Blog de mariaj

O 17 de novembro visitamos a exposición Indómitas no edificio Abanca da Praza Maior. Esta exposición son fotografías de mulleres pioneiras en calquera dos seus ámbitos de traballo. A continuación visitamos a Casa dos Mosaicos e fixemos unha visita guiada pola muralla e o Lugo romano acompañados dun fantástico guía.

O venres 21 e o luns 24 de outubro realizamos no cole unha actividade de educación vial. É moi importante que recordemos como debemos circular, tanto cando somos peóns como cando imos en vehículos (bicis, patinete...). 

Ola, bo día. Retomamos a subida de fotos e vídeos das actividades realizadas neste curso 2022-2023. En concreto, estas que vos subimos son dunha actividade moi chula que fixemos o día 25 de outubro co gallo da celebración do Samaín. Era un escape room organizado por ProfeAlba e que nos encantou, tanto aos nenos como ás profes. Deixámosvos unha pequena escolma:

Estivemos practicando xogos romanos no colexio para presentarnos á competición celebrada na Casa da Música. Os gañadores foron a Astorga a competir contra outros centros. Noraboa!

A semana do 25 de abril é a Semana de Acción Mundial pola Educación, que este ano ten o obxetivo de alzar a voz polo profesorado.
As alumnas de Educación Social viñeron a realizar unhas actividades cos nenos e nenas de 3º e 4º de primaria para darlles a coñecer a Campaña e a importancia do traballo do profesorado.

O alumnado de 3º estivemos estes días practicando diversas actividades na clase de Educación Física e contamos cun público moi especial.

Despois do Día da muller, inventamos un lema e fixemos un debuxo relacionado con ese día. A continuación, confeccionamos unhas chapas que, á vista está, quedáronnos fermosísimas.

O 25 de febreiro celebramos o Entroido no cole. Este ano o tema central era o de profesionais que traballan pola natureza. Despois tivemos unha actividade con Peter Punk na que o pasamos moi ben.  Aquí vos deixamos unha pequena escolma de fotos dese día.