7.2 - Configura as categorías

 Cando creamos un curso ex novo o estado de Libro de cualificacións é este:

Neste titorial veremos os pasos para configurar o Libro de cualificacións dun curso creado a partir do Modelo de cursos Platega, que xa ten creadas/configuradas algunhas cousas

Abre Categorías e elementos > Axustes do Libro de cualificacións:

 

O primeiro paso para facer os Axustes do Libro de cualificacións é configurar as "categorías" (así as denomina Moodle) que ten o Libro. Necesitaremos tantas categorías como módulos ten o curso: 

• Módulo 0 - Presentacións
• Módulos 1 ao n - Tantas categorías como Módulos con tarefas cualificables, 

2.1 Configura as categorías do cualificador

2.1.1 Entra no se menú Editar > Editar a configuración:

2.1.2 Edita a configuración da categoría:

• Nome da categoría (ponlle o mesmo título que ao seu módulo do curso),
• Agregación (elixe sempre Media ponderada de cualificacións),
• Opción Engadir só as cualificacións non baleiras, desmarcada,
• Cualificación máxima ou puntos que aporta esa categoría ao total do curso (coincide coa ponderación),
• Ponderación do elemento, indica o peso ou porcentaxe desta categoría no total do curso. A suma  total das ponderacións de tódalas categorías do Libro debe ser 100.

2.1.3 Engade a ponderación das tarefas correspondentes a esa categoría. As ponderacións das tarefas de cada módulo deben sumar 100 

 

Unha vez configurada amosarase deste xeito:

2.2 Calcula a cualificación total 

2.2.1 Abre a edición do cálculo da cualificación final do curso, no Total do curso: 

Comproba quea agregación co figurada sexa a Media ponderada de cualificacións.

2.2.2 Configura a fórmula de cálculo de la cualificación final do curso. No Modelo de cursos Platega os números ID do Total das categorías e a fórmula de cálculo correspondente é:

Se configuras un curso creado co Modelo de cursos Platega unicamente debes eliminar do curso, ou engadir, os módulos que sobren ou falte e editar a fórmula de cálculo engadindo previamente os número ID das categorías se engades máis módulos. Está configurado para 8 módulos: 

• 1 Módulo de presentación
• 6 Módulos para as tarefas cualificables
• 1 Módulo de avaliación das competencias profesionais

Recoméndase eliminar os módulos que non se empreguen e as categorías correspondentes no Libro por limpeza e simplicidade.  Se non eliminas módulos do curso non é necesario eliminar as categorías correspondentes sobrantes limitándote a ocultalas no libro; neste caso non é necesario que as elimines da fórmula.

Se configuras un curso creado ex novo atoparás baleiros tanto o cadro para a fórmula coma os números ID do total das categorías. Por elo, en primero lugar debes crear os números ID e, en segundo lugar, engadir/editar a fórmula correspondente:

=sum([[modulo00]]+[[modulo01]]+[[modulo02]]+[[modulo03]]+[[modulo04]]+[[modulo05]])

edita esta fórmula substituíndo os números ID (en vermello) polos creados por ti: elimina os que sobren ou engade os que falten. A fórmula limítase a sumar "=sum" os númerosID configurados no Libro e que constan na fórmula.

En calquera caso, presta moita atención á sintáxis da fórmula: corchetes e paréntesis, sen espazos en branco. Por exemplo, se os números ID aparecen 4 corchetes na fórmula pon tamén 4 corchetes. Moodle rexeitará as fórmulas incorrectas ata que introduzas unha correcta.

Oculta as categorías non empregadas, para que non se amosen aos participantes.