Nesta reunión falamos de cada un dos libros, e despois buscamos as similitudes entre ambos: as dúas protagonistas eran femininas, nas dúas había “elementos máxicos “ e as dúas eran adolescentes.
Con respecto ás “Músicas viaxeiras” deunos a debate pola idade da protagonista, e porque quizais cousas que xa criamos superadas... continúan acontecendo, sobre matrimonios concertados e rematamos relacionándoo coa triste noticia do asasinato de dúas rapazas en Pakistán ( residentes en España) por rexeitar os seus matrimonios concertados.
Para despedir fixemos un xogo de concentración e por último a agardada “merendola” e despois un pequeno agasallo para cada un dos participantes.
Na biblioteca ademais de ler, e buscar información, podemos experimentar e tamén XOGAR.
O xogo é unha actividade moi importante para fomentar a creatividade do noso alumnado, e o xogo en pequenos grupos fomenta moitas cualidades como pode ser a imaxinación, a creación , curiosidade, plasticidade... estratexias e todo dende un punto de vista lúdico.
Durante o curso en diversos momentos desfrutamos de sesións de xogo na nosa B.E , como por exemplo o alumnado de ED. Infantil con bloques lóxicos ou con KAPLA que lles gusta moito.
Xogar coas tablets, con APPs axeitadas para as idades correspondentes e en pequeno grupo tamén supón un estímulo interesante.
Xogos como DIXIT fomentan a imaxinación e a empatía e o que podemos coñecer dos demais, ao tempo que nos divertimos.
Outro dos xogos que ten moito éxito é o de VIRUS, que ademais de mostrar a estratexia ou cooperación dos xogadores , refréscanos as distintas partes do corpo, e danos pé a falar por exemplo da COVID.
Ti no es de aquí? é un trivial adaptado a idade escolar e que supón unha viaxe de aprendizaxe e coñecementos relacionados coa nosa cultura e idioma.
E mención especial merecen todos os xogos de Brazolinda que temos na nosa biblioteca, distribuídos por idades de elaborados con moito agarimo e feitos a man.
Porque o xogo é unha parte importantísima ( e divertida) para desenvolver a creatividade e outras estratexias no noso alumnado ao tempo que se divirten e desfrutan...
No primeiro trimestre o alumnado de ED. Infantil (en pequenos grupos) ademais de utilizar a biblioteca para ver contos e para coller os libros para levar á casa e ler en familia, tamén tivo varias sesións para traballar as "cores" dun xeito divertido: coa mesa de luz.
Partindo do branco, fixeron series, agrupamentos e pequenos puzzles coas pezas de cores ( observando así as distintas figuras xeométricas) que oh! sorpresa!!, cambiaban segundo a cor de base que tivesen.
Foi unha experiencia moi divertida e interesante, que lles gustou moitísmo!!!
Neste trimestre o alumnado de ED. Infantil estivo xogando cunha placa chamada "makey makey" ( un elemento moi interesante para traballar a "pre-robótica") que nos permitiu facer que tocabamos os "bongos" con kiwis ou tocar un pequeno piano de cores e facer música.
Tamén se divertiron simulando que tocaban unha batería ou algún que outro instrumento musical ao mesmo tempo que traballabamos a súa motricidade fina e a atención.
Foi unha experiencia divertida e interesante na que puideron ver unha das moitas funcionalidades que ten esta plaquiña.
Durante este curso na clase de 2º de ED. Primaria, na asignatura de valores, estivemos traballando cos Escornabots. Algunhas das actividades realizadas foron:
- Que sentimos cando…?
Esta actividade consistía en ler unha situación, por exemplo que sentes cando tes boa nota nun exame ou cando te castigan sen ter a culpa por algo… E levar o Escarnabot ata a cuadrícula coa emoción correspondente.
- A onde vai cada residuo?
Neste caso cada alumno/a tiña que levar diferentes residuos ao contedor correspondente.
Foron actividades nas que o alumnado participou activamente na súa realización e que nos valeron para reflexionar sobre diferentes cuestións.
Presentámosvos os productos finais, os programas de radio elaborados polo alumnado de quinto e de sexto de ED. Primaria durante as 3 sesións de traballo con Iago Gordillo.
Agardamos que os desfrutedes, e parabéns por un traballo tan bo.
O xoves 5 de maio de 2022 na clase de 6º tivemos un obradoiro para aprender a crear videoxogos.
Primeiro fixemos un repaso pola historia dos videoxogos: cando apareceron os primeiros, como eran, as primeiras videoconsolas e os pasos que tiñamos que seguir para deseñar o noso videoxogo.
Unha vez que isto nos quedou claro era o momento para pensar no que queriamos crear e como o iamos deseñar, entre toda a clase fixemos unha chuvia de ideas, eleximos o que máis nos gustou, e se puidese facer no tempo que tiñamos, e a crear.
Para crealo utilizamos unha páxina Web que se chama "MakeCodeArcade". É unha páxina na quepodemos ir programando o que queremos que faga o noso videoxogo, eleximos personaxes, fondo… Era un programa moi parecido a Scratch. Tiñas que poñer carpetiñas e códigos...
Creamos todos un mesmo videoxogo pero con diferentes variantes, por exemplo cada un elexiu as súas personaxes e paisaxes.
Cando acabamos todos de facer o videoxogo déronnos unhas maquiniñas pequenas para enchufalas no ordenador portátil. Cada un probou o seu xogo e tamén o dos nosos compañeiros/as.
Foi moi divertido esperamos volvelo repetir.
(Texto elaborado polo alumno ADRIÁN SOUTO GONZÁLEZ)
O alumnado do noso centro en xeral, é moi afeccionado ao manga, especialmente os cursos máis altos.
O alumnado de 4º de ED. Primaria ademais de devorar os libros desta materia , inspirados pola súa lectura e seguindo unhas pequenas consignas : COMO LEO MANGA? decidiron facer as súas propias creacións...
Como sabedes , o alumnado de ED. Infantil estamos facendo un PDI sobre o homenaxeado no día das ARTES GALEGAS 2022: PDI LAXEIRO.
Como culmen ao noso proxecto, e tendo en conta a terra natal de Laxeiro, pareceunos interesante e oportuno facer a nosa excursión de fin de curso a LALÍN e poder ver algunhas das súas obra en directo.
En primeiro lugar fomos ao Museo Municipal Ramón María Aller Ulloa (queremos agradecer ao persoal do museo , as actividades que nos tiñan preparadas, e o bo facer para que disfrutásemos da exposición sobre Laxeiro) , ademais de ensinarnos o observatorio .
Despois da visita, e coller forzas merendando, fomos ao Pazo de Liñares. onde, ademais de poder desfrutar do mesmo visitamos as exposicións sobre o Xoguete e a Marioneta ( que lles fascinou)
Xantamos no Pazo, e despois houbo un momento para poder xogar, e por último, autobús e para o colexio.
Pasárono xenial, desfrutaron moito, pudieron ver obras do autor sobre o que traballamos e o museo do xoguete e a marioneta encantoulles.
Agradecemos tamén á profe Mercedes, oriunda de Lalín que organizase gran parte da excursión, e tanto ao persoal do Museo , coma ao do Pazo a boa acollida.
Quedan aquí unhas poucas fotos do día tan intenso que viviron:
