Economía

Hoxe 14 de febreiro, desfrutamos dunha interesante charla que nos impartiron dúas funcionarias da aeat (axencia española da administración tributaria), Mercedes Burgo e María José González, quen de forma moi amena faláronnos da importancia dos impostos, dos seus tipos, da súa historia... tamén da función da aeat e do concurso que organiza sobre os impostos. Tanto o alumnado de Economía de 1º de bacharelato como do de 4º da ESO puido aprender e eflexionar sobre aspectos que a todos nos infúen e nos afectan.

 No grupo de 1º de bacharelato B:

O equipo formado por David Fernández Rodríguez (IES Xoán Montes de Lugo), David Sande Rúa (IES Rosalía de Castro de Santiago de Compostela e. Mateo Toro Diz (Colexio Peleteiro de Santiago de Compostela, acompañados por Dña. Dolores Docampo Brea (Profesora de Economía do IES Rosalía de Castro) e Dña. Mª Beatriz López Soto (Profesora de Economía do IES Xoán Montes) finalizaron en terceira posición na clasificación por equipos da XI Olimpíada Española de Economía. Ademáis do logro que supón quedar entre os 3 primeiros na clasificación por equipos, tamén obtiveron un premio por resultar entre os 10 mellores clasificados individualmente. David Fernández Rodríguez é o primeiro alumno dun instituto lucense que consigue quedar entre os mellores clasificados, obtendo un meritorio octavo premio, consistente en diploma e dotación económica.

A de Inditex é unha cita anual moi esperada polo alumnado, que se mostra moi ilusionado, as súas expectativas sempre quedan satisfeitas e salientan o enriquecedor da experiencia. Este ano fomos a Arteixo o luns 13 de maio o alumnado de 2º de bacharelato da materia de Economía da Empresa, e algún máis de Fundamentos de Administración e Xestión, ata alcanzar os 20 de cupo máximo coas profesoras, agradecemos moito a Mª José Carral Río que nos acompañase de tan bon grado.

Foi un día especial porque ademais era o último de clase antes de fin de curso así que aproveitei para desexarlles moita sorte.

Aquí tedes unha mostra gráfica da viaxe cara a Inditex, do final da visita e da volta.

O día 5 de abril, o equipo Resistencia, formado por Jesús Barreira Santos, David Fernández Rodríguez, Pablo Herrero Álvarez e Pablo Vilar Moral, de 2º de bacharelato, participou na final de YBT, sendo o único grupo da provincia de Lugo entre os 100 mellores de toda España. O evento levouse a cabo en Madrid, e destacouse a honrosa representación e participación do equipo, que  leva unha gran experiencia ademais do diploma de finalistas. Noraboa!

Algunhas das imaxes da final:

Este curso todo o alumnado de Economía e tamén o de Historia da arte asistiu a unha exposición moi interesante e que ata o 7 de xaneiro pode visitarse de xeito individual na carpa de "La Caixa", sita na Praza Horta do Seminario.

O 23 de novembro foron os de 1º de bacharelato, o 19 de decembro os de 4º da ESO e o 21 de decembro os de 2º de bacharelato. Puidemos coñecer aspectos como a innovación, creación, produción e evolución de obxectos cotiáns que en realidade supoñen grandes avances e por iso poden considerarse como heroes xeniais: o Lego, a fregona, o pos-tit, as latas de conservas, o bolígrafo Bic, o velcro, as tiritas... Hai ata 28 dos máis de 40 obxectos que compoñen a exposición orixinal do Vitra Design Museum. O alumnado tamén puido desfrutar realizando actividades preparadas para analizar as necesidades que cubren os obxectos e facer unha práctica do método canvas ineractiva.