Blogues

O  15 de xaneiro celebrouse no CIS de Ferrol este evento. O profesorado do noso centro que participa no Erasmus+ KA201 Robot  Dance(Teresa, Mar e Iván, aos que máis tarde se sumou a directora), amosaron os proxectos de robótica feitos nas súas clases co seu alumnado, especialmente o que acordou o profesorado dos tres países participantes (España, Gales e Finlandia) cando comezaron a traballar neste Erasmus (curso 2017-2018), que é programar os robots Lego EV3 para que, entre outros retos, bailen unha melodía.

De primaria, mostraron e programaron robots mBot e Bee-Bot.

De secundaria, mostraron e programaron os cinco robots Kakuribots feitos polo alumnado en 4º E.S.O. e, tamén, robots Lego Mindstorms EV3.

 A mesa do noso proxecto Erasmus Robot Dance.

Profesorado dos centros de Gales, Finlandia e de España (C.P.I. de San Sadurniño, C.P.I. A Xunqueira de Fene e I.E.S. Sofía Casanova de Ferrol).

O 16 de xaneiro o profesorado extranxeiro que participa neste Erasmus visitou o noso colexio para ver o traballo relacionado coa robótica que se levou a cabo no noso centro. Máis información neste enlace.

    Na mesa pódense ver os cinco robots Kakuribots construídos polo alumnado de 4º en clase de tecnoloxía, cos compoñentes electrónicos soldados nunha placa de circuito impreso e programados con Arduino, e cun módulo Bluetooth para que se poida controlar o movemento do robot mediante unha app descargada nunha tablet ou teléfono móbil.

LIGAZÓN AO VÍDEO

Levamos un xogo que creamos para mover o robot por un taboleiro, de xeito que pare xusto na caixa onde se atopa a imaxe da muller científica ou inventora sobre as que se está a preguntar no xogo.

E robots Lego Mindstorms EV3 construídos e programados polo alumnado de 4º na clase de tecnoloxía, na foto móstrase o que ten forma humana e o programa para dirixilo con control remoto mediante unha baliza emisora de infravermellos que detecta o sensor infravermello.

LIGAZÓN AO VíDEO

 vídeo do robot no evento con outro programa

  E finalmente, unha imaxe da proposta de reto para solventar co mBot: programalo para conseguir converterse nun Jedi (ao aproximar a man, o robot ten que retroceder):

 O pasado xoves 28 de novembro o alumnado de 3º e 4º E.S.O., que cursa a materia de tecnoloxía, participou neste concurso organizado por Igaciencia en colaboración co concello de A Coruña, e que se realizou no I.E.S. Ramón Menéndez Pidal. Propuxéronselles varios retos de programación co software Lego Mindstorms EV3 e compartiron robot cada grupo de 4 ou 5 alumnos/as realizando un traballo colaborativo para poder resolver os desafíos con creatividade e pensamento algorítmico. Algunhas imaxes do día, son:

O mércores 23 de xaneiro o alumnado de 3º a 6º de Primaria asistiu na Casa da Cultura, á Conferencia “De Profesión…¡Árbitro! Y a ti… ¿Te apetece?” que tivo lugar dentro do marco do proxecto “Disfruta do teu Patio” que se está a desenvolver no centro. Visitounos o árbitro de fútbol Ignacio Iglesias Villanueva que na actualidade leva a cabo a súa actividade na Primeira División de Fútbol. Moitos nenos e nenas xa o coñecían pois é un habitual colaborador no proxecto LÓVA desde que este botara a andar no noso centro no ano 2013.

Os temas a tratar foron diversos e moi interesantes xa que se falaron dos valores que deben estar presentes na arbitraxe e en todas as facetas da vida: respecto, empatía, gratitude, paciencia, esforzo… e se afondou na parte máis descoñecida desta profesión.

Tanto o alumnado como o profesorado quedamos moi agradecidos pola visita xa que disfrutamos moito e aprendemos cousas que serán de moito proveito.  

Domingo 27 de maio ás 11:10

Consulta os equipos participantes

  E Q U I P O S         RESULTADOS        F O T O S        VIDEOS  

Información xeral da carreira

Normativa da carreira

Imaxes das quedadas previas

Quedada do 29 de abril

Quedada domingo 6 de maio

Quedada domingo 13 de maio

Quedada xoves 17 de maio

Quedada domingo 20 de maio

O noso centro participa nun proxecto europeo Erasmus+ na modalidade K201 relacionado coa robótica xunto cos centros CPI A Xunqueira de Fene e IES Sofía Casanova de Ferrol. O proxecto consiste en compartir experiencias sobre a integración da robótica e das competencias STEM nas aulas de primaria e secundaria con centros de Finlandia e Cardiff, Gales. Como producto final faremos bailar os nosos robots de Lego ao mesmo tempo en todos os centros dos tres países.

Gustaríanos coñecer a opinión dos pais sobre temas relacionados coa introdución de novas tecnoloxías e de robótica na aula. Prema no enlace para realizar o cuestionario:

Cuestionario para pais de primaria e eso

A primeira toma de contacto entre os participantes de todos os países tivo lugar en Finlandia en Novembro de 2017. A próxima será en Cardiff en xuño de 2018. O proxecto está previsto que dure tres cursos e no último curso hai a posibilidade de participación de alumnos.

Primeira toma de contacto en Finlandia, novembro de 2017.

http://www.diariodeferrol.com/articulo/ferrol/educacion-robot-dance-proyecto-europeo-robotica-intercambio-experiencias/20171225222753211615.html