COMEZO DAS CLASES
O vindeiro día 11 de setembro o horario será o habitual de 8.45
a 13.45.
O transporte pasará no horario previsto e o comedor funcionará
con normalidade.
Aproveitamos para recordar que as familias de 1º e 2º de E.
Primaria están convocadas a unha reunión informativa o día 5 de
setembro ás 9:30, mentres que a reunión para as familias de E.
Infantil será o día 6 de setembro ás 12.00.
LISTAXE DEFINITVA FONDOLIBROS 2019-20
A listaxe definitiva de admitidos no fondo solidario e a do alumnado excluído está nos seguintes arquivos adxuntos. Admitidos
IMPORTANTE. O ALUMNADO DE 3º E 4º DE PRIMARIA QUE NON OBTIVO LIBROS DO FONDO SOLIDARIO, COA MATRÍCULA QUE TEMOS A DÍA DE HOXE, TAMÉN PODERÁ DISPOR DE LIBROS GRATUÍTOS QUE PROPORCIONARÁ O CENTRO.
RESUMINDO:
INFANTIL: ...........................Non compran libros e a listaxe de material darase en setembro. 1º PRIMARIA: ............................................................................................. Compran libros e material. O activity book que figura na lista de libros de texto é un caderno, non un libro. 2º PRIMARIA: ............................................................................................. Compran libros e material. O activity book que figura na lista de libros de texto é un caderno, non un libro. 3º PRIMARIA:.......................................................................Non compran libros e compran material. Compran o activity book que figura na lista de libros de texto. 4º PRIMARIA:.......................................................................Non compran libros e compran material. Compran o activity book que figura na lista de libros de texto. 5º PRIMARIA: Non compran libros (utilizarán libros dixitais gratuítos) e compran material. Atención: comprarán o caderno de plástica bilingüe que figura na listaxe de libros de texto (Ollo que o caderno de plástica bilingüe é o de sexto porque está previsto que o utilicen este curso e o seguinte) 6º PRIMARIA: Non compran libros (utilizarán libros dixitais gratuítos) e compran material.
CONVOCATORIA DE REUNIÓN. Convócase a todos os pais e nais do alumnado de 1º e 2º de primaria a unha reunión que terá lugar o xoves, 5 de setembro ás 9:30 horas, nas aulas correspondentes, para tratar aspectos relativos ao inicio de curso. Ese día traerase todo o material escolar co nome do alumno/a para deixalo na aula. Asimesmo as familias do alumnado de educación infantil terán a presentación e información do novo curso escolar o venres, día 6, ás 12:00 horas. |
FONDOLIBROS 3º-4º PRIMARIA 2019-2020
LISTADO PROVISIONAL DO FONDO SOLIDARIO
(3º e 4º de primaria)
O listado provisional do alumnado ADMITIDO e NON ADMITIDO no fondo solidario encóntrase nos arquivos adxuntos.
O día 10 de xullo publicaremos o listado definitivo, no que constará os libros adxudicados a cada un.
Sin embargo, independentemente do que figure nestas listas e coa matrícula actual, temos libros no fondo para todo o alumnado de 3º e 4º de primaria. Polo que, nestas condicións, ningún alumno/a destes cursos terá que comprar os libros de texto.
PRAZO DE RECLAMACIÓN: Os días 8 e 9 de xullo. ADMITIDOS EXCLUÍDOS
ACTUACIÓN FIN DE CURSO 6º PRIMARIA
Neste vídeo podedes ver a actuación do alumnado de sexto o día da súa graduación. Noraboa a todo o alumnado e ao seu profe Rober porque con esforzo e traballo lograron poñer un remate perfecto á súa estancia no Couceiro. Ata sempre!!!
FIN DE CURSO NA BIBLIOTECA
Celebramos un acto de valoración e agradecemneto pola participación nas actividades da biblioteca.
Entregamos diplomas e pequenos agasallos aos "Axudantes de Güino", á participación nos "Clubs de Lectura" e ao neno e á nena "Máis Lector e Lectora".
Tamén presentamos as "Recomendacións Lectoras " que realizaron en formato de" Booktraile" a rapazada dos clubs de lectura de 6º.
REVISTA DIXITAL ABRENTE EDLG Nº 39- 2019
REVISTA DIXITAL ABRENTE EDLG Nº 39
Rematamos o mes de xuño coa edición de Abrente nº39 do EDLG, na súa versión dixital, cun contido extenso.
"Almanaques de Peto" e as "Letras Galegas", son algúns dos grandes temas que tratamos neste número da revista que presenta un novo formato, destacando o traballo do alumnado e profesorado ao longo de todo o curso escolar 2018-2019.
Abrente convírtese así nun lugar común de todas e todos, poñendo foco aos nenos e nenas de todos os niveis de infantil e primaria, para que teñan o seu espazo e brillen por igual, como é no caso do PDI sobre a Alimentación Saudable:"Bo Proveito!" e en “Eu son Rosalía” que celebramos o "Día de Rosalía", onde a participación masiva de todo o colexio, profesorado e persoal non docente, é un modelo de integración do gran equipo que conforma o noso centro escolar.
Proxectos innovadores como LÓVA , "O sistema Solar" e "Illa Fantasía", aparecen como parte deste novo número.
"Lemos aos máis pequenos e pequenas", "Madriñas e Padriños lectores", "Día da Paz", "Día da Poesía e do Teatro", o "Certame anual de Poesía Couceiro Freijomil", que este ano cumpre a súa XI edición, e o "Álbum Bilingüe" , axudan a favorecer que a nosa lingua se incorpore á vida cotiá do alumnado.
Finalmente comentar que Abrente forma parte do gran proxecto do EDLG O GALEGO NAS NOSAS MANS, no que participan, directa ou indirectamente, os 350 alumnos e alumnas o profesorado, persoal non docente, familias e público en xeral, buscando como finalidade básica, conquistar unha “real” e “efectiva” competencia lingüística no idioma galego no noso centro.
O GALEGO NAS NOSAS MANS pretende ser un proxecto transformador que traslade o noso labor de dinamización dun xeito transversal, animando a todos e todas a levar a cabo os seus proxectos e actividades en galego. Tamén aspira a ser un proxecto inclusivo cunha clara aposta pola igualdade paritaria en tódalas actividades, fortalecendo a representación equivalente de nenos e nenas.
LA ÓPERA COMO VEHÍCULO DE APRENDIZAJE (LÓVA)
O que ides ver é a estrea da ópera realizada pola Compañía de ópera Purpurina, formada por alumnos e alumnas de 6º de Educación Infantil do noso centro.
Esta ópera é o froito do traballo que ao longo de todo o curso realizou esta Compañía. Neste proxecto o alumnado realizou este traballo eles sos: elexiron o nome da compañía, o seu logo, as personaxes e as súas características, inventaron unha trama, escribiron os diálogos, compuxeron a música, deseñaron a escenografía, vestiario e maquillaxe, fabricaron a iluminación, fixeron unha campaña publicitaria, realizaron una campaña de autofinanciación e un traballo de documentación de todo o proceso.
Cada un foi unha peza coa que formaron un equipo que deu lugar ao marabilloso quebracabezas que ides ver aquí...
No noso blogue poderedes ver algunha das fases do proxecto que desenvolvimos ao longo do curso.
PURPURINA VISITA "AFUNDACIÓN"
A Compañía de Ópera Purpurina visitou o ESPAZO +60 de AFUNDACIÓN de Pontedeume. Alí tivemos a gran oportunidade de compartir momentos moi divertidos e emocionantes coas persoas +60.
Nenos e nenas e maiores viviron un intercambio de experiencias e coñecemento no que o noso alumnado aprendeu a valorar aos maiores como fonte de sabedoría e experiencia e formar unha idea máis positiva e non estereotipada das persoas maiores. E puxemos en práctica o tema da nosa ópera Coidar Todo!
- « primeira
- ‹ anterior
- …
- 14
- 15
- 16
- 17
- 18
- 19
- 20
- 21
- 22
- …
- seguinte ›
- última »
![CEIP Couceiro Freijomil RSS Distribuir contido](/centros/ceipcouceirofreijomil/misc/feed.png)