VISITA DO INSTITUTO ESPAÑOL DE OCEANOGRAFÍA
Enmarcado no Proxecto Documental Integrado que desenvolvemos no centro sobre o Mar, o Centro Oceanográfico de A Coruña, dentro da súa campaña de divulgación científica, acercou as ciencias mariñas ao noso colexio mediante tres obradoiros: A vida ao microscopio, onde visualizaron organismos mariños microscópicos presentes na auga do mar que integran o zooplancton. Investigando os peixes, alí observaron os métodos de obtención de datos, a anatomía, a idade dos peixes mediante a lectura de otolitos e a selectividade das artes de pesca. O corazón do Planeta, mediante experimentos comprenderon mareas, temperatura, acidificación, salinidade e correntes nos océanos. Máis información clicando na foto superior |
MAIO LITERARIO
LECTURAS COMPARTIDAS Cada xoves o alumnado voluntario de 5º e 6º de Primaria vai ler contos ás aulas de E. Infantil e 1º de Primaria. Os maiores encantados desenvolven mil estratexias que engaiolan aos pequenos: Preparan o texto, apóianse en debuxos, monicreques artesáns, teatriños...
|
VISÍTANOS... MARÍA CANOSA María Canosa é autora de MURIEL o libro que está a ler o alumnado de sexto coa axuda das profes Lydia e Marina.
|
VISÍTANOS... ÉRICA ESMORÍS
Xa chegou o día en que o alumnado dos clubs de lectura de 5º coñeceron á autora de "Ulises e as cronoamigas".
|
IAGO LÓPEZ
O alumnado dos primeiros cursos de primaria recibiu a Iago López, un contacontos ben querido e coñecido pola rapazada de 1º e 2º
|
AVALIACIÓN INDIVIDUALIZADA 3º PRIMARIA
Os días 23 e 24 de maio desenvolverase a avaliación individualizada de terceiro curso de educación primaria nos centros docentes de Galicia.
Estas probas, nas que se avaliará a competencia lingüística e a competencia matemática, terán carácter orientativo e informador non tendo efecto no expediente académico.
Obterase un informe individual de cada alumno/a e outro do centro.
MAIOS 2018
Como todos os primeiros de maio, unha invasión de
cores e olores chegou ao Couceiro. Unha fermosa
mestura de traballo colaborativo de alumnado, familias e
profesorado, deu vida e continuación a unha das
tradicións máis característica da nosa vila, a festa dos
Maios.
Nun ambiente lúdico identificamos, clasificamos e
debuxamos plantas e flores, cantamos e fomentamos
actitudes de axuda e colaboración ao tempo que
participamos da cultura popular de Pontedeume.
Un ano máis... grazas familias pola vosa colaboración !!!
|
EUMEOLIMPIADAS 2018
EUMEOLIMPIADAS 2018 Alumnos e alumnas de terceiro a sexto de primaria dos centros educativos eumeses, reuníronse ao longo desta semana para participar nas tradicionais Eumeolimpiadas. Estas xornadas, que se levan celebrando dende hai máis de vinte anos, teñen como función principal a convivencia a través do xogo entre o alumnado dos diversos centros do Concello de Pontedeume. Máis información e imáxenes aquí: http://celecofre.blogspot.com.es/2018/04/eumeolimpiadas-2018.html
|
MATRÍCULA
No taboleiro de anuncios do noso centro está a listaxe de alummnado admitido/non admitido para o curso 2018-2019.
TODAS AS SOLICITUDES FORON ADMITIDAS.
ACTIVIDADES
Nos diferentes blogues tedes información de actividades realizadas estes días pasados.
Un obradoiro de poesía con José Luís Graña Muíño. http://bibliocouceiro.blogspot.com.es/2018/04/obradoiro-de-poesia.html. A excursión ao buque oceanográfico Ramón Margalef. http://bibliocouceiro.blogspot.com.es/2018/04/alen-do-mar-embarca-nun-buque.html Visita didáctica do alumnado de infantil ao supermercado Gadis para traballar a alimentación saudable. http://cousasdepequenosmaiores.blogspot.com.es/2018/04/saida-ao-gadis.html Outra visita dos máis pequenos á lonxa e ao peirao. http://picarosdocouceiro.blogspot.com.es/2018/03/visita-ao-peirao.html http://pequenoseumeses.blogspot.com.es/2018/03/conecendo-as-artes-de-pesca.html
|
JORGE PENA
Jorge Pena, quen atravesou o Atlántico a remo e foi o primeiro español en rematar con éxito a Talisker Whisky Atlantic Challenge, unha das probas máis duras do mundo, acompañounos este venres explicando e respondendo ás preguntas do alumnado. Foi moi interesante porque falamos de xeografía, ecoloxía, tenacidade...
http://bibliocouceiro.blogspot.com.es/2018/04/visitanos-jorge-pena.html
|
DÍA DA POESÍA E DO TEATRO
DÍA DA POESÍA E DO TEATRO Como remate do 2º trimestre realizamos un Festival onde puidemos asistir a dúas obras de teatro representadas polo alumnado de 2ºA e de 5º. Houbo tamén un recitado de poesías a cargo de 3º e 4º
http://bibliocouceiro.blogspot.com.es/2018/03/dia-do-teatro-e-da-poesia.html |
- « primeira
- ‹ anterior
- …
- 20
- 21
- 22
- 23
- 24
- 25
- 26
- 27
- 28
- …
- seguinte ›
- última »
![CEIP Couceiro Freijomil RSS Distribuir contido](/centros/ceipcouceirofreijomil/misc/feed.png)