Todo o profesorado, alumnado e persoal non docente do centro lamenta a perda do escritor, académico e Doutor Honoris Causa, Xosé Neira Vilas, acontecida o 27 de novembro pasado. Entre o 9 e o 16 de novembro, o alumando de 3º da ESO homenaxea o seu nome cunha serie de lecturas sobre a súa obra.
Entre os días 4 a 6 de novembro a biblioteca do centro desenvolveu a primeira sesión da actividade Lecturas na Biblioteca, planificada para todo o longo do curso. Nesta ocasión o alumnado de 2º da ESO realizou unhas lecturas de contos, con temática de medo, escolmados en galego e castelán.
Para celebrar o Día da tradución, desde o 28 de setembro ao 2 de outubro, expuxemos no vestíbulo do centro carteis alusivos á tradución e unha selección dos libros traducidos da nosa biblioteca. Asemade, incluímos uns traballos de traducións dos principais tópicos literarios realizados polo alumnado de 1º Bacharelato matriculado na materia de Literatura Universal.
Preme na seguinte ligazón para acceder a información sobre os servizos e normas da nosa biblioteca.
Como xa se anunciara, o día 18 de xuño celebrouse na Biblioteca a Gran final da Xincana deste curso. Participaron os gañadores das súas respectivas clases de 1º de ESO e despois de superaren -non sen certas dificultades nalgúns momentos- as DEZ probas que se lles propuxeron, nesta ocasión o vencedor foi o equipo de 1º ESO-C.
Parabéns!
V XINCANA NA BIBLIOTECA
Os días 3 e 4 de xuño desenvolvemos cos tres grupos de 1º da ESO a xa tradicional Xincana na Biblioteca, durante a cal os rapaces teñen que salvar obstáculos e vencer dificultades de tipo lingüístico ou literario, sobre todo, facer busca de datos, resolver algún xogo... coa axuda dos elementos de que unha biblioteca pode dispoñer: dicionarios, libros de lectura, revistas, ordenadores...
Para celebrar o 17 de maio, Día das Letras Galegas, desde a biblioteca preparamos un enigma sobre o insigne Xosé Fernando Filgueira Valverde (Pontevedra, 1906 – 1996) para que o alumnado de 3º da ESO o resolvese, consultando ou ben na exposición do vestíbulo, dedicada a el, ou ben a través da rede nos ordenadores da biblioteca e puidese así informarse algo sobre o persoeiro homenaxeado este ano 2015.
As matemáticas posúen non só a verdade, senón certa beleza suprema. Unha beleza fría e austera, como a dunha escultura. Bertrand Russell
No ano 2000, declarado pola UNESCO Ano Mundial das Matemáticas, instituíuse a celebración do día 12 de maio como Día Escolar das Matemáticas pola Federación Española de Sociedades de Profesores/as de Matemáticas (FESPM). A iniciativa xurdiu de Luis Balbuena, da Sociedad Canaria de Matemáticas Isaac Newton. Esta data foi elixida na honra do insigne Pedro Puig Adam, nado o 12 de maio de 1900, quen foi o iniciador da didáctica das Matemáticas en España, sendo internacionalmente recoñecido no ensino desta materia. Con el comezou a renovación do ensino das Matemáticas no noso país, na década dos cincuenta.
O mércores 25 de marzo alumnado de 3º e 4º da ESO participou no salón de actos na lectura dalgúns dos poemas expostos no vestíbulo para celebrar o Día Mundial da Poesía, que festexamos este curso atendendo ó lema das bibliotecas escolares: "Biblioteca escolar... matemático".