Os días 23 e 24 de maio, segundo Resolución da Direccion Xeral de Educación, o alumnado de 3º de Primaria que acuda ao centro realizarán as probas de avaliación individualizada, nas cales se comprobará o grado de dominio das destrezas e habilidades en expresión e comprensión oral e escrita, cálculo e resolución de problemas (competencia en comunicación lingüística e competencia matemática)
As familias tamén terán que cubrir un cuestionario en formato dixital ou poderán solicitalo en papel.
Informámoslles que o vindeiro xoves 1 de MARZO ás 19:00 horas teremos unha XORNADA DE PORTAS ABERTAS, na que se terá a oportunidade de visitar o noso centro e as diferentes instalacións. Tamén teremos a oportunidade de coñecer os diferentes aspectos educativos.
Informámoslles que o noso centro está inscrito na Campaña de consumo de froita na edade infantil, entre os días 15 e o 28 de febreiro repartirase a todo o alumnado unha froita (unha diferente cada día) para tomar no tempo de lecer. Pedímoslles que o teñan en conta ao enviarlles a comida da media mañá.
O 1 de febreiro iniciase o procedemento de admisión de alumnado para o vindeiro curso 2018/2019.
Reserva de Praza para o centro de adscrición (alumnado de 6º EP que reserva praza para o IES Muralla Romana) do 1 ao 15 de febreiro. Presentarase no centro de orixe o formulario de solicitude, que se facilitará na secretaría do centro e tamén está dispoñible na páxina web da Consellería de Educación (Anexo I) A reserva de praza poderase realizar por internet na aplicación informática "admisión de alumnado": www.edu.xunta.es/admisionalumnado/
Solicitude de admisión (alumnado do segundo ciclo de Educación Infantil/alumnado primaria) do 1 ao 20 de marzo. Presentarase no centro o formulario de solicitude, que se facilitará na secretaría do centro e tamén está dispoñible na páxina web da consellería de educación (Anexo II). A solicitude de admisión poderase realizar por internet na aplicación informática "admisión de alumnado": www.edu.xunta.es/admisionalumnado/ .
Formalización de matrícula en educación infantil e primaria do 20 ao 30 de xuño. Cubrirase o formulario Anexo III que se pode descargar da páxina web da consellería de educación ou solicitar na secretaría do centro.