O alumnado de 5º de primaria realizou unha serie de “entrevistas ficticias “ a personaxes famosas coma : Camilo, membros de ACDC, Cristiano Ronaldo, Maluma ou Tom Holland. ( Que supuxo un traballo de guionización e busca de información moi interesante, ademais de divertido
Foron entrevistadores e entrevistadoras, e tamén un pouco “actores e actrices” fixeron de guionistas e tamén de protagonistas.
Se queredes pasar un momento divertido, coa orixinalidade coma protagonista, non deixedes de escoitalos.
A clase de 5 anos, remata a súa andaina en ED. Infantil. Aquí queda unha pequena ( 9 minutos!!!!) escolma fotográfica das cousiñas que fixemos ao longo destes 3 cursos. Agardamos que o desfrutedes , tanto coma nós cando o vivimos.
O pasado trimestre o alumnado de 6º de ED. Infantil estivo indagando e aprendendo cousas sobre o universo a través dun PDI
Investigaron a través dos libros da biblioteca, de internet e tamén visionaron varios vídeos informativos... a información deste proxecto , está recollida noutra das entradas : O UNIVERSO
A pasada semana subiron ao "Espazo maker" do noso centro , onde está localizada a radio escolar : RADIO XUVE, para compartir un pouco as súas impresións e o que máis lles gustou do proxecto. Aquí deixamos as súas impresións, agradecemos ao profe Javi que nos acompañou na nosa incursión na radio.
Aquí están os gañadores e gañadoras do concurso, dende ED. Infantil ata sexto de primaria.
( Na clase de 5º a calidade dos traballos foi tan boa, que foi imposible elexir a un único/a gañador, polo que o xurado otorgou un premio comunitario a toda a aula)
Aparecen aquí os gañadores e gañadoras , tanto na categoría de galego coma na de inglés.
Moitos parabéns aos gañadores e gañadoras!!!!! E moitísimas grazas a todo o alumnado por participar ( coa colaboración dos titores e titoras e o profe Javi na área de inglés ) xa que custou moito chegar a un acordo pola calidade das achegas.
Desta volta a actividade desenvolveuse nas aulas, coa axuda dos titores e titoras, establecimos varias categorías e formas de presentación (máis liberdade para os cursos máis altos).
O certo é que quedamos gratamente sorprendidas co nivel das achegas e coa creatividade demostrada en certos cursos.
Aquí vos deixamos as recopilacións dos mesmos:
En primeiro lugar as vídeo-creacións do alumnado de 5º e parte de 6º :
Queremos parabenizar ao alumnado de 5º de primaria pola calidade das súas presentacións/vídeos/animacións e a súa titora Asunción que os e as asesorou no seu traballo. Son fantásticas:
En segundo lugar, achegámosvos os 3 gañadores e gañadoras de 5º e 6º de primaria, que tamén presentaron as súas creacións en lingua Inglesa ( que elaboraron coa colaboración do profe Javi)
En terceiro lugar presentámosvos as creacións do alumnado de 4º de primaria e parte do de 6º ( en formato dixital, tamén moi orixinais ) a través dun ISSUU
E por último , todas as creacións ( en formato folio) do alumnado de ED. iNFANTIL, 1º, 2º e 3º quedaron expostas na entrada da nosa Biblioteca escolar para que toda a Comunidade Educativa poida velas e desfrutalas tanta coma nós.
Para o xurado (formado polas integrantes do equipo de biblioteca) foi moi moi difícil decidir quen ía ser o gañador ou gañadora, porque a calidade das aportacións foi boísima.
MOITÍSIMAS GRAZAS A TODOS E TODAS POR PARTICIPAR, POR IMPLICARSE , POR COMPARTIR E CREAR E SOBRE TODO
A principios de mes, dende o equipo de biblioteca lanzamos a proposta para traballar este 21 de Marzo, día da Poesía e da Árbore, e por proximidade tamén o da auga.
Propuxémoslle ás familias o seguinte:
Agás en ED. Infantil que as fotos quitáronse co alumnado no patio do colexio. Os demais aportaron as súas fotografías ( grazas ás familias pola súa colaboración)
A segunda parte da actividade desenvolveuse nas aulas, coa axuda das titoras e titores, para dar lugar a uns " FOTO HAIKU" moi orixinais.
Aquí vos quedan as recopilacións, fixemos 2 pequenos vídeos coas imaxes, o primeiro coas creacións do alumnado de ED. Infantil ata 3º de ED. Primaria e o segundo das creacións do alumnado de 4º, 5º e 6º de ED. Primaria.
Dende o equipo de biblioteca queremos agradecer a colaboración e participación das familias e a implicación dos titores e titoras.
Hoxe achegouse ao noso centro Charo Pita para compartir o seu tempo con nós e facer un "obradoiro de radio" co alumnado de sexto primeiro (na biblioteca escolar) , e despois co alumnado de quinto(no noso espazo maker) .
O curso pasado recibimos unha formación máis técnica por parte de Rede Espora, e este curso é máis práctica , relacionada coa execución, a vocalización, a transmisión de emocións, a entoación....
"Obradoiro de Teatro lido na radio" supuxo un momento de lectura duns textos seleccionados, de expresar emocións a través da voz, de escoitar para ler, de traballar as emocións, de respirar, de sentir e crear....
Foi unha aprendizaxe moi interesante para o noso alumnado, moitas grazas a Charo por vir.
Acó vos quedan unhas poucas fotos do momento co alumnado de quinto de primaria.
E aquí temos a estrea do noso RAP de mulleres científicas galegas.
Comezamos esta andaina preparando os nosos "LAPS BOOKS" para o mes da ciencia en galego, novembro.
De cara ao 11 F: Día da muller e a nena na ciencia, e en vista de que a maioría das nosas eleccións foran mulleres, pensamos en facer un rap con todas elas.
E despois dun mes de duro traballo, de elexir a letra, de ensaiar , por fin chegou o momento da gravación.
Queremos agradecerlle ao noso mestre de música, David o seu esforzo e traballo para organizar esta actividade, ensaiar e facer este magnífico vídeo que vos presentamos a continuación.
Grazas tamén a todo o profesorado e alumnado que participaron con gran entusiasmo nesta actividade.
