IES Xoán Montes

O IES Xoán Montes foi, durante o curso 2020-2021, centro piloto dun programa sobre avaliación de competencias transversais STEM dentro dun proxecto Erasmus+ KA3 promovido pola Consellería de Educación, en colaboración coa USC.

O alumnado realizou unha autoavaliación sobre o seu grao de competencias transversais antes e despois da incorporación do Marco europeo de traballo de Competencias STEM, baseado en metodoloxías activas e participativas. A USC estudará e difundirá, previsiblemente en outubro, os resultados do proxecto que permitirán coñecer o grao de ditas competencias: resolución de problemas, innovación e creatividade, comunicación, pensamento crítico, capacidades metacognitivas, colaboración, autorregulación, competencias e destrezas disciplinares.

Cartel Competencias STEM. Beatriz Penas Trastoy (3ºB). CC BY-SA

O Departamento de Orientación do IES Xoán Montes acadou o recoñecemento polo seu compromiso e traballo que desenvolve desde hai anos coa fundación ALAR Galicia, dependente da Xunta de Galicia. O programa é o Proxecto Coaching Menores de acompañamento social e adestramento de vida co obxectivo de favorecer o desenvolvemento integral.

Este programa consiste no acompañamento individualizado de rapaces/as entre 12 e 17 anos co obxecto de cubrir as súas espectativas e necesidades, transformando posibles situacións de conflicto persoal en momentos superados de forma positiva, de forma que centra a súa actuación en axudar a aprender, no lugar de ensinar.

Estiveron presentes no acto, ademais da orientadora Cristina Vila quen se encargou de recoller a placa conmemorativa, o xuíz D. José Antonio Vázquez  Taín, o director de Alar Galicia D. José Antonio González Truque e o presidente da Xunta da Galicia D. Alberto Núñez Feijoó.