A Delegación do Goberno en Galicia anuncia que durante todo o curso 2024-2025 volven estar dispoñibles para centros educativos e AMPAS-AFAS, charlas impartidas por axentes e expertos das Forzas e Corpos de Seguridade do Estado, a través do Plan Director para a convivencia e a mellora da seguridade nos centros educativos e os seus contornos.

Este Plan contempla, entre outras accións, formacións que versan sobre temáticas relacionadas coa protección de menores e adolescentes e o seu dereito á seguridade persoal, tratando problemáticas como a ciberseguridade, o acoso escolar, as drogas e o alcol, as novas adiccións, os delitos de odio e discriminación ou a prevención dos delitos sexuais.

A Alta Inspección de Educación, coa colaboración da Consellería de Educación, Ciencia, Universidades e Formación Profesional da Xunta de Galicia, coordina o Plan Director, que neste curso amplía a oferta de charlas formativas e informativas destinadas ao alumnado e profesorado, poñendo énfase na prevención da violencia sobre a muller e as actitudes discriminatorias por razón de xénero. Trátase tamén de seguir incrementando o número de familias asistentes ás charlas, con novos formularios de solicitude e accións destinadas a seguir aumentando a participación.

Despois da publicación do Plan Anual de Formación do Profesorado xa se coñecen os cursos en rede que se celebrarán para o seguinte curso a través da Plataforma Telemática Galega (PLATEGA). Co fin de facilitar a súa búsqueda podedes consultar esta ligazón:

• CURSOS EN REDE

As causas da parada cardiorrespiratoria son diferentes nos nenos á dos adultos. Tamén as manobras de RCP (Reanimación Cardio Pulmonar) básica varían se a vítima é un lactante, un neno ou un adulto.

Este curso está centrado en formar o profesorado dos nosos  centros escolares para que saiban actuar en situacións de emerxencia. 

Este curso ten consigo unha prarte práctica (14 de outubro) e outra teórica (18 de outubro) así como  6 horas presenciais e 2 horas non presenciais.

As prazas son limitadas, tendo prioridade o profesorado das especialidades e niveis aos que se dirixe prioritariamente o programa.

- .Datos importantes:

• Data:
  • 14 de outubro18:00-20:00 horas (parte teórica)
  • 18 de outubro de 16:00-20:00 horas (parte práctica)
• Código en  fprofe:  S2402001
• Relator: Fundación 061

Con esta actividade preténdese ofrecerlle ao profesorado un coñecemento inicial á vez que xeneral do deporte do bádminton, que permita un aproveitamento activo do tempo libre con actividades físicas e de lecer. A sinxeleza dos materiais necesarios para a práctica do bádminton e a adaptabilidade do terreo de xogo ás nosas necesidades, fan deste deporte con implementos un recurso perfecto para desenvolver nos novos alumnos e alumnas a motivación e o interese polos deportes e actividades físicas en xeral. Os obxectivos enmarcados neste curso foron pensados para dotar ao alumnado da técnica e táctica básicas necesarias para resolver con habilidade as situacións prácticas deste deporte. Por último, busca desenvolver nos nenos e nenas, actitudes favorables cara á práctica deportiva, coidando as accións encamiñadas á cooperación, xogo limpo, desinhibido, libre de carga esteriotipada, etc. ademais de dotar aos nosos aprendices de estratexias que permitan a expansión das actividades deportivas máis aló do contexto escolar.

Datos importantes:

• Data: 16 e 23 de outubro de 2024
• Horario: de 16:30 a 20:30h
• Código en  fprofe:  S2402006
• Relator: Jesús Pereiro Castro

O CAFI pon a disposición do profesorado galego unha serie de cursos de formación aberta na Plataforma de Teleformación Galega (PLATEGA) que polo seu contido, relacionado co manexo de ferramentas dixitais e as metodoloxías para o seu aproveitamento, poderán servir de axuda no desenvolvemento do traballo docente.

Estes cursos, que incluirán só a parte teórica, pretenden servir de guía e non poderán ser entendidos como actividades formativas certificables nin terán o habitual soporte de titorización co que contan os cursos Platega.

Como acceder?

1. Accede directamente á categoría de Formación aberta en Platega na seguinte ligazón

Introduce o teu usuario e contrasinal da conta edu.xunta.gal

Exemplo: coa conta usuarioplatega @ edu.xunta.gal sería

Usuario: usuarioplatega

Contrasinal: xxxxx

Ou, se xa estás en Platega, podes escribir na caixa de busca de cursos as palabras "formación aberta”

2. Escolle na listaxe o curso ao que queiras acceder e fai clic no seu título.

3. Fai clic en “Matricúlame”

Para calquera consulta en relación coa formación aberta podes escribir ao enderezo cafi.educaciondixital@edu.xunta.gal

Con esta actividades pretendemos daar a coñecer (e reflexionar sobre) os principais modelos didácticos que nos últimos anos teñen influído na ensinanza da filosofía a nivel internacional así como presentar análises comparativas sobre a actual situación do currículo de Filosofía na Ensinanza Secundaria dos países da UE e Latinoamérica; ofrecer un espazo de debate sobre a atención á dimensión didáctica nas Facultades de Filosofía, con especial atención á problemática introducida coa creación en España do Máster de Formación do Profesorado; promover a reflexión sobre a incidencia das Novas Tecnoloxías (TIC) e a Intelixencia Artificial (IA) na sociedade en xeral, e en particular a súa repercusión en relación co ensino da filosofía; presentar experiencias innovadoras relevantes de traballo na aula con contidos asociados coa disciplina filosófica, en todos os niveis educativos e salientar a importancia do ensino da Filosofía en tanto que constitúe un instrumento indispensable na formación dunha cidadanía crítica e autónoma, sen a cal dificilmente podemos falar dunha cidadanía democrática.

Datos importantes:

• Data: 14, 15 e 16 de novembro de 2024
• Horario: de 16:30 a 20:30h; de 16:00 a 20:00h e de 10:00 a 14:00h e de 16:00 a 19:00h
• Código en  fprofe:  G2402010
• Lugar: Salón de actos da Facultade de Filosofía da USC

Queres refrescar o teu inglés?

Xa tes coñecementos e queres melloralos?

Tanto se contas cun considerable coñecemento do inglés como se estás case a comezar, podemos axudarche a alcanzar o éxito profesional. A nosa oferta de formación permanente consiste en diveros cursos de distintos niveis a distintos horarios. 

Daquela interésanche estes cursos:

• S2401105 Formación para profesorado en inglés. Nivel B2
  • Horario: luns e xoves de 18:00 a 20:00 horas.
  • Data de comezo: luns, 30 de setembro.

• S2401104 Formación para profesorado en inglés. Nivel C1
  • Horario: luns e mércores de 16:30 a 18:30 horas.
  • Data de comezo: luns, 30 de setembro. 

• S2401106 Formación para profesorado en inglés. Nivel C2
  • Horario: luns e xoves de 16:30 a 18:30 horas.
  • Data de comezo: luns, 30 de setembro

Co esta xornada intención de axudar ao novo profesorado que se incorpora á Consellería de Educación, Ciencia, Universidades e Formación de Profesional. Con ela

• Facilitarase a integración do profesorado de nova incorporación á Consellería.
• Daremos a coñecer a estrutura e funcionamento desta.
• Axudaremos ao profesorado de nova incorporación a planificar e desenvolver a docencia.
• Presentaremos os recursos dispoñibles de apoio á docencia.

Datos importantes:

• Código en fprofe: G2402012
• Data: xoves, 5 de setembro de 2024.

Con esta xornada intención de axudar ao novo profesorado que se incorpora á Consellería de Educación, Ciencia, Universidades e Formación de Profesional. Con ela

• Facilitarase a integración do profesorado de nova incorporación á Consellería.
• Daremos a coñecer a estrutura e funcionamento desta.
• Axudaremos ao profesorado de nova incorporación a planificar e desenvolver a docencia.
• Presentaremos os recursos dispoñibles de apoio á docencia.

Datos importantes:

• Código en fprofe: G2402013
• Data: mércores, 4 de setembro de 2024.

Co esta xornada intención de axudar ao novo profesorado que se incorpora á Consellería de Educación, Ciencia, Universidades e Formación de Profesional. Con ela

1. Facilitarase a integración do profesorado de nova incorporación á Consellería.
2. Daremos a coñecer a estrutura e funcionamento desta.
3. Axudaremos ao profesorado de nova incorporación a planificar e desenvolver a docencia.
4. Presentaremos os recursos dispoñibles de apoio á docencia.