Skip to Content

Comités de Igualdade (CMN)

PREMIOS ERNESTINA OTERO

Dom, 03/20/2022 - 09:43 — diazcandan

PREMIO ERNESTINA OTERO AO FOMENTO DA IGUALDADE NOS CENTROS EDUCATIVOS

O venres 4 de marzo acudimos á recollida do segundo premio do concurso intercentros Ernestina Otero que premia traballos realizados que fomentasen a igualdade dende a acción de visibilización das mulleres e coeducativas.

O proxecto presentado polo noso centro e desenvolvido no curso anterior,  Entre Donas ás beiras do Lérez, foi recoñecido cun segundo galardón na categoría de educación secundaria. Os demais gañadores foron o IES Luís Seoane, primeiro premio na mesma categoría ca nós, e o CEIP San Martiño, na categoría de educación infantil e primaria.

Por se tedes curiosidade e queredes lembrar traballos e aquelas iniciativas nas que traballastes, non deixedes de visitar no noso curso virtual aberto ENTRE DONAS.  Aquí atoparedes numerosos recursos e actividades que fomentan a coeducación dende un punto de vista feminista. 

 

 

ACTIVIDADES 8M MURAL COLABORATIVO MULLERS

Lun, 03/07/2022 - 11:39 — diazcandan

CRÓNICA DO NOSO 8M

Dende o CI estamos satisfeitos coa boa acollida das actividades propostas. Como veredes, incluso se fixeron actuacións que non estaban previstas:

  • Mural multilingüe de mulleres. De xeito colaborativo, foron moitos os compañeiros que realizaron esta tarefas cos seus alumnos e alumnas dende diferentes materias. Tratábase de visibilizar a unha muller seleccionando unha de tres liñas temáticas: personaxe histórico ou actual, muller invisibilizada na historia ou familia. Recibimos unha morea de traballos, tantos, que tivemos que ampliar de dous a tres paneis. Pero o mellor deste proxecto, é, sen dúbida, ver como o alumnado vai busca o seu propio collage e o diálogo que se establece explicando as escollas. Abaixo tedes o modelo de marcos que utilizamos

  • Traballos sobre o sufraxio feminino ao longo da historia e na actualidade, xa que como sabedes, hai países nos que as mulleres aínda non poden votar. Aínda que non estaba prevista, esta iniciativa do departamento de historia fainos reflexionar e lémbranos que aínda hai moito camiño que recorrer no ámbito da igualdade.

 

                 

  • Exposición en coaboración coa biblioteca e os clubs de lectura de obras feministas e coeducativas.

 

 

  • Exposición do CIM Namórate de ti e recitado. O Centro de Información á Muller de Pontevedra desenvolveu, no primeiro trimestre, un obradoiro de fotografía entre as súas usuarias que tivo como resultado esta fabulosa exposición. A exposición vén complementada con poemas das ususarias que aproveitamos para facer un pequeno recitado con alumnos e alumnas do Comité de Igualdade. A exposición vai estar no centro todo este mes.

  • Pouco a pouco, iremos colgando a reportaxe gráfica. Graciñas por todo, sen a vosa colaboración, non sería posíbel.

ACTIVIDADES 8M AS MULLERES QUE HAI EN MIN

Lun, 03/07/2022 - 11:32 — diazcandan

As mullleres que hai en min e en…… Tick Tock!!!
Todos e todas temos no maxín diferentes mulleres que nos influíron positivamente ao longo
da nosa vida. Deste xeito, e dende o Comité de Igualdade, convidámosvos a homenaxealas
con pequenos audiovisuais que se colgarían na nosa próxima canle de TIck Tock
Que hai que facer? Audiovisuais
- Vídeos breves, máximo 1 minuto, nos que deades conta de quen é ou quen son esas
mulleres que vos influíron.
Como os desenvolvemos? Formato para Tick Tock
- En canto ao formato, o audiovisual que fagades debe comezar coa seguinte
presentación: “ O meu nome é.......................................... , son alumno/profesor.... do
IES Sánchez e quérovos falar da muller/ou mulleres que forman parte de min...”, e a
continuación debedes explicar quen é esa muller e por que ten un lugar especial na
vosa vida.
Cal é o sentido? A onde irán estes vídeos?
- A finalidade é crear materiais orixinais para a nosa nova canle de tick tock que poidan
axudar a visibilizar figuras femininas.
Como tes que achegar os teus traballos?
- En formato audiovisual á seguinte conta de correo comitedeigualdadeisc@gmail.com

SAN VALENTÍN, NON NOS VEÑAS CON LERIAS!

Xov, 02/24/2022 - 12:51 — diazcandan

Este curso quixemos darlle a volta a San Valentín, data que nos fala de relacións afectivas aínda que como ben sabedes,  o machismo e a concepción patriarcal do amor fan que en moitas parellas se asuman roles e actitudes nocivas.

Para poñer de manifesto todos estes prexuízos e o alumnado do Comité de Iguladade elaborou unha cartelería anunciadora que  rompe tópicos e redeseña esta data dende a diversidad e o equilibrio.

Adxuntamos fotos dos traballos.

 

 35 Señales de una relación tóxica - Foro de PsicólogosConjunto de familias y parejas que viajan. diferentes personas de moda con equipaje, niños. colección de vectores coloridos en estilo de dibujos animados. | Vector Premium

 

Conferencia de María Loureiro (investigadora honorífica da UVigo) sobre o cambio climático e consumo responsable

Mér, 02/02/2022 - 12:48 — diazcandan

Como sabedes, onte tivemos unha charla que se insire no marco das actividades programadas para celebrar o día da  Nena na Ciencia (11 de febreiro), organizada polo Club de Ciencia e o Comite de Iguladade. A conferencia titulouse  "Cambio Climático e consumo responsábel" e estivo a cargo de María Loureiro, investigadora honorífica da UVigo, alén de directora CIENTÍFICA dO GRUPO ECOBAS (Economics and Business Administration for Society). 

María falounos do proxecto ECOBAS e da intrínseca relación entre o consumo e o clima, ou mellor dito, como o noso consumo responsábel podería influir positivamente no cambio climático. Alén disto, tamén incidiu nas dificultades das investigadoras para acceder a postos elevados ou da complexidade na conciliación familiar a tan alto nivel académico.

Foi un pracer tela connosco e temos pendente unha visita ao centro de investigación que están creando.

          

                

 

Proxectos feministas que desenvolvemos e nos que participamos

Sáb, 01/08/2022 - 15:35 — diazcandan

Temos en marcha tres proxectos feministas que pretenden visibilizar, recuperar e reivindicar distintas mulleres que non teñen o status que deberían a nivel histórico, ou pofesional.

Mirando cara un pasado non tan afastado reivindicamos a aquelas figuras femininas no proxecto de 4ESO, NA SÚA MEMORIA, NOSA MEMORIA.  Josefina Arruti, A Calesa, Vurxinia Pereira, Ernestina Otero, entre outros, son nomes que non debemos esquecer,  mulleres que recuperamos para poñer en valor a súa loita xa que o fascismo as quixo soterrar no esquecemento.

Un ano máis, a profe Antía de Bioloxía vai desenvolver nos primeiros cursos da ESO o proxecto MULLERES CIENTÍFICAS. Este curso centrado en astrónomas e poderedes ver o resulado o 11 de febreiro, Día da Muller na Ciencia.

Tamén os CLUBS DE LECTURA que coordina a profe Anxos colaboran connosco fomentando a igualdade mediante lecturas que conciencian tanto nos grupos xerais como no club específico de Igualdade coordinado por María Buceta. Obras de María Reimóndez, Antía Yáñez, Rosalía Fernández Rial ou Susana Aríns atópanse entre as nosas propostas.

 

Obradoiro de identidade de xénero con Nee Barros

Sáb, 01/08/2022 - 14:59 — diazcandan

No mes de novembro, o alumnado de 4ESO tivo un encontro con Nee Barros, autor de Identidade, obra que trata sobre o proceso de toma de consciencia da sexualidade dende a diversidade.

25N Somos o berro das que non teñen voz

Sáb, 01/08/2022 - 14:34 — diazcandan

O machismo estrutural mata e no que vai de ano morreron 43 mulleres.

Os mozos e mozas do CI quixeron reivindicar as vidas arrebatadas das mulleres asasinadas este ano. Para iso, levaron a cabo unha performance na entrada do instituto que non deixou indiferente a ninguén: negro, deitados no chan coma cadáveres mus mentres tres compañeiros recitaban os Haikus contra a viokencia de xénero. 

#2Pilgrims# RedRum Teatro

Ven, 01/07/2022 - 12:25 — diazcandan

Este trimestre comezamos de xeito tímido pero con moita ansia.  Fomos en novembro ao teatro a ver #2Pilgrins# de RedRum Teatro. A obra estivo xenial e o noso alumnado comportouse dun xeito exemplar. Reflexións sobre o machismo estrutural, sobre as novas masculinidades, sobre o xeito de relacionarnos  puxéronse sobre a mesa non só en escea, tamén no coloquio posterior cos acores Sheyla Fariña e Guillermo Carbajo.

 

Historia e traxectoria

Ven, 01/07/2022 - 11:48 — diazcandan

Como ben sabedes, a andaina do CI xa comezou no curso 2017-18 baixo a denominación  Consello da Muller Nova. Esta iniciativa nacía vencellada ao Centro de Información da Muller, organismo da Concellería de Igualdade que coordinaba e favorecía actuacións nos IES da cidade, e que continúa desenvolvendo e promovendo todo tipo de actividades. 

Unha das primeiras decisións que tomamos no CI neste curso, foi a do cambio de denominación, xa que a nova proposta aglutinaba mellor o noso ideario baseado en catro piares: feminismo, diversidade sexual, inclusión e normalización dende unha óptica de tolerancia e respecto.

Traxectoria cursos anteriores: https://www.edu.xunta.gal/centros/iessanchezcanton/aulavirtual/course/vi...

 

Distribuir contido


by Dr. Radut