Economía

O alumnado de 1º de bacharelato da materia Economía, e o de 2º da materia Economía da empresa deste curso participou no concurso YBT. Non todos conseguiron ser semifinalistas así que noraboa a estes selectos grupos de 1º (na foto de arriba) e de 2º (na de abaixo) que nos mostran orgullosos o diploma que o testemuña.

Como vén sendo tradicional, o alumnado de 2º de bacharelato da materia Economía da Empresa e, este ano, parte do de Tecnoloxía Industrial II, visitou a sede de Inditex en Arteixo.

Percorremos as instalacións durante dúas horas, mentres unha das responsables do departamento de Comunicación e Relacións Institucionais nos explicaba todas as fases do proceso que alí se desenvolve, e amablemente resolvía as dúbidas.

A experiencia... enriquecedora!

Aquí temos aos únicos da provincia de Lugo que se atreveron a participar o mércores 18 de xuño nas V Olimpíadas de Economía de Galicia. De esquerda a dereita: Noelia Meilán Velón, Jaime Domínguez Martínez e José Antonio Vila Moreira, alumn@s de 2º de bacharelato do curso que termina.

Despois de estudar duramente todo o curso e presentarse a selectividade tiñan corda para rato e animáronse a presentarse a outros exames...

Merecen os nosos parabéns polo seu traballo. Recibiron un diploma que acredita que son alumn@s de élite, esperamos que teñan moita sorte nos novos estudos que comezarán proximamente.

Tras quedar entre os 16 mellores equipos da comunidade galega e por tanto clasificarse para a final, o sábado 5 de abril en Madrid, o equipo JIMMYTHEBODYMILKER logrou quedar entre os 20 mellores equipos (dos 100 da final) e non so iso se non que se impuxeron como os quintos finalistas por beneficio acumulado no concurso-simulador Young Business Talents.

A experiencia foi enriquecedora, non so na final se non desde novembro que empezou o concurso. Puxeron en práctica os conceptos das clases de economía e aprenderon a tomar en equipo decisións e a establecer estratexias segundo os cambios no mercado. Ademais de conseguir dous premios e un diploma.

Hoxe xoves fomos facer a visita a Inditex que tiñamos programada, á súa sede en Arteixo, a pesar do vento chegamos sans e salvos e resultou coma sempre unha experiencia moi enriquecedora. Trouxemos unha foto de recordo.