Blog A Pedra
O noso magosto
Enviado por Macu Rodríguez o Dom, 17/11/2024 - 20:11O pasado xoves día 14 tivemos a sorte de volver a desfrutar
dunha das nosas festividades favoritas, O MAGOSTO.
Con tal motivo, durante os días previos na aula realizamos
unha serie de comprensións lectoras sobre a tradición do
magosto así como a lectura e recitado de poemas sobre
esta festa. Ademais, na sesión de ARTS realizamos unhas
coroas cunha castaña para poñernos ese día na cabeza.
E como ben dí o refraneiro, “polo San Martiño trompos ao
camiño”, motivo polo que antes de desfrutar unhas
riquisimas castañas o xoves tivemos uns obradoiros de
xogos populares entre os que atopamos a carreira de
zancos; salto de corda, carreira de chapas, xogos de
construción,...e o máis importante un gran momento de
diversión cos nosxs compañeirxs de 1º e doutro 2º e todo
isto grazas á asociación CORREDOIRAS.
Finalmente, chegaron as castañas, as cales estaban deliciosas
e fixeron que as nosas barrigas estiveran moi contentas!
Esperamos con ansias a próxima festividade!
DESCUBRIMOS OS MISTERIOS DA METEOROLOXÍA
Enviado por Macu Rodríguez o Mér, 19/06/2024 - 22:16Este curso aprendemos a traballar no eido da METEOROLOXÍA!
Durante unha semana tomamos nota das temperaturas, a presión atmosférica, a humidade, as precipitacións...
Fixémolo por partida dobre, en dúas épocas diferentes: entre xaneiro e febreiro e entre maio e xuño.
A primeira hora da mañá, antes de subir a clase, iamos á caseta meteorolóxica e tomabamos nota das medicións e, inmediatamente, nos dirixiamos ao PANEL DAS METEOESCOLAS que temos no corredor do BIBLIOCASTELO, para rexistrar a información.
Nas primeiras semanas de febreiro, cando chegou a primeira quenda, puxémonos mans á obra!! E para facelo, foi necesario aprender varios conceptos que para nós eran novos.
· TEMPERATURAS:
o MÁXIMA
o MÍNIMA
· PRESIÓN ATMOSFÉRICA
· HUMIDADE
· PRECIPITACIÓNS
ENCÁNTANOS ESTA TAREFA!!!
Entre a última semana de maio e a primeira de xuño, repetimos experiencia e volveu suceder algo parecido á ocasión anterior.
A finais de xaneiro e nos primeiros días de febreiro, as temperaturas foron moi altas para a época do ano e non choveu nin unha pinga.
Polo contrario, cando lles tocou axs compañeirxs de 1º B facer as súas medicións, as precipitacións foron moi abundantes; tanto, que houbo algún deses días nos que non puidemos saír a medir porque chovía moitísimo.
Encántanos esta actividade e sérvenos para reflexionar sobre o terrible problema do cambio climático.
Como ademais nos coincidiu coa celebración do DÍA MUNDIAL DA AUGA o día 22 DE MARZO e o DÍA MUNDIAL DO PLANETA, O 22 DE ABRIL, vimos varias curtametraxes na aula, LEMOS O CONTO DA “BALLENA LLENA” e gravamos na radio escolar un fermoso poema que compuxo a profe María Martínez para reflexionar sobre temas como o uso dos plásticos, a contaminación, o consumo de auga, a reciclaxe...
Entre a última semana de maio e a primeira de xuño, levamos a cabo a derradeira quenda deste curso e fixádevos que curioso; outra vez sucedeu que nos últimos días choveu máis que na semana anterior, igual que nas outras dúas ocasións!!
Temos que coidar o planeta e cumprir cos 3 R, reducir o consumo de plásticos, reutilizar e reciclar!!
PREMEDE NA IMAXE PARA VER O VÍDEO
CELEBRAMOS O ANIVERSARIO DE PAPIRUS
Enviado por Macu Rodríguez o Sáb, 28/10/2023 - 19:40CELEBRAMOS O ANIVERSARIO DE PAPIRUS
O 24 de outubro o noso querido Papirus está de aniversario e, cada ano, organizamos quendas para poder visitalo no seu BIBLIOCASTELOe cantarlle os PARABÉNS.
Este curso, como xa estamos en Primaria, tivemos que agardar ata o xoves 26 para poder festexalo. Pero, pagou a pena porque compartimos a festa cxs compis de 3º, que nos tiñan preparada un sorpresa moi linda.
Cando chegamos á biblio xa estaban todxs sentadiñxs a esperar a nosa chegada. Unha vez nos acomodamos, xs profes puxeron na pantalla varios vídeos:
o No primeiro, varias rapazas de 6º, que forman parte do Equipo de Axudantes de Papirus, nos explicaban que este ano o tema central do Proxecto da biblioteca serán As Olimpíadas; pero non unhas calquera, senón, AS OLIMPÍADAS DE PAPIRUS.
o O segundo contaba historia da nosa querida mascota e do seu Bibliocastelo.
o Co terceiro, cantamos xuntxs a canción Papirus.
Pero o mellor foi o que sucedeu a continuación! Cada compañeirx de 3º seleccionara un conto para lernos a cadaquén de nós!! As profes mandáronnos sentar por parellas ao longo e ancho da biblio; que, de súpeto se converteu nun xardín máxico no que plantamos sementes de amizade con forma de APADRIÑAMENTOS LECTORES!!
Despois, fomos ás aulas de 3º onde xuntxs debuxamos un agasallo para Papirus.
FOI UNHA EXPERIENCIA PRECIOSA!!
MOITÍSIMAS GRAZAS, COMPIS de 3º!!!
PREMEDE NA IMAXE PARA VER AS FOTOS
MAGOSTO 2024
Enviado por Amalia Omil o Dom, 17/11/2024 - 16:33O pasado xoves, 14 de novembro, celebramos o Magosto no noso cole.
Este ano foi un ano rico en castañas así que comemos nelas ata fartar. pero o mellor de todo foron os xogos tradicionais.
Grazas a asociación CORREDOIRAS por ser tan amables e altruístas e permitiirnos gozar tanto.
SAMAÍN
Enviado por Ainhoa Suarez o Dom, 17/11/2024 - 16:21O pasado 30 de outubro celebramos o Samaín facendo os obradoiros que xa son tradición na nosa escola.
O alumnado foi rotando polas distintas actividades, que neste caso foron:
- Trick or Treat: no cal aprendemos moito vocabulario sobre Halloween a través de distintos xogos.
- Manualidade de Samaín: onde fixemos unha bonita coroa de caveiras e flores, inspirada no Día dos Mortos de México.
- Move o esquelete!: aquí tocounos facer algo de exercicio mediante algunhas dinámicas relacionadas con personaxes de terror.
- Contacontos de Samaín: realizado polo alumnado de 5º na biblioteca do centro.
A continuación podedes ver o vídeo coas fotografías deste divertido día.
METEOGALICIA E DIPLOMA EXCELENCIA
Enviado por Marta Valbuena o Dom, 17/11/2024 - 00:00O mércores 15 de novembro, dúas mestras da escola, foron a Santiago de Compostela ás xornadas de Meteoescolas. Alí ademais de recibir formación, foron obsequiadas co DIPLOMA DE EXCELENCIA polo proxecto do ano anterior e un agasallo: un termómetro de terra que finalmente instalouse nas hortas do colexio de Infantil para que os máis pequenos da escola teñan a posibilidade de medir a temperatura.
Moitas grazas a todo o Equipo de Meteogalicia polo recoñecemento e o agasallo!
SAMAÍN
Enviado por Susi Fernandez o Lun, 04/11/2024 - 14:03O pasado mércores 30 de outubro celebramos o Samaín no cole. Disfrutamos cos diferentes obradoiros propostos por ciclos.
Este ano, realizamos unha coroa no obradoiro de Suso, despois fomos espectadores de dous contos nos que actuaba a rapazada de 6º. Que medo! Veu a Santa Compaña!
Daisy propúxonos o obradoiro de TRICK OR TREAT no que poñíamos á proba a nosa atención. E no último, José Ángel fíxonos MOVER O ESQUELETE!
Para finalizar a mañá, merendola, música e FESTAAAA!!
QUE BEN O PASAMOS!
ANIVERSARIO DE PAPIRUS
Enviado por Amalia Omil o Sáb, 26/10/2024 - 19:55AMADRIÑAMENTOS E APADRIÑAMENTOS LECTORES
O 24 de outubro é data maís sinalada no cole. O noso polbiño Papirus está de aniversario e temos que celebralo por todo o alto.
O alumnado de terceiro xa levabamos uns diíñas ensaiando as obras que lle queriamos representar ás nosas afilladas e afillados lectores.
Chegado o día fomos buscalxs ás aulas de infantil "QUE RECORDOS" ! Eran os nenos e nenas das profes Toñi e Teru, que foron as nosa mestras, e ás que lles temos un cariño inmenso.
Todxs xuntiñxs, collidxs da man fomos ao Bibliocastelo. Os pelouriños e os furabolos sentáronse esperando que comezara o teatro.
E nós, emocionadxs, empezamos as nosas obras!
A CASA DA MOSCA CHOSCA
O COELLIÑO BRANCO
Os pelouriños e os furabolos agradeceron a nosa representación e agasalláronnos cunhas tarxetiñas e uns mini Papirus preciosos.
Logo fomos ver o vídeo de presentación do proxecto deste ano que fixeron o alumnado de sexto:
QUE SUBA O PANO!
Finalmente cantámoslle os parabéns a Papirus!
Foi un día moi especial, deses que nos encantaría repetir!
PONTE A ZERO
Enviado por Ainhoa Suarez o Sáb, 26/10/2024 - 12:51Como cada curso, está semana contamos coa visita de Antón, do programa Ponte a Zero. Neste caso realizou o obradoiro de QUE FACEMOS COS RESIDUOS en 3°EP, e QUEN VIVE AÍ? en 4°.
No primeiro, aprendemos o camiño que nos levou a reciclar e sobre todo, a producir a menor cantidade de residuos posible.
No segundo, acudimos ao composteiro do cole para descubrir todos os microorganismos que viven alí e que descoñecíamos!
CLUBE MAR DE BUEU
Enviado por Goretti Cordeiro o Ven, 18/10/2024 - 10:18VISITA OA CLUBE MAR DE BUEU
Para este mes de outubro, solicitamos ao Clube Mar de Bueu poder visitar as súas instalacións e coñecer algo máis sobre este deporte. Valente e Andrés explicáronnos as oríxenes do seu deporte, os diferentes tipos de embarcacións que empregan e como adestran nestas instalacións cando non poden saír ao mar. Deixáronnos probar os ergómetros e as distintas máquinas que teñen no seu ximnasio. Tamén contáronnos curiosidades como o porque da entrega dunha bandeira os-as gañadores-as e non dunha copa coma noutros deportes.
Grazas a Valente e a Andrés pola visita e o seu tempo.
