CONVOCATORIA DE ELECCIÓNS AO CONSELLO ESCOLAR

Unha vez reunida a Xunta Electoral resultante do sorteo público que tivo lugar o día 18 de outubro, procédese a realizar oficialmente a convocatoria de eleccións ao Consello Escolar, das que deben saír dous representantes do profesorado, tres representantes do alumnado e un representante de pais / nais.

O censo dos distintos colectivos, así como información doutra índole, atópase publicado no taboleiro de entrada do IES de Melide. Iníciase o prazo para a reclamación, de ser o caso, a dito censo e anímase á presentación de candidaturas, do 1 ao 8 de novembro —a presentación de candidatura realízase cubrindo un formulario que se pode recoller na secretaría do IES de Melide—.

Nos arquivos que se adxuntan a esta entrada figura máis información a este respecto.