Publicada a Resolución do 23 de abril de 2020, da Dirección Xeral de Educación, Formación Profesional e Innovación Educativa, pola que se adoptan medidas excepcionais no desenvolvemento das ensinanzas de formación profesional do sistema educativo e nas ensinanzas de réxime especial. Conteñen instrucións específicas para o desenvolvemento da FCT.

A fin de facilitar o acceso aos contidos disponíbeis do catálogo en liña da Rede de Bibliotecas de Galicia, o equipo da biblioteca do IES Marco do Camballón en colaboración coa Biblioteca Pública Municipal Xosé Neira Vilas, pon a disposición de todas as interesadas/os, sexan ou non membros da comunidade educativa, un formulario de solicitude para cubrir e mandar por correo electrónico.
Como dicimos, este formulario vai resolver o trámite de alta na Rede de Bibliotecas de Galicia, co que poderedes ler e visionar películas do catálogo de GaliciaLe sen necesidade de saír da casa. Podedes atopar o documento de solicitude premendo nesta ligazón.

A situación provocada pola pandemia do COVID-19 revela importancia de moitas cousas que agora estrañamos. As persoas que traballamos no IES Marco do Camballón queremos enviar unha mensaxe de ánimo e forza ao noso alumnado. 

Podedes vela premendo na seguinte ligazón.

A Consellaría de Educación e Ordenación Universitaria fixou as datas da convocatoria ordinaria das probas ABAU. Terán lugar os días 7, 8 e 9 de xullo. Queda pendente a concreción das datas para a proba extraordinaria, en todo caso, antes do 10 de setembro.

Con data 27 de marzo, a Consellaría de Educación e Ordenación Universitaria fixou instrucións a fin de dar continuidade ao calendario escolar e formalizar o peche da avaliación do 2º trimestre. Ditas instrucións estabelecen que non serán avaliables as actividades relacionadas cos contidos curriculares realizadas polo alumnado con posterioridade á data da declaración do estado de alarma (BOE do 14 de marzo). Por este motivo, o profesorado só terá en conta os resultados e traballo desenvolvido até dita data.

En base á ORDE do 27 de marzo de 2020 pola que se establecen as bases reguladoras das axudas de carácter directo ás familias do alumnado beneficiario de bolsas de comedor escolar nos centros públicos non universitarios xestionados por esta consellería durante a situación de suspensión do servizo de comedor como consecuencia do COVID-19, co levantamento dos prazos de suspensión do procedemento (código de procedemento ED601B):