Skip to Content

Mantemento de usuarios e arquivos CSV

O curso pasado subín á aula virtual todo o alumnado do centro empregando un arquivo CSV. O problema co que me atopo agora é que se quero eliminar o alumnado que xa non está teño que facelo un por un, co que na práctica non é viable.

¿Como pode facerse? ¿Non hai algunha forma de entrar en táboa ou (mellor) de eliminar todos os usuarios que posúan un rol determinado?

Namentres resolvo o tema, e para poder botar a andar a aula este curso, volvín a subir o alumnado cun CSV (a partir da folla Excel que bota Xade -que, por certo, tamén podería xerar directamente o CSV de marras-). Desta volta (empreguei o Calc de OpenOffice) esquecín cargarme as " que delimitan os campos de texto, co que observo que todos os nomes, etc teñen as comiñas (na miña opinión é un fallo do Moodle, pois o delimitador " é un estándar -mesmo aconsellado- no formato CSV).

Total, que volvín a subir ao alumnado, co que agora teño 1788 usuarios!. Tela marinera!

Please, ademais de axudarme a non sentirme parvo, botádeme unha man. E non fagades como o tipo da UAC que me colleu o teléfono que me mandou a unha páxina na que se falaba de usar o NonseiquePHP e da que saín pensando que xa me chegou cando aprendín C++ e wxWidgets (quero dicir con isto que xa non teño idade, nin tempo, nin gañas de aprender PHP). Por certo que o tipo dixo que xa me chamarían e aquí estou esperando...

‹ Execución de aplicacións Java Moodle 2.0 ›
  • APIs de Blogue

Alta usuarios e mantemento

jolfaga - 28/02/2011 - 14:10

Boas.

Relacionado con este tema:

Temos creados os cursos (aulas) para cada grupo. Que campos ten que ter o CSV para automatizar o proceso de matriculación?

Hai forma de ao dar de alta usuarios clasificalos/categorizalos dalgún xeito? Alguén o está facendo?

Como impedir que os usuarios se inscriban noutros cursos?

Grazas

CEIP San Marcos - Abegondo

  • APIs de Blogue

WD / UAC

cpifeal - 18/10/2010 - 17:03
Supoño que a (pouca) xente que leva as Webs Dinámicas está moi desbordada nestes momentos co proceso de migración e xa leva meses sen atender a este foro, aínda que tamén deberíamos tratar de axudarnos entre nós mesmos. Está claro que a Consellería debería ampliar o persoal que traballa en Webs Dinámicas, porque xa é un servizo fundamental para os centros. O fallo de Moodle que comentas sobre a xestión de usuarios é importante: as baixas teñen que ser dunha en unha... e se acumulamos usuarios indefinidamente complicamos moito o mantemento. Non sei se as versións máis modernas de Moodle resolveron esta cuestión, pero outra das consecuencias da chegada do "Multisite" está sendo que levamos moito tempo sen actualizacións do software (Moodle, Drupal e Coppermine). Claro que en canto remate a migración, as actualizacións deberían ser moito máis doadas e frecuentes. Respecto á UAC, supoño que saberás que tamén sufriu un proceso de migración: o pasado verán cambiou a empresa privada encargada da súa xestión. Non sei se agora teñen máis personal, pero eu tamén estou observando que a xente que está atendendo por teléfono ou correo electrónico non ten tantos coñecementos informáticos como a da anterior empresa. Haberá que darlles tempo, pero boto moito de menos á anterior UAC. Ademais, a actual UAC non recibiu o histórico das incidencias da anterior e parece que aínda non ten unha base de datos cos centros e os profes que chaman. Quen sabe cales foron as razóns para o cambio de empresa... Angel Carrera
  • APIs de Blogue

Eliminar usuarios de xeito masivo

pablonimo - 20/10/2010 - 07:49

Efectivamente compañeiros, nesta versión non hai forma de eliminar os usuarios de xeito masivo. O que recomendamos nós é utilizar unha combinación de rato e atallos de teclado para facer máis dinámica a súa eliminación. Por exemplo:

  1. Accedemos á lista de usuarios
  2. Co "scroll" do rato prememos no "eliminar" dos usuarios que queremos que desaparezan. Abriranse tantas pesatañas como usuarios que queremos eliminar.
  3. Agora con "Ctrl+Tab" podemos cambiar de pensaña sen utilizar o rato. Facémolo a primeira vez e situamos o rato enriba do botón "Si".
  4. Repetimos o proceso tantas veces como usuarios queremos eliminar. 
  5. Facendo isto tardamos menos de 5 segundos en eliminar cada usuario.

Ángel, estou totalmente dacordo co que comentas, e agradecémosche a axuda porque realmente estamos moi desbordados.

Por outro lado debo dicir que non é certo que a nova UAC non recibira o histórico de incidencias.

Saúdos a todos compañeiros.

Grupo de Asesores SIEGA/ABALAR

 

  • APIs de Blogue

Ai miña nainciña!!!

iespontepedrina - 21/10/2010 - 17:16
¡¡¡¡Bffff!!!! 5 s * 1000 = 5000 s (1 h = 3600 s). Logo, falamos dun par de horas toleando!!!
Sei que se dicides isto é porque non hai outra saída, ¡pero *debería* habela!
De feito, lin nalgún foro de Moodle que se pode empregar un csv cun campo "delete". Pero o probei e non vai...
  • APIs de Blogue

Nova UAC

cpifeal - 20/10/2010 - 13:54
Alégrome de que a nova UAC recibira o histórico das incidencias, pero eu falaba pola miña experiencia con eles durante as súas primeiras semanas. Neses momentos non tiñan acceso ás incidencias que eu aínda tiña abertas coa anterior UAC e tiveron que rexistrar todos o datos de novo. Se xa está solucionado ese tema, estupendo... pero non pretendía distorsionar a realidade! Por outra parte, tamén supoño que parte da xente que xestiona as Webs Dinámicas ten un problema engadido á migración: ABALAR. Así que tedes todo o meu apoio e comprensión. Espero que a Consellería amplíe os recursos humanos dedicados a Webs Dinámicas e Abalar. A verdade é que sempre pensei que hai máis necesidade de persoal para o mantemento tecnolóxico que de máquinas para o alumnado. Unha última cuestión: supoño que os frecuentes problemas de acceso ás Webs Dinámicas dos últimos tempos teñen que ver co proceso de migración (desconexións totais ou velocidades moi lentas). Un saúdo e ánimo! Angel Carrera
  • APIs de Blogue


forum | by Dr. Radut