Hoxe ciclistas e xoaniñas tivemos a gran sorte de disfrutar dos "Trebellos", xente á que coñecemos moi ben e que coa súa música e diversión fixéronnos pasar un rato do máis agradable e divertido.

Agardamos volver a telos con nós moi pronto!!!

Máis info nestes blogues....  CICLISTAS  XOANIÑAS

MAIOS 2017

Un curso máis celebramos a festa dos Maios, o festa do reverdecer das prantas e do trunfo da primavera.

Como en anos anteriores a colaboración de toda a comunidade escolar combinando imaxinativamente "verde", flores, laranxas e ovos, frutificou na creación de catro maios cos que o alumnado desfilou para logo rematar cantando as coplas que previamente ensaiaran.

DÍA DO TEATRO E CONVOCATORIA DO IX CERTAME DE POESÍA "COUCEIRO FREIJOMIL"

O alumnado de 1º, 4º e 5º de primaria estivo moi atarefado,  preparando tres pezas teatrais.

 5º de primaria representou a obra de Carlos Casares “As laranxas máis laranxas de todas as laranxas”. O de 1º contounos como se fai “A mellor sopa  do mundo”. E, para rematar, o alumnado de 4ºA preparou “A estatua”. 

  Güino, a mascota da biblioteca, aproveitou que estabamos familias, profesorado e alumnado para anunciar a convocatoria do IX Certame de Poesía "Couceiro Freijomil".

(Máis información no blogue da biblioteca)

O día 27, ás 18.00 horas, terá lugar no colexio unha actividade dirixida ás familias de 4º, 5º e 6º de primaria do noso centro e organizada polo Departamento de Servicios Sociais do Concello.

Estará encamiñada a traballar a educación emocional e a potenciar o respecto, a tolerancia e a convivencia. 

Como se destaca na folla informativa enviada este venres, a vosa colaboración complementará e enriquecerá o traballo que estamos a facer cos vosos fillos e fillas.
Agardámosvos!!!

Esta semana tivemos varias visitas relacionadas co proxecto que estamos a desenvolver sobre as Fragas do Eume.

En primeiro lugar visitounos o alumnado de bioloxía de 1º de bacharelato do IES Fraga do Eume, acompañado pola súa profesora Irene, para expoñer ao alumnado de sexto varios perigos para os hábitats naturais.

Logo acompañounos Paco, o biólogo do Parque Natural, para comentar diversos e interesantes aspectos da flora e da fauna.

Finalmente hoxe, un experto en reciclaxe e reutilización da empresa que xestiona o Punto Limpo Municipal, concienciounos da necesidade de separar os residuos para que a reciclaxe sexa efectiva.

Máis información no blogue da nosa BIBLIOTECA

 CURSO 2017-2018

DO 1 AO 20 DE MARZO ÁBRESE O PRAZO PARA A

PRESENTACIÓN DA SOLICITUDE DE ADMISIÓN.

Visitas guiadas para coñecer o noso centro os martes 7 e 14 de marzo

en horario de 17.00 a 18.00 horas

Máis información aquí 

O luns, día 30, celebramos o Día da Paz.

Como remate das actividades,todos xuntos no patio

soltamos unhas pombas

mentres o alumnado de 6º de primaria

interpretaba coas frautas "Viva la vida" de

Coldplay.

Convidado por Güino, tivemos unha visita que nos encantou.

Paco Nogueiras chegou ao noso cole para contarnos e cantarnos varios contos.

Cantamos, bailamos e pasamos un rato moi divertido.

Moitas grazas,Paco. 

Volve cando queiras!!!!

Aquí tedes os enlaces aos vídeos do festival de Nadal deste ano para que aquelas familias que non puideron asistir, teñan a ocasión de ver o resultado de tanto traballo realizado.