Extraescolares

Hoxe 12 de abril, foron as Olimpíadas de Economía na Facultade de ADE de Lugo,

Do noso instituto participaron dous alumnos, en realidade dous valentes, porque con toda a presión que supón o curso de 2º de bacharelato, e tendo en conta que entraba tamén temario de 1º de bacharelato, decidiron preparar e presentarse ao exame ás 16:15 da tarde. Xa so por todo iso merecen a nosa admiración. E ademais, no exame caeron preguntas que non aparecían no temario que figuraba nas bases.

Aínda así trataron de facer un bo traballo e o fixeron. Noraboa a José Leal Corral e a Martín Rico Álvarez, quen ademáis quedou como finalista no sexto posto! polo que recibíu diploma. 

 Olimpíadas de Economía José Leal e Martín Rico Imaxe de Beatriz López

O alumnado estivo moitos meses, dende o ano 2020, sen poder facer actividades extraescolares  pola pandemia do Covid mais a mellora  das condicións sanitarias, en xuño  de 2022,  facilitou as saídas do centro educativo. Estudantes de Bioloxía e Xeoloxía de 1º de ESO realizaron, o 14 de xuño, un Itinerario xeolóxico-ambiental pola costa de Lugo recibindo as explicacións da profesora de Xeoloxía do Departamento C. Tizón. O mesmo Itinerario e coas explicacións de C.Tizón, realizárono, o 15 de xuño, estudantes  de 4º de ESO e de 1º de Bac.

Desde hoxe día 28 de marzo e ata o próximo 28 de abril, estará aberto o prazo para solicitardes axudas para a realización de actividades de formación en linguas estranxeiras. Podedes consultar a información e cubrir o formulario de solicitude na páxina https://www.edu.xunta.es/axudasle/