SAMAÍN 2018
SAMAÍN 2018
Xa chegou o Samaín ao Couceiro!!!Aquí tedes unha mostra dalgunhas das actividades deste curso.Primeiro unha arrepiante exposición de cabazas, logo unha divertida activade de ritmo e coordinación que executou o alumnado de sexto na clase de música.Finalmente veredes unha montaxe da "HORA DE LER ÁS ESCURAS" que a nosa mascota da biblioteca, Güino, recomendou.Noraboa ás familias, alumnado e profesorado que tanto se esmerou. |
BUSCA A TÚA CABAZA |
LECTURA ÁS ESCURAS |
A FAMILIA ADDAMS(ACTIVIDADE NA CLASE DE MÚSICA) |
Buscade máis fotos e información nos blogues
VISÍTANOS DAVID ARCAY
VISÍTANOS DAVID ARCAY
Hoxe o alumnado de cuarto, quinto e sexto de primaria tivo a oportunidade de escoitar e dialogar con David Arcay, catro veces campión do mundo de pesca con mosca.
Falaron da importancia de conservar o medio ambiente e debatiron sobre a pesca sen morte da que David é fervente defensor. Posteriormente fixeron varias actividades, entre elas comprobar a dificultade que supón o lance "cola de rata".
|
PROXECTO LÓVA
PROXECTO LÓVA
Este curso o noso colexio debuta neste innovador proxecto. As clases das Formiguiñas e dos Caracois (6ºEI) xa crearon a súa compañía de ópera. Elixiron de nome Compañía Purpurina!!! Facer LÓVA (A ópera como vehículo de aprendizaxe) é propoñer a unha clase converterse nunha compañía que crea a súa propia ópera. A compañía organízase por profesións. Nenos e nenas fano todo: escriben o libreto, deseñan a escenografía, compoñen a música, confeccionan o vestiario, realizan a campaña de prensa, recadan fondos, deseñan e fabrican decorados, crean a iluminación, etc. Ao final, estrean a súa ópera sen axuda de adultos. O obxectivo non é facer unha ópera. O obxectivo é crecer e construír o futuro nun ambiente de confianza, colaboración, esforzo e aprendizaxe.
|
MOCHILAS VIAXEIRAS
MOCHILAS VIAXEIRAS A mochila viaxeira permite á biblioteca escolar o contacto coas familias nunha actividade que pretende a súa colaboración na formación dos lectores e lectoras máis novos. Nenas e nenos son os embaixadores da biblioteca nas súas casas e comparten cos seus, grandes e pequenos, os libros, as revistas, a música cos que a mochila vai cargada. As familias poden realizar suxestións ou contar a experiencia de lectura compartida no caderno que achegamos en cada mochila. O equipo do "Xardín do Pasatempo" escolleu os libros máis novidosos, aqueles que coidamos poden mellor acompañar o lecer das familias que len xuntas. Libros con música, de produción propia, de realidade aumentada... Libros en galego, mais tamén en castelán, francés e inglés.
|
CHARLA SOBRE CELIAQUÍA
Este curso o tema do noso Proxecto Documental Integrado ten como tema a ALIMENTACIÓN. Enmarcada neste proxecto, todo o profesorado do CEIP Couceiro Freijomil tivo hoxe pola tarde unha charla informativa sobre a celiaquía a cargo da Asociación de Celíacos de Ferrolterra. Elena Carneiro, acompañada por Carmela, explicounos que é a enfermidade celíaca, proporcionounos información interesante e deunos importantes pautas de actuación. |
REUNIÓNS DO 6 DE SETEMBRO
CONVOCATORIA DE REUNIÓN.
Convócase a todos os pais e nais do alumnado de 1º e 2º de primaria a unha
reunión que terá lugar o xoves 6 de setembro ás 10:30 horas, nas aulas
correspondentes, para tratar aspectos relativos ao inicio de curso. Ese día
traerase todo o material escolar co nome do alumno/a para deixalo na aula.
Asimesmo as familias do alumnado de educación infantil terán a presentación
e información do novo curso escolar o mesmo día ás 12:00 horas.
LISTAXE DEFINITIVA FONDOLIBROS
A listaxe definitiva de admitidos no fondo solidario e a do alumnado excluído está nos seguintes arquivos adxuntos. Admitidos
IMPORTANTE. O ALUMNADO DE 3º E 4º DE PRIMARIA QUE NON OBTIVO LIBROS DO FONDO SOLIDARIO, COA MATRÍCULA QUE TEMOS A DÍA DE HOXE, TAMÉN PODERÁ DISPOR DE LIBROS GRATUÍTOS QUE PROPORCIONARÁ O CENTRO.
RESUMINDO:
INFANTIL: ...........................Non compran libros e a listaxe de material darase en setembro. 1º PRIMARIA: ............................................................................................. Compran libros e material. 2º PRIMARIA: ............................................................................................. Compran libros e material. 3º PRIMARIA:.......................................................................Non compran libros e compran material. 4º PRIMARIA:.......................................................................Non compran libros e compran material. O activity book que figura de último na lista de libros de texto é un caderno, non un libro. 5º PRIMARIA: Non compran libros (utilizarán libros dixitais gratuítos) e compran material. Atención: comprarán o caderno de plástica bilingüe que figuran na listaxe de libros de texto (Ollo que o caderno de plástica bilingüe é o de sexto porque está previsto que o utilicen este curso e o seguinte) 6º PRIMARIA: Non compran libros (utilizarán libros dixitais gratuítos) e compran material.
CONVOCATORIA DE REUNIÓN. Convócase a todos os pais e nais do alumnado de 2º de primaria a unha reunión que terá lugar o xoves 6 de setembro ás 10:30 horas, nas aulas correspondentes, para tratar aspectos relativos ao inicio de curso. Ese día traerase todo o material escolar co nome do alumno/a para deixalo na aula. Asimesmo as familias do alumnado de educación infantil terán a presentación e información do novo curso escolar o mesmo día ás 12:00 horas. |
- « primeira
- ‹ anterior
- …
- 18
- 19
- 20
- 21
- 22
- 23
- 24
- 25
- 26
- …
- seguinte ›
- última »
![CEIP Couceiro Freijomil RSS Distribuir contido](/centros/ceipcouceirofreijomil/misc/feed.png)