O venres ,para conmemorar o día do libro e os 400 anos do pasamento de Miguel de Cervantes, as escaleiras do colexio apareceron escritas coas primeira frases  do Quixote.

    Para ver como se desenvolveu a ctividade PREMEDE AQUÍ para ver a entrada no blog da biblioteca.

      Desde o Blog Educando as emocións  nos recomendan o libro de Eline Snel  “Tranquilos y atentos como una rana”, da editorial Kairós. O libro explícanos como podemos comenzar coa meditación (mindfullness) na escola e na casa de forma sinxela. Unha práctica que está moi de actualidade e que ten que ver coa xestión das emocións, da autorregulación  e do autocoñecemento.  O libro ven acompañado dun CD guía para traballar a meditación.

  O alumnado de 6º de infantil vai a asistir o mércores 27 de abril ás 11 a unha sesión de conto en inglés no escenario da Biblioteca do centro. O espectáculo chámase STORY TIME. UNDER THE SEA. Trata dun rapaz que atopa unha moeda antiga procedente dun barco pirata afundido e decide ir á procura do resto do tesouro.

   A actividade foi xestionada pola ANPA e van a representala membros da School of English   Kids&Us   de Santiago

    Seguindo a liña de que ao longo da Educación primaria, os nenos e nenas asistan a concertos didácticos de distintos estilos e agrupacións, nesta ocasión o venres 15 de abril,  os alumnos de 3º e 4º terán a oportunidade de disfrutar da música interpretada pola Banda Municipal de Santiago nun concerto titulado "BANDANZA", acompañados nesta ocasión por unha parella de bailaríns profesionais.

Este concerto seguro servirá de motivación para coñecer e apreciar, non só esta agrupación tan importante na música galega, senón tamén para descubrir e achegarse ao mundo dos bailes de salón.    Esperamos que sirva tamén de impulso para que, neste terceiro trimestre, os nenos e nenas realicen na clase de música algunha danza colectiva, popular ou tradicional. É, quen sabe, quizais algún día, algún neno ou nena  vos sorprenda...

    Podedes ver máis información na páxina de Compostela Cultural- Didáctico, premendo neste enlace.

    Hoxe presentamos un novo blog que xorde como froito dun grupo de traballo acerca da educación emocional,que pretende ir reflectindo a información que van  recopilando en forma de enlaces, vídeos, comentarios e recomendacións de libros…

    Chámase "EDUCANDO AS EMOCIÓNS CADA DÍA"  e a partir de agora podedes atopalo na sección do departamento de Orientación e directamente tamén na de blogs do Centro.

     Para acceder desde aquí premede na imaxe:

  Antes das vacacións de Semana Santa, os pequenos de 3 anos de 4º A de Infantil foron ao horto e plantaron patacas greladas do país e unha variedade francesa de cor morado. Trátase dunha actividade de Coñecemento do Medio para que aprendan de onde veñen os alimentos. E pronto van levar unha sorpresa porque as patacas xa están asomando!.

Para ver máis premede na imaxe de abaixo que enlaza co blog de infantil.

Estimadas familias:

  No colexio queremos facer unha escolma de receitas de cociña relacionadas coa primavera, é dicir, que as receitas inclúan algún ingrediente típico desta época do ano en Galicia, polo que vos animamos a que nestas vacacións de Semana Santa adiquedes un día a cociñar cos vosos fillos e fillas, e logo saborear a vosa creación en familia. Pode ser tanto un prato principal como unha sobremesa, xa que ás veces os doces é o que máis lles gusta aos nenos.

Achegámosvos algunhas ideas sobre froitos de primavera: aguacates, albaricoques, cereixas, ameixas, amorodos, limóns, berenxenas, coliflor, leituga, framboesas, chícharos,... e todos os que vos pasen pola cabeza.   Só vos pedimos que as receitas estén escritas en lingua galega, coas receitas recibidas, faremos unha selección das máis orixinais ou divertidas e elaboraremos o noso libro de receitas de primavera para a Biblioteca Escolar.

Este non é un traballo obrigatorio, participade se vos apetece, pero é unha boa ocasión para facer unha actividade diferente cos vosos fillos, a de cociñar, e logo elaborar entre todos a receita, facer un debuxo ou incluso pegar unha fotografía.

   O prazo máximo para entregar as receitas aos titores/as é o día 1 de abril.

   Animádevos a compartir as vosas habilidades culinarias con nós e felices vacacións!!!

 O equipo de Dinamización da Lingua Galega do CEIP A Maía.

(podedes imprimir aquí a planilla: premendo no arquivo adxunto baixo esta entrada)

   As alumnas e alumnos  de 2ºC, que esperaban impacientes o seu turno, visitaron  a  Aula da Natureza de Ames na antiga escola unitaria da Ameixenda. Entre outras actividades para favorecer a sensibilización, o coidado e o respeto do medio, viron as partes das plantas, analizaron as raices e observaron as flores das camelias. Tamén viron as coleccións de insectos. Pasárono moi ben!