Competencias profesionais:

• Competencia inclusiva, social e cidadá - Convivencia, mediación e resolución de conflitos.
• Competencia en saúde, seguridade e benestar - Detección e xestión de situacións de risco.

Obxectivos: 

1. Seleccionar e aplicar de forma autónoma estratexias para unha convivencia positiva.
2. Promover activamente unha contorna escolar segura e exenta de violencias.
3. Crear estruturas colaborativas para a aplicación de medidas preventivas de situacións de risco.

Contidos: 

1. Normativa sobre inclusión, convivencia e igualdade.
2. Prevención de conflitos e actuacións na comunidade educativa.
3. Saúde mental e física.

Pódese consultar a información detallada en Fprofe: G2401030.

Resolución provisional de centros educativos públicos que desenvolven un novo plan de formación permanente do profesorado (PFPP) no curso 2024/25

Segundo os termos establecidos no apartado 14.1 referido á RESOLUCIÓN do 2 de xullo de 2024, da Dirección Xeral de Centros e Recursos Humanos, pola que se convoca a selección de novos plans de formación permanente do profesorado que se van implantar en centros educativos públicos dependentes desta consellería no curso 2024/25, a Comisión fará públicas as resolucións provisionais que se difundirán no portal educativo www.edu.xunta.gal/portal.

A partir da publicación desta resolución abrirase un prazo de cinco días hábiles para efectuar reclamacións ou renuncias. Transcorrido este prazo, unha vez estudadas e, de ser o caso, atendidas as mencionadas reclamacións e renuncias, a comisión seleccionadora elevaralle a proposta definitiva á persoa titular da dirección xeral, quen resolverá a relación final dos plans seleccionados. O procedemento para realizar reclamacións ou renuncias dirixirase á Consellería de Educación, Ciencia, Universidades e Formación Profesional, Dirección Xeral de Centros e Recursos Humanos e presentarase obrigatoriamente por medios electrónicos na Sede Electrónica da Xunta de Galicia (http://sede.xunta.gal) a través do formulario correspondente ao procedemento de presentación electrónico normalizado (código PRO04A), que se deberá identificar coa denominación “PFPP 24_25” xunto coa documentación correspondente. Para a presentación de solicitudes poderá empregarse calquera dos mecanismos de identificación e sinatura admitidos pola sede electrónica da Xunta de Galicia, incluído o sistema de usuario e clave Chave365 (https://sede.xunta.gal/tramitese-servizos/chave365).

Máis información: https://www.edu.xunta.gal/portal/node/44762

Estas xornadas están dedicadas a analizar a vida e obra do intelectual Xoán Vicente Viqueira, no ano do centenario do seu falecemento (1924). A través de varias conferencias e mesas redondas vanse abeirar os eidos nos que foron relevantes as achegas de Viqueira: Filosofía, Galeguismo, Pedagoxía, Poesía, Psicoloxía, Tradución...

As exposicións estarán a cargo dun grupo de docentes, investigadores e especialistas relacionados con distintos aspectos da personalidade e contribucións deste autor, ofrecendo unha panorámica dos aspectos específicos, seguidas dun coloquio co público asistente. No remate tamén se presentará un libro sobre Xoán Vicente Viqueira, da autoría do profesor Ramón López Vázquez.

O ciclo é aberto á asistencia libre, mais tamén vai dirixido dun modo especial ó profesorado interesado nesta conmemoración, e esencialmente a quen imparta contidos de Lingua e Literatura Galegas, Filosofía, Pedagoxía, Psicoloxía... en Primaria, na ESO, no Bacharelato ou no ensino universitario. Agárdase que se ofrezan datos, reflexión e diálogo sobre todo o que teña que ver coa figura de Xoán Vicente Viqueira, tamén en relación coas Irmandades da Fala e co movemento galeguista do primeiro terzo do século XX. Para o profesorado haberá un certificado de asistencia de  12 horas (CAFI).

Son un total de seis conferencias e dúas mesas redondas. Nelas trataranse os temas anunciados no Programa destas Xornadas Olladas no Pasado, 2024.

As mesas redondas vanse centrar en dúas temáticas: 1) personalidade, documentación, edicións 2) poesía, traducións.

A monografía que se vai presentar sobre X. V. Viqueira é unha edición centrada en todo o relativo á súa vida, obra e significado.

O conxunto dos relatores participantes aparecen no Programa detallado desta actividade. Esta  terceira edición das Xornadas Olladas no Pasado vai ter lugar na tarde do venres, 22 e mais na xornada do sábado, 23 de novembro, segundo o horario indicado no Programa, no salón de actos do Pazo de San Roque (Santiago de Compostela), cun total de 12 horas de actividade.

Programa:

Programa de formación “Observa_Acción: desenvolvemento competencial desde a observación e o intercambio entre iguais”, durante os cursos escolares 2024/25 e 2025/26, que se levará a cabo a nivel autonómico, nacional e internacional.

Normativa reguladora: RESOLUCIÓN do 11 de outubro de 2024, da Dirección Xeral de Centros e Recursos Humanos, pola que se convoca a participación no programa de formación “Observa_Acción: desenvolvemento competencial desde a observación e o intercambio entre iguais”, durante os cursos escolares 2024/25 e 2025/26, que se levará a cabo a nivel autonómico, nacional e internacional.

• Persoas destinatarias: Persoal docente de centros públicos non universitarios de titularidade da Consellería de Educación, Ciencia, Universidades e Formación Profesional.

• O prazo de presentación de solicitudes e da documentación será dende o día seguinte á publicación da presente resolución no portal educativo e ata o día 31 de outubro de 2024, incluído.

Data de celebración: sábado 16 de novembro

Lugar de celebración: Palacio de Congresos de Santiago de Compostela

Horario: 9:00 -  20:00h

Horas: 8 horas

A celebración da Xornada: Historia, usos e aprendizaxe da lingua escrita xustificase pola necesidade de crear un espazo onde profundizar no proceso de ensino-aprendizaxe da lectura e a escritura dende un enfoque proposto por Myriam Nemirovsky, baseado nas investigacións de Emilia Ferreiro sobre o modo no que as nenas e nenos aprópianse do sistema de escritura

Obxectivo:

Difundir boas prácticas ao redor do ensino e a aprendizaxe inicial da linguaxe escrita, desde un enfoque significativo e funcional, intercambiando experiencias ao redor deste enfoque metodolóxico

Inscrición en fprofe:  G2402024

Programa provisional

Cada 5 de outubro, celebramos o Día Mundial do Docente, unha data establecida pola UNESCO en 1994.

 ‘É a suprema arte do docente espertar a curiosidade na expresión creativa e coñecemento’

                                                                                       Albert Einstein

Felicidades a todos os docentes no seu día!

Con motivo da celebración do 25 de novembro, Día Internacional contra a Violencia de Xénero, a Dirección Xeral de Loita contra a Violencia de Xénero e a Dirección Xeral de Ordenación e Innovación Educativa convocan un Concurso de imaxes gráficas e pezas audiovisuais.

O obxecto do concurso é a realización de traballos, consistentes en imaxes gráficas e pezas audiovisuais, coa finalidade de promover a reflexión sobre a loita contra a violencia de xénero dentro dos centros educativos de Galicia, a través dunha acción que fomente a participación cidadá no rexeitamento público e frontal contra a violencia de xénero e sensibilizar sobre a importancia de valores como o respecto e a igualdade entre mulleres e homes.

Prepara un proxecto, preséntanolo a Aula Nova e ven aproveitar todo o material que temos ao teu dispor!

Máis información en: https://www.edu.xunta.gal/portal/node/44563

Para conmemorar o Día Europeo das Linguas e celebrar a diversidade lingüística e multicultural, o CAFI, neste primeiro trimestre vai desenvolver un amplo abano de actividades vinculadas tanto ás linguas cooficiais coma ás linguas estranxeiras:

G2403002 - Formación para a solicitude de proxectos plurianuais de centros escolares no Programa Erasmus+

S2401023 - Comunicación eficaz docente

S2401068 - Lingua de signos. Curso básico

S2401104 - Formación para profesorado en inglés. Nivel C1

S2401105 - Formación para profesorado en inglés. Nivel B2

S2401106 - Formación para profesorado en inglés. Nivel C2

S2403002 - Actualización en didácticas das linguas estranxeiras

Animamoste a que lle deas unha ollada, seguro que has atopar algo interesante.

Convocatoria do curso de formación para o desenvolvemento da función directiva no ano 2024:

• Resolución do 25 de setembro de 2024

• Anexo II da convocatoria

• Fprofe: G2401111 - Formación para desenvolver a función directiva

  • Aberta a inscrición do 26 de setembro ao 9 de outubro, ambos inclusive. 

Resolución do 16 de xullo de 2024 da Dirección Xeral de Ordenación e Innovación Educativa pola que se convoca a participación no proxecto de Biblioteca Creativa, no contexto do Plan LÍA de Bibliotecas Escolares (Lectura, Información e Aprendizaxe) para apoiar a cultura da experimentación, a creación e a investigación, en espazos creativos e cooperativos no seo das bibliotecas escolares dos centros públicos de titularidade da Consellería de Educación, Ciencia, Universidades e Formación Profesional, que acollan ensinanzas de educación infantil e primaria, integrados no Plan de mellora de bibliotecas escolares, para curso 2024/25.