En ED. Infantil imos facer un PDI (Proxecto Documental Integrado) en relación ó día das ARTES GALEGAS 2022 , que este ano está adicado ao artista LAXEIRO
Para introducir a temática , o primeiro que temos que facer é saber que é un museo. E tamén falamos de qué é a arte...
Para iso, despois de preguntar se alguén sabe o que é un museo, e obter distintas respostas, visionaremos dous vídeos:
E por último esta pequena presentación elaborada por nós cunhas pequenas nocións do que podemos atopar nun museo:
O primeiro que faremos será recordar o traballo que desenvolvemos o curso pasado sobre esta temática, que comezamos en novembro e rematamos no 8M: Científicas Galegas: Mulleres Bravas.
Aquí deixamos o RAP que fixemos como produto final deste proxecto:
Na páxina web 11 de Febreiro podedes atopar moitísimo material para traballar este tema: actividades, materiais, estatísticas, información sobre mulleres e ciencia, chicas e estudos STEAM e un longo etc...
Aquí vos deixamos un vídeo, titulado "Ese lugar" que foi eaborado pola Cátedra de Cultura Ciencífica da UPV/EHU. Xa que o 11 de febreiro será o día da Muller e a Nena na Ciencia, e o día seguinte... e os que virán despois...
Tamén este vídeo "Yo quiero ser científica" no que 9 mestras da Universidade pública de Navarra (UPNA) son intérpretes e autoras dunha obra de teatro divulgativa na que rescatan a vida e obra de mulleres científicas do pasado:
Para os máis pequenos, este vídeo gañador do concurso de curtametraxes
As ilustracións e a animación do vídeo deste proxecto son do profesor de bioquímica Iñigo Izal Azcárate e a narración en "voz en off "corre a cargo da periodista Eva Lus (Radio Universidad de Navarra).Tamén colabora nesta serie de animación o grupo Women for Science and Technology e diferentes persoas expertas asesoran na elaboración dos guions das distintas biografías.
Outra páxina que non se pode esquecer nesta viaxe de referenciación da muller e a nena na ciencia é MUJERES CON CIENCIA onde poderedes atopar todo tipo de noticias, materiais, actividades relacionadas, coas mulleres e coa ciencia...
E para finalizar, este vídeo curto, pero moi clariño, tirado da páxina ( iniciativa) #NoMoreMatildas
ACTUALIZACIÓN:Engadimos unha recomendación feita dende o Centro Oceanográfico de Vigo (Instituto Español de Oceanografía - IEO)
Chegou outro "Contaconto", desta volta Estefanía, coa axuda da súa filla Vega contáronnos "Orellas de bolboreta" ( se premedes no título , levaravos á ficha técnica do conto) de Luisa Aguilar, e ilustrado por André Neves.
Moitísimas grazas por esta achega, agardamos que vos guste !!!!!
E chegou o tercceiro "contaconto" por parte das familias desta volta Alba, a mamá de Sergio da clase de 4 anos contounos o conto favorito do seu fillo Sergio: "Topito Terremoto" de Anna Llenas.
Aquí vos deixamos o audio por se o queredes escoitar.
O pasado luns día 20 de decembro tivo lugar a primeira reunión do CLUBE DE LECTURA do alumnado de 6º de ED. Primaria.
Autodenomináronse os “Enanos come libros” e deseñaron o seu propio carné do clube.
A primeira lectura foi banda deseñada en galego, unha lectura sinxela para comezar con ánimo: “Baroña ou Morte” o primeiro da serie “Os Barbanzons” de Pepe Carreiro.
Ademais da lectura, investigaron sobre os Castros e aprenderon sobre a súa cultura e costumes. ( xa que o libro está inspirado no Castro de Baroña).
Para esta primeira reunión pareceunos interesante ir visitar o Castro de Cameixa ( que está preto do cole na parroquia de Cameixa, no Concello de Boborás)
A idea era ir ata o Castro, velo e facer alí a reflexión sobre o libro e “merendar” pero o tempo non axudou moito, co que decidiuse ir camiñando dende o cole, visitar o Castro e voltar ao centro para facer a reflexión na biblioteca e merendar alí ( por se a chuvia facía acto de presenza)
A titora de sexto curso e mais a coordinadora do equipo de biblioteca acompañaron á clase, na andaina, visita e na posterior reflexión sobre o libro.
E despois de todo isto, unha merecidísima merendola.
Achegamos unhas suxestións lectoras para todas as idades , de cara ao NADAL.
Adxuntamos un documento PDF ( se premedes nos títulos levaravos á ficha técnica do libro) fpor se non vos da tempo de tomar as referenzas durante o pequeno vídeo .
Hoxe día 3 de decembro é o día Internacional da Discapacidade, dende o equipo de Biblioteca e en coordinación co Departamento de Orientación propúxose unha tarefa de investigación ( ALFIN, AMI) para o alumnado de primaria: investigar sobre unha discapacidade, para despois transmitirllo ao resto das aulas.
Despois estar traballando a nivel titorial durante estas dúas semanas, hoxe foi o momento de compartilo co resto do alumnado do centro. O noso punto de retransmisión foi a nosa Biblioteca Escolar, en "rigoroso directo".
Moitísimas grazas polo traballo desenvolvido dende as titorías, o esforzo, a motivación e o bo facer.
Tamén salientar que dende a área de ED. Física, o profe Rubén traballou co alumnado de ED. Primaria a temática nestas últimas semanas , para concienciar e sensibilizar.
Acó vos queda un pequeno resumo realizado pola mestra de A.L ,Carolina.
( Premede no adxunto PDF)
Iremos engandindo parte das presentacións, lapbooks, infografías e diversos vídeos e materiais que se elaboraron e compartiron na xornada de hoxe.
O pasado xoves , 25 de Novembro, tomamos "a palabra" para visibilizar e concienciar.
Durante a semana traballouse sobre o tema a nivel titorial, e cada quen plasmou nunha fita violeta unha palabra para visibilizar a situación, que o propio día 25 colocaron nun "lazo" simbólico composto por todas as palabras do noso alumnado.
