Poderán presentar solicitudes aqueles centros docentes públicos de ensino non universitario que impartan ensinanzas de educación secundaria obrigatoria ou bacharelato.

Cada centro presentará ata un máximo de 6 equipos. Os equipos estarán configurados por un mínimo de 3 alumnos/as e un máximo de 6; deberán pertencer ao mesmo nivel educativo e estarán titorizados por un docente que pode ser o mesmo para todos os equipos. Procurarase que exista paridade de xénero na elección do alumnado participante.

Cada equipo presentará un proxecto STEM elaborado enteiramente polo alumnado coa dotación que a Consellería de Cultura, Educación e Ordenación Universitaria realizou aos centros públicos de ensino non universitario no curso 2016/17, segundo as seguintes características:

• Equipamento de robótica educativa
• Placas de Comunicación  e Programación
• Equipo de Impresión 3D

Categorías de participación

• Categoría STEM junior (iniciación), para proxectos sinxelos realizados por alumnado de iniciación. Aconsellado para 1º, 2º, 3º da ESO, FP Básica ou PMAR.
• Categoría STEM senior (afondamento), para proxectos máis complexos. Aconsellado para alumnado de 4º ESO e 1º bacharelato.

E ademais, en cada categoría, cada proxecto poderá presentarse aos seguintes “Desafíos”:

• Desafío Robots: proxecto no que nun escenario un ou varios robots realizan determinadas accións ou tarefas encamiñadas a dar solución a unha situación que teña aplicación na realidade da vida diaria, da industria etc.
• Desafío Programación: proxecto tecnolóxico que de solución a unha necesidade concreta onde se utilicen linguaxes de programación tipo Scratch .
• Desafío Impresión 3D: proxecto tecnolóxico onde se utilice unha impresora 3D para o deseño e construción de todas ou parte das pezas da maqueta que represente ao proxecto.

Cada proxecto debe presentarse a unha única categoría e un, varios ou todos os desafíos que se propoñen.

Premios:

Haberá 6 premios, un por cada desafío e categoría de 2.000 euros cada un para o centro docente do equipo gañador.  Cada centro poderá recibir un só premio.

O alumnado dos equipos gañadores recibirá un premio ou unha distinción e poderán participar nun evento onde amosen os seus traballos.

O docente titor de cada equipo gañador recibirá da consellería unha certificación como 1º premio de innovación educativa cunha equivalencia de 20 horas de formación permanente do profesorado.

• O prazo para presentar proxectos será antes do 21 de abril de 2017.

• Amplíase o prazo para presentar proxectos ata o 31 de maio de 2017.

Máis información detallada da documentación a presentar para participar, no arquivo anexo da convocatoria.

Resolución do 13 de marzo de 2017

Anexo da solicitude (odt)

Anexo da solicitude (doc)

Introdución ao manexo do kit de Arduino e Raspberry Pi

Competencias profesionais:

       Competente en TIC - Dispositivos.

       Educador/a guía no proceso ensino-aprendizaxe - Didácticas específicas, metodoloxías, TAC e Afín.

Forma de participación: Mixta

Modalidade: Xornadas

Referencia: C1602021
Centro de formación e recursos: A Coruña
Temporalización:  09/02/2017  -  02/03/2017
Data límite de inscrición: 01/02/2017
Lugar: Baio
Prazas:  30

Horas totais: 12

Relator: Fernández Cueto, Florentino Blas.

Asesor responsable da actividade:  LADO GARCÍA, PEDRO

Enderezo Electrónico:  cfr.coruna.tic3@edu.xunta.es

Informámosvos que o vindeiro xoves 2 de febreiro ás 18:30 no auditorio do centro Ágora (Lugar da Gramela, 17). celebraremos unha nova sesión do ciclo: "A creación literaria e os seus autores: Encontros con escritores" na que contaremos coa presenza do escritor e guionista mexicano Guillermo Arriaga quen nos visitará para falar da súa nova novela, EL salvaje (Alfaguara, 2017) e comentará o seu traballo de novelista e cineasta.

Guillermo Arriaga (Cidade de México, 1958) escritor, produtor e director cinematográfico mexicano. Publicou as novelas Escuadrón Guillotina (1991), Un dulce olor a muerte (1994), El búfalo de la noche (1999) e a colección de contos Retorno 201.

A súa obra foi traducida a numerosos idiomas. É o guionista de películas tan coñecidas e premiadas como Amores perros, 21 gramos e Babel, que forman unha trilo´xía que apostou pola narrativa no lineal e que reflexiona sobre o peso da vida por encima da morte. É autor tamén de Os tres enterros de Melquiades Estrada. No 2008 presentou a súa ópera prima como director: The Burning Plain. Recentemente produciu e coescribiu a historia titulada Desde allá, primeira película iberoamericana en gañar o León de Ouro no Festival de Cine de Venecia. De recente publicación é a súa novela El salvaje (Alfaguara, 2017) unha historia de vinganza onde convive unha entrañable historia de amor que impide que a protagonista se deslice cara a súa destrución.

No salón de actos do Centro Asociado a UNED acollerá o vindeiro 26 de xaneiro a partires das 18:30 horas, unha nova sesión do ciclo: "A creación literaria e os  seus autores: Encontros con escritores", o autor invitado nesta ocasión será Óscar Esquivias. 

Podes acceder á aula virtual do proxecto facendo clic na seguinte ligazón: All Aboard

Boletín de publicacións do CFR da Coruña de decembro 2016.