Instituto de ensinanza secundaria, bacharelato, ciclos formativos e adultos
Taboleiro
Os nosos parabéns á alumna Zaira Rivadas Mourelle de 4º ESO D por ter acadado un premio accésit no XV Concurso Literario Rita Suárez Amado (Nivel II de Poesía), organizado polo IES Eusebio da Guarda da Coruña.
Animamos a todo o alumnado que teña inquietudes literarias a participar na seguinte edición.
Deixámosvos un vídeo e unhas imaxes da entrega do premio á nosa alumna Zaira, celebrada o xoves, 25 de marzo no IES Eusebio da Guarda.
O grupo ecoloxista Toxos formado por alumnado do centro fixo un vídeo sobre o consumo responsable de papel e de como desbotar de xeito correcto a máscara.
Xa temos o alumnado premiado no Concurso de postais de Nadal 2020 convocado polo EDLG en colaboración cos Departamentos de EPVA e de Lingua Galega.
|
1º premio: NICOLÁS LORENZO NICOLSON. 4º ESO D. |
|
|
2º premio: REBECA GÓMEZ CUNS. 4º ESO C. |
3º premio: BRAIS PENSADO ALBERTI. 1º ESO B. |
(preme nas imaxes para velas máis grandes)
Parabéns aos tres gañadores e graciñas a todo o alumnado que participou!
Felices festas!
Este xoves día 25 de xuño, ás 18:00 da tarde, terá lugar online a cerimonia de entrega de premios de Wisibilízalas, que como moitos sabedes, é o concurso internacional no que este ano participou o alumnado de 2º de bacharelato coa súa profesora, Leticia Riestra.
A cerimonia pódese ver online a través da seguinte ligazón:
https://www.upf.edu/web/wisibilizalas/4-edicion-2019-2020
É moi sinxelo acceder... só hai que poñer un nome de usuario e entrar.
A cerimonia empeza ás 18:00 e dura ata as 19:30
As categorías nas que participamos son:
- Certame Wisibilízalas Senior (de 18:20 a 18:50)
- Premio ao impacto en redes sociais (de 18:50 a 18:55)
Se queredes entrar a ver a cerimonia agradécese para dar máxima difusión a este proxecto.
Todos estamos moi emocionados porque participaron máis de 150 centros de España e Latinoamérica así que a competición vai a ser moi dura.
A partir de hoxe o servizo da biblioteca reabrirá para o préstamo e devolución de libros e material audiovisual, co seguinte protocolo:
a) devolución de libros en préstamo da biblioteca (non libros de texto)
- a devolución farase dentro do horario de oficina, de 10 a 13 horas, de luns a venres.
- a devolución farase entregando o material na conserxería do centro.
- non é necesario traer nin o carné da biblioteca nin identificarse.
b) servizo de préstamo de libros e material audiovisual
- farase mediante correo electrónico (ies.parga.pondal@edu.xunta.es) ou chamando ao 881 880 371.
- será necesario indicar: nome e apelidos do alumno ou alumna, o título do material solicitado e o número do carné da biblioteca.
- importante: se a petición se fai por correo electrónico, indicar un teléfono de contacto.
- cando o material solicitado estea disponible, avisaremos a persoa indicada para a súa recollida na conserxería do centro.
NOTA: o prazo para a devolución de libros amplíase ata á volta en setembro para o alumnado que así o precise.
Segundo a resolución do 22 de maio de 2020, achégovos as instrucións para a organización das titorías presenciais voluntarias de 2º de bacharelato a partir do 26 de maio.
- O luns 25 non haberá titorías presenciais, empezaremos o martes 26.
- Terán carácter voluntario.
- O horario das titorías presenciais será de 10:00h a 13:00h, en horario libre.
- Cada día terá asignados uns departamentos e por tanto a súas materias:
Luns: Departamentos de Economía e Música.
Martes: Departamentos de Informática, Tecnoloxía e Xeografía e Historia.
Mércores: Departamento de Matemáticas.
Xoves: Departamentos de Física e Química, Filosofía, Educación Física, Bioloxía e Xeoloxía e Artes Plásticas.
Venres: Departamentos de Castelán, Galego e Inglés.
- O alumnado terá que pedir cita, como mínimo, chamando preferiblemente por teléfono (881 880 371) ou enviando un email ao centro (ies.parga.pondal@edu.xunta.es) o día anterior antes das 14:00h; indicando o nome, que departamento/materia desexa acudir e a hora.
O equipo directivo.
Hoxe saíu publicada a Orde pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos para o curso escolar 2020/21 (código de procedemento ED330B).
O prazo de presentación rematará o día 19 de xuño de 2020 incluído.
Enlace ao servizo para facer a solicitude online.
Páxina de tramitación en sede electrónica
Anexos para presentación presencial: Anexo I - Anexo II
Máis información na web da Xunta
No caso de solicitarse o código de centro para a solicitude será o 15027307.
Lémbrase que para a participación no fondo solidario de libros de texto é condición necesaria a devolución dos libros en préstamo do curso actual. Esa devolución farase unha vez finalizado o curso actual e antes do 7 de xullo. Publicarase un calendario de devolución por cursos na web do centro antes desas datas.
Xa podedes consultar na web da CIUG a Convocatoria Ordinaria das ABAU 2020, ademáis dun resumo da mesma e as instrucións para o alumnado actualizadas.
CONVOCATORIA DE MATRÍCULANAPROBA DE AVALIACIÓN DE BACHARELATO PARA O ACCESO Á UNIVERSIDADE: enlace
PROBA DE AVALIACIÓN DE BACHARELATO PARA O ACCESO Á UNIVERSIDADE: enlace
NORMAS DE PRESENTACIÓN DO ALUMNADO AOS EXAMESE NORMAS DE REALIZACIÓN: enlace
Hoxe fixemos entrega da nosa páxina web para o proxecto Wisibilízalas.
A participación neste proxecto achegounos grandes cousas: mellorar o noso traballo en equipo, aprender ferramentas para deseño web así como (o máis importante) dar a coñecer e promover as mulleres no ámbito STEM mediante información sobre mulleres, películas, libros, xogos e inventos realizados por elas nestes ámbitos científico-tecnolóxicos. Espero que vos gustaran as nosas publicacións.
Deixámosvos a ligazón para que poidades ver o traballo realizado: https://sites.google.com/view/wisi-ascachirulas
#wisibilízalas #wisibilizalas #wisibilizalas2020 #Wisibilízalas #itgirls #Wisibilizalas #pargapondal #ascachirulas #universitatpompeufabra
Buscar
Eventos
| Lun | Mar | Mér | Xov | Ven | Sáb | Dom |
|---|---|---|---|---|---|---|
| 1 | 2 | 3 | 4 | 5 | 6 | |
| 7 | 8 | 9 | 10 | 11 | 12 | 13 |
| 14 | 15 | 16 | 17 | 18 | 19 | 20 |
| 21 | 22 | 23 | 24 | 25 | 26 | 27 |
| 28 | 29 | 30 | 31 |
