTO para todo o alumnado do colexio.

Este taller realizouse en tres quendas (unha para Educación Infantil e outras dúas para Primaria) onde a cada grupo de rapaces e rapazas se lles asignou un nome: tivemos os grupos das xoaniñas, os dos morcegos, os das abellas e os dos paporroibos.

Co alumnado de Educación Infantil realizáronse as seguintes actividades:

* En primeiro lugar, realizouse unha breve introdución explicando a problemática actual de perda de ecosistemas e hábitats de numerosos seres vivos por causa do dominio que ten a nosa especie no planeta que, xunto co cambio climáticos, son dúas das pedras angulares coa que terán que lidiar nun futuro non moi lonxano.

* Logo, realizaron un mural interactivo colocando cada foto de cada animaliño no  seu hábitat correspondete, coa finalidade de recoñecer e representar a través de imaxes a fauna e flora. Este mural estaba composto de diferentes zonas:

Zona baixo terra: miñocas, toupas, raíces…

Zona herba: xoaniña, biscante, margaridas…

Zona poza: sapo, píntega…

Zona árbore: araña, formiga…

Zona cortizo: abellas…

* Puideron coller un biscante, buscar unha miñoca, viron un cortizo e falaron del…

* A seguinte actividade consistiu na construción e decoración de casas niño e caixas de morcego. Deste xeito, os nenos e nenas aprenderon a través de varias manualidades a construir novos espazos naturais para diferentes animais con elementos totalmente biodegradables.

Para rematar, colgaron as casiñas para os paxaros e morcegos nas árbores do patio do colexio.

* Hotel de insectos: entre todos os cursos crearon un hotel de insectos beneficiosos. Aquí vemos aos nenos e nenas de Infantil.

O alumnado de Educación Primaria realizou as seguintes actividades:

* Introdución, da que falamos anteriormente.

* Realización dun xogo cuestionario: consistiu nun xogo de preguntas para que os rapaces e rapazas poideran xogar, debater e competir estre aulas. Había tres respostas posibles, e logo de que se formulara a pregunta, cada aula debía debater e intentar chegar á resposta correcta, para despois levantar a tarxeta que consideraba que daba lugar a esa resposta verdadeira. Acertaron a maioría delas!

* Realización e decoración de caixas niño e caixas de morcegos.

* Creación dun hotel de insectos. Os rapaces e rapazas de Primaria remataron a construcción deste hotel.

O venres, levarase a cabo a “solta de bichos”: todo o alumnado interactuará de forma directa con diferentes especies de insectos útiles a través de xogos de contacto.

Cada clase inaugurará o seu hotel boidegradable para deixar en liberdade a toda esta fauna.

Desfrutamos e aprendemos moito!

As Nacións Unidas designaron o 5 de xuño como Día Mundial do Medioambiente coa finalidade de sensibilizar á poboación mundial acerca da importancia de coidar os nosos ecosistemas e fomentar o respecto ao medioambiente.

Deste xeito, preténdese motivar ás persoas para que se convirtan en axentes activos do desenvolvemento sustentable e equitativo e fomentar a cooperación para que o medioambiente sexa sostible.

Iso mesmo é o que fixemos no colexio. Traballamos a gran importancia e o por que desta conmemoración e elaboramos neste mural colectivo baixo o lema “Como podemos coidalo?" onde cada aula decorou e rotulou nun contedor diferentes respostas a estas preguntas:

Non malgastando a auga.

Limpando os espazos naturais.

Mantendo limpas as augas dos ríos e praias.

Reciclando.

Evitando o uso de plásticos.

Usando o transporte público.

Conservando o noso contorno.

Reducindo o uso de pesticidas.

Usando enerxías renovables.

Reutilizando recursos.

Reducindo o consumo.

Facendo uso dos puntos limpos.

Non malgastando a enerxía.

                Alumnado de 4 anos

Cartel informativo do curso de tenis de verán organizado polo Concello de Arzúa

O alumnado de 2º e 3º de primaria participou nun obradoiro de "Alimentación sostible" levado a cabo por Educalecrín.

Partindo da agricultura ecolóxica e produtos ecolóxicos, pasando polas plagas e uso de pesticidas, os gases e o cambio climático falouse tamén dos produtos e do invernadoiro.

A continuación leváronse a cabo actividades como:

- Xogo de mercado, no que o alumnado, por grupos, tivo que coller 6 alimentos sostibles para a natureza e para a nosa saúde. Había algúns trucos a ter en conta: que non conteñen plásticos, que sexan produtos de cerca e mellor que leven proteína vexetal. É dicir, os distintos grupos, tiveron que facer unha compra sostible.

- Logo, entre todos ver como o fixeron e como se pode mellorar, por exemplo o erro de coller avelás plastificadas de Turquía cando había a granel ou coller plátano de Colombia, garbanzoa de Estados Unidos e plastificados...É importante coller legumes e froitos secos porque teñen proteínas...Preguntouse grupo por grupo se foi unha boa compra ou se cambiarían algo.

- Actividade individual: debuxar a dieta planetaria, un pouco distinta á dieta saudable, que ten máis proteína vexetal e é bo para o planeta. Esta dieta consiste en metade do prato de froitas e verduras e a outra  metade proteínas vexetais, pequenas cantidades de carne e lácteos e moi poucos azúcares.

Pasárono xenial!!!

O día 2 de xuño, o alumnado de 1º de primaria puido gozar dun obradoiro levado a cabo por Educalecrín. Comezouse a falar das árbores das fragas galegas e dos animais como o xabaril, os teixugos ou porcoteixos, o lobo, o corzo,o oso...

Logo levouse a cabo un xogo: entregaron caixas que contiñan pegadas de animais, fotos deses animais e características dos mesmos. Por grupos, tiveron que relacionar: animal-característica-pegada.

Outra actividade consistiu en escoitar os sons dos animais (a música da natureza, o son da fraga) e adiviñar de que animal se trataba.

Finalmente, os nenos e nenas puideron visualizar máis fotos de animais.

Foi moi entretido. O vídeo xa o di todo!!!

O mércores, día 1 de xuño, a través de Educalecrín, leváronse a cabo os obradoiros de Educación Emocional para todo o alumnado de Educación Infantil. A través da intelixencia emocional aprendemos a xestionar os sentimentos que xorden no noso día a día para acadar o benestar. Saúde e benestar é un dos obxectivos de desenvolvemento sostible da Axenda 2030 para dar resposta aos retos da sociedade actual e do futuro.

Os rapaces e rapazas de 3º e 5º de Educación Primaria tiveron a oportunidade de realizar unha visita a Ribeira dentro do proxecto “Ti si que es un bo peixe” que se inclúe no Programa ALIMÉNTAT-T BEN!

Realizamos diversas actividades das que aprendemos moitísimo:

En primeiro lugar, visitamos a nave de redeiros onde puidemos ver as distintas artes que montan, para que se usan e os diferentes útiles de traballo.

A continuación, visitamos a máquina de xeo, un dos edificios máis importantes do porto, xa que gracias a el os compradores e pescadores poden manter o produto pesqueiro en óptimas condicións.

Logo, visitamos o porto, cun percorrido para coñecer as principais actividades pesqueiras, os distintos tipos de embarcacións, as especies que capturan, os aparellos que empregan, etc.

Tamén coñecemos  as instalación da lonxa, as salas de exposición e venda de produtos de mar, a información que proporciona o etiquetado dos produtos pesqueiros, a preparación do peixe nas naves de empresas distribuidoras, e asistimos a unha poxa ficticia.

Por último, coa finalidade de coñecer os alimentos do mar desde o punto de vista culinario, entregóuselle a cada participante unha bolsiña coas preparacións realizadas a base de peixe, a sobremesa e a bebida. Con isto, fixeron unha pequena explicación das propiedades nutricionais do peixe adaptadas a cada idade.

O día rematou da mellor maneira. Xantamos á beira da praia, desfrutamos no parque e xogamos na area.

Foi unha xornada estupenda!

Neste mes de maio, ademais de traer diferentes espectáculos ao noso colexio para festexar as Letras Galegas, tamén fixemos moitas actividades desde o propio centro. 

Este é o mural colectivo que montamos na planta baixa, no que aparecen tres caricaturas de Florencio Delgado Gurriarán, realizadas polo alumnado de 4º, 5º e 6º EP, e un marcapáxinas representando a cada titoría. 

Estes son algúns dos traballos que se fixeron nas distintas aulas do colexio.

O alumnado dos cursos de 1º, 2º, 3º e 4º de Educación Primaria participaron nunha actividade de animación á lectura: “Toupiciencia”. Nesta actuación a nosa amiga Toupiña, acompañada do seu axudante químico, descubriulles o mundo da ciencia a través de curiosidades sobre diferentes reaccións químicas.

Despois de comprobar que coa ciencia non se pode medir “a ollo”, decatáronse de que para que un esperimento saia ben é necesario ler todos e cada un dos pasos, e seguir as indicacións propostas. Deste xeito todo irá ben, verdade que si?