Skip to Content

Aviso importante sobre condicións meteorolóxicas

Ven, 06/02/2009 - 07:56

Ante a dificultade de comunicar situacións meteorolóxicas adversas, transmítese a recomendación da Consellería de Presidencia de consultar os fines de semana esta páxina, a da Consellería de Educación e Ordenación Universitaria www.edu.xunta.es ou os avisos que se dean polos medios de comunicación.

A Dirección

2009 Ano Internacional da Astronomía

Mar, 03/02/2009 - 04:29

O ano 2009 foi declarado Ano Internacional da Astronomía pola ONU

Pódese acceder a moitos enlaces interesantes premendo aquí ou na própia páxina da ONU.
Unha boa ocasión para coñecer máis acerca dos nosos coñementos sobre cosmos!.

Suspensión das clases o venres 23 de xaneiro

Xov, 22/01/2009 - 18:14
A Xunta de Galicia suspende as clases nos centros escolares de A Coruña e Lugo por ameaza de temporal.
Ver enlace:

Matrícula das Probas de Acceso a Ciclos Medios e Superiores

Xov, 15/01/2009 - 19:00

No D.O.G. nº 243 de 16 de decembro de 2008 publícase a Orde do 2 de decembro de 2008 pola que se regulan as probas de acceso aos ciclos formativos de formación profesional do sistema educativo.

Para Ciclos Superiores, as datas de inscrición son do 19 ao 30 de Xaneiro de 2009.

Para Ciclos Medios, as datas de inscrición son do 2 ao 13 de Marzo de 2009.

Máis información nas seguintes ligazóns:

Convocadas 2 650 prazas de inmersión lingüística

Ven, 09/01/2009 - 18:12

A Consellería de Educación e Ordenación Universitaria convoca 2.650 prazas para realizar actividades de inmersión lingüística no verán de 2009.

Prazo límite de solicitude o 9 de febreiro. A solicitude debe facerse na páxina

http://www.edu.xunta.es/axudasle 
O trámite pódese realizar dende equipos informáticos do propio centro.

Despedida do trimestre con música e danza

Lun, 29/12/2008 - 15:06

festival nadal 2008 Grazas aos ensaios e xenerosidade das profesoras de música e o seu alumnado, o Sofía Casanova celebrou o fin do primeiro trimestre cun espectáculo de canto a capela e danzas do mundo.
Déronlle vida aos coros e aos grupos de danzantes alumnado de 1º e 2º de Bacharelato e de 4º de ESO que fixeron dous pases, dous! para os seus compañeiros e compañeiras, co aforo do salón de actos a tope e unha participación exemplar do respetable público.
Un moi grande regalo de nadal, graciñas a todos e azos para o que nos queda de curso.
Que teñamos un ventureiro 2009!

Concurso RECOATLÁNTICO

Ven, 28/11/2008 - 12:22

O IES Sofía Casanova está inscrito no concurso Recoatlántico, promovido pola empresa RECOATLÁNTICO, adicada a recuperación de consumibles de impresoras.

- Trátase de recoller a maior cantidade posible de cartuchos baleiros de tinta (ink-jet) ou toner (laser).
- Non serven os de fotocopiadora.
- Cantos máis cartuchos sexamos capaces de recoller máis posibilidades temos de conseguir premios.
- Necesitamos como mínimo 300 puntos = 300 cartuchos. (aínda que non todos valen o mesmo)

 

Colabora co centro Reciclando,
!! Non tires ao lixo o cartucho baleiro, traino ao centro"

Podedes conseguir cartuchos implicando aos vosos familiares, pedindolles incluso que traian os cartuchos baleiros dos seus traballos.

COLABORA

Eleccións de renovación parcial do Consello Escolar

Mér, 29/10/2008 - 15:41

ÚLTIMAS NOVAS: Rematado o proceso electoral, todos os estamentos teñen renovada a súa representación. O novo Consello Escolar reunirase en sesión constitutiva a vindeira semana. Noraboa a toda a comunidade!

Os consellos escolares deben renovarse parcialmente cada dous anos, e para o mes de novembro deste 2008 xa están convocado o proceso electoral.

Nestas páxinas iranse anunciando as fases tras da reunión da Xunta Electoral, o martes día 4.

Distribuir contido


by Dr. Radut