Skip to Content

Lingua galega e literatura

Profesorado do departamento

Mar, 08/17/2021 - 16:56 — Anónimo

Durante o curso 2023/2024 o departamento está composto polo 

seguinte profesorado:

Díaz Candán, Concepción

Díaz Muñiz, Salomé (Xefa de departamento)

Fernández Pazo, Noa

Gómez Piñeiro, María

Pesado Rodríguez, Pablo

Rial Vidal, Mª Ángeles

Vieites Rey, Mª Rocío

 

Ponte nas Ondas: Día Mundial da Radio

Ven, 03/08/2024 - 12:53 — veromar

O EDLG do IES Sánchez Cantón participou o pasado 13 de febreiro na celebración do día mundial do teatro cun programa piloto sobre a figura de  Xosé Silvent e a súa personaxe principal, Barriga Verde. Na elaboración do programa participaron os alumnos e alumnas da materia de Oratoria de 3ºESO.

 

Pica sobre a seguinte ligazón para escoitar un dos audios do programa

 

ROTEIROS MEMORIA DE ELEFANTA

Dom, 11/19/2023 - 15:35 — diazcandan

Roteiro con "Memoria de Elefanta"

O alumnado de 4º ESO A e 4º ESO D realizou un roteiro sobre memoria histórica dentro do programa “Memoria de Elefanta” do concello de Pontevedra.

Foi un percorrido polos espazos de Pontevedra que sufriron a represión franquista tras o golpe militar de 1936, co obxectivo de que as novas xeracións non den ao esquecemento a memoria das víctimas que sufriron a ditadura por defender a II República.

 https://www.diariodepontevedra.es/articulo/pontevedra/alumnado-sanchez-canton-descubre-pontevedra-represaliada/202311171608311279716.html

 Pica no álbum para ver as fotos

Álbum: Actividades -> Roteiro memoria histórica

ENREGUÉIFATE!!

Dom, 11/19/2023 - 15:33 — diazcandan

Enreguéifate

O alumnado de 2º ESO está a recibir, ao longo destes días, uns obradoiros sobre regueifas impartidos por dous dos máis grandes neste campo na actualidade: Lupe Blanco e Josinho da Teixeira.

Polo interese e a participación que amosa o alumnado nas fotos parece que o obradoiro foi do seu agrado.

Pica na foto para ver o álbum

Álbum: Actividades -> Obradoiro de regueifas con 2º ESO

MONÓLOGOS DO MÁIS ALÁ EN CAMPOLONGO

Dom, 11/19/2023 - 15:31 — diazcandan

Monólogos do Máis Alá

O alumnado de Oratoria de 3º ESO visitou o CEIP Campolongo  este martes 7 de novembro, colexio ao que moitos se sinten vinculados pois foron alumnos e alumnas anos atrás e do que gardan moitos recordos.

A visita realizouse para representar os "Monólogos do máis alá"ante o alumnado de 6º de Primaria. Estes monólogos están baseados nos contos da obra de Emma Pedreira titulada "A parte dos Anxos". As historias terroríficas que relatou o alumnado de Oratoria, dirixido polas suás profesoras Salomé Díaz e Conchi Díaz, parece que gustaron e asustaron aos máis pequenos, que atenderon con todos os seus sentidos alerta... polo que puidera pasar.

Pica na foto para ver o álbum

Álbum: Actividades -> Monólogos do máis alá
 

A NOSA MEMORIA É DIVERSA

Dom, 11/19/2023 - 15:29 — diazcandan

Charla de Daniela Fernández sobre activismo LGTBI

Hoxe tivemos connosco a Daniela Fernández, Doutora en Historia e investigadora no ámbito LGTBI, para falarnos de disidencia sexual en Galicia.

Esta actividade, que se desenvolve en dúas quendas (6 e 13 de novembro) para o alumnado de 4ESO, enmárcase dentro Programa Pinto e Maragota do Concello de Pontevedra.

Pica na foto para ver o álbum

Álbum: Actividades -> Charla activismo LGTBI

QUE NON TE LÍEN! TI ELIXES

Dom, 11/19/2023 - 15:27 — diazcandan

"Que non te líen, ti elixes"

O pasado venres 3 de novembro, o alumnado de 3º ESO recibiu a visita da secretaria xeral de Fearmaga (Federación Empresarial de Aserradores e Rematantes de Madeiras de Galicia), Ana Mª Oróns Mata e de Antía Ares Carril, enxeñeira forestal con especialidade en explotacións forestais, ademais de técnica en xestión forestal e do medio natural.

Estas dúas mulleres con postos de responsabilidade en Fearmega,  ofreceron unha charla no paraninfo solicitada a "Que non te líen, ti elixes", campaña promovida pola Dirección Xeral de Relacións Laborais da Consellería de Promoción do Emprego e Igualdade. 

O obxectivo desta charla, proporcionada por mulleres referentes no sector empresarial, é favorecer a orientación vocacional, libre de estereotipos, na elección de itinerarios formativos onde a presenza de mulleres é menor.

      

O GATIPEDRO EN CAMPOLONGO

Dom, 11/19/2023 - 15:25 — diazcandan

Representación de "O Gatipedro" no CEIP Campolongo

 
Este curso tivemos a oportunidade de participar no Samaín do CEP Campolongo cunha obra de teatro titulada O Gatipedro, baseada na personaxe mítica cunqueiriana.

Representárona o 31 de outubro, dez alumnos e alumnas de 4ºESO que colaboran nas actividades do EDLG e do CI. Tomaron como punto de partida o texto narrativo O Gatipedro de Jacobo Paz e adaptárono teatralmente incluíndo novas personaxes, escenarios e aventuras.

Foi unha experiencia fantástica, non só pola acollida do alumnado e profesorado do CEIP Campolongo, senón tamén porque moitos dos intérpretes volveron ao seu cole e reencontráronse cos seus profes. 

Pica na foto para ver o álbum

Álbum: Actividades -> O Gatipedro en Campolongo

O GATIPEDRO EN CAMPOLONGO

Dom, 11/19/2023 - 15:24 — diazcandan

Representación de "O Gatipedro" no CEIP Campolongo

 
Este curso tivemos a oportunidade de participar no Samaín do CEP Campolongo cunha obra de teatro titulada O Gatipedro, baseada na personaxe mítica cunqueiriana.

Representárona o 31 de outubro, dez alumnos e alumnas de 4ºESO que colaboran nas actividades do EDLG e do CI. Tomaron como punto de partida o texto narrativo O Gatipedro de Jacobo Paz e adaptárono teatralmente incluíndo novas personaxes, escenarios e aventuras.

Foi unha experiencia fantástica, non só pola acollida do alumnado e profesorado do CEIP Campolongo, senón tamén porque moitos dos intérpretes volveron ao seu cole e reencontráronse cos seus profes. 

Pica na foto para ver o álbum

Álbum: Actividades -> O Gatipedro en Campolongo

CONTACONTOS DE TERROR EN CAMPOLONGO

Dom, 11/19/2023 - 15:22 — diazcandan

Lectura e representación de contos de terror en Campolongo

 
A mañá do luns 30 de outubro, o alumnado do club de lectura de 1º de ESO e o alumnado de 1º ESO B participamos na inauguración da biblioteca do IES Campolongo (centro adscrito ao noso IES) cunha sesión de contacontos de medo realizada pola nosa rapazada e dirixida ao alumnado de 4º de primaria.

Unha pequena versión de Un ollo de vidro de Castelao e unha lenda xaponesa sobre os Gunnis constituíron a parte central da nosa posta en escea, ademais de pequenos relatos e microrrelatos que foron o deleite dun marabilloso público nun espazo terrorífico maxistralmente ambientado.

Tralos nervios iniciais, o noso alumnado non decepcionou ao auditorio. Eles e elas mesmos desfrutaron de poder compartir historias cos mociños e mociñas de 4º na súa antiga escola.

Apertas e abrazos, sorrisos e emotivos saúdos ao seu anterior profesorado completaron a sesión.

Pica na foto para ver o álbum

Álbum: Actividades -> Lectura de contos de terror en Campolongo
Distribuir contido


by Dr. Radut